Behe Bidasoako baratze kolektiboa kide gehiagoren bila
Duela zazpi bat urte abiatu zuten Hondarribia inguruko zenbait herritarrek Aldatsa baratze kolektiboa. Iazko urtarrilean, ordea, ekoizteko moduan zenbait aldaketa tarteko, izena ere berritzea erabaki zuten: Sorburu Baratza da geroztik, eta Hondarribiko udalak utzitako 5.000 metro koadroko lursaila lantzen eta kudeatzen dute hogei familia baino gehiagoren artean. “Laburrean, Sorburu Baratza kaletarrek egindako agroekologia da”, azaldu du Aritz Lekuona Rekalde kideak. Ohikoa da herri askotan baratze eremu zabala zati txikitan banatuta egotea; ez da hori Hondarribiko kasua: hemen baratze bakarra lantzen dute kide guztien artean. Kolektiboan aritzea da haien berezitasuna, beraz.
Kontsumo propiorako barazkiak ekoiztea da proiektuaren azken helburua, baina hori baino gehiagorako bide ematen die Sorburuk. “Gutako batzuek besteek baino eskarmentu gehiago dute nekazaritzan, baina denen artean goaz ikasten eta agroekologian sakontzen, esperientzia hartzen”, dio Lekuonak. Urte osorako plangintza egiten dute bospasei lagunek gidatzen duten talde motoretik, laneko ordutegiak eta erein eta landatuko dutena zehazteko. Talde horretaz gain, astean zehar baratzeko lanak egiteko langile bat ere badute, jardunaldi erdian kontratatuta.
“Asteburuero bazkideak elkartzen gara lanak aurrera eramateko, eta lan ordu kopuruaren arabera ordaindu beharreko kuota ere aldatu egiten da”, azaldu du funtzionamendua. Barazki saskiak larunbatero jasotzen dituzte kideek, baratzean bertan. “Proiektu ‘erdiprofesionala’ da gurea. Bazkide bakoitzak ahal eta nahi duena jartzen du, ez da nahitaezkoa lanera etortzea, baina elkartzen garenean ez dela izaten lanean gelditu gabe eta sufritzen aritzeko. Hamaiketakoa egiten dugu, barbakoa…”. Hondarribiko, Irungo eta Hendaiako herritarrak daude proiektuan, eta adinaren aldetik, zahar nahiz gazte, denetatik dagoela dio kideak.
Nekazaritza biointentsiboa
Baratzea lantzeko moduan aldaketak egin zituzten proiektuko kideek iaz, eta nekazaritza biointentsiboaren bidean sakontzeko hautua egin zuten, frantsesez maraîchage sur sol vivant –lur biziko nekazaritza– deitzen dutena. “Ez diogu lurrari buelta ematen, eta ongarritzeko simaurra baino gehiago konposta darabilgu, sistema biointentsiboa jarraituz”, dio Lekuonak. Intentsibo hitzak ez du nekazaritza konbentzionalerako darabilgunarekin zerikusirik, kasu honetan. “Gu bezalako proiektu txikiak berez askoz intentsiboagoak gara, eskulanaren aldetik, ongarri organikoen erabileran… eta, gainera, gauzak ongi badoaz, metro koadroko ekoizpen maila handia da. Gezur handia da ekologikoak ezin duenik mundua elikatu”, amaitu du Lekuonak.
Proiektua zabaltzeko helburuz bazkide gehiago lortzeko kanpaina abian dute Sorburuko kideek. 30-35 bazkide arte handitu nahi dute taldea, eta hurbileko jendeari bertan parte hartzeko dei egin diote.
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]