Bederatzigarren urteurrena ospatzeko prest dago Errekaleor Auzo Askea
"9 urte bizirik, 63 urte memorian" lelopean ospatuko dute urtemuga aurten, irailaren 21etik 25era bitartean.
Errekaleor Bizirik! proiektuak bederatzi urte beteko ditu aurten. Urteurrena ospatzeko askotariko ekimenak antolatu dituzte auzoan irailaren 21etik 25era bitartean, asteazkenetik igandera.
Jon Maia bertsolariaren Extremaduratik bertsolaritzara emanaldia izango da urteurrenerako programatutako ekitaldietan lehena, asteazken arratsaldean. Ostiralean, berriz, afari baten bueltan elkartu eta kantatzeko beta izango dute Errekaleorrera gerturatzen direnek.
Asteburuan izango dira ekintza gehien: larunbatean egun osokoa da programazioa, baita igandean ere. Larunbatean, 11:00etan, Memoria kolektiboki landuz mahai-ingurua eskainiko dute Martxoak 3 Elkarteko, Obreras sin Fábrica taldeko Hontanillas-eko proiektu arkeologikoko eta Bilbo Zaharreko Memoria Taldeko kideek. Obreras sin Fábrica diziplinarteko ikerketa proiektua da, Ciudad Pegaso (Madril) langile auzoko emakumeen historia jasotzea helburu duena testigantza, argazki, objektu eta ikus-entzunezko dokumentuen bitartez. Hontanillas-eko proiektu arkeologikoan aritu direnek Guadalajarako herri horrek desagertzea ikertu dute, 70eko hamarkadan hustu ostean, baita ordutik izan dituen birpopulatzeko saiakerak ere. Aldi berean txikientzako tailerra ere emango dute: argazkiak, memoria eta eskulanak tailerra.
Eguerdian marianitada eta bazkaritan elkartu eta, arratsaldean, volleybol txapelketa egingo da. Haur eta helduek ahalko dute parte hartu.
Jai giroarekin jarraitu eta eguna bukatzeko Siroko Ska (Ska Reggae, Gasteiz), Demència Serril (Punk Rural) eta J.A.R.T.A. Attack (punk) taldeek kontzertuak emango dituzte.
Igandean, hilak 25, 12:00etan bisita gidatua eskainiko dute Errekaleorreko bizilagunek, "bi denboratan": auzoa sortu zenean eta hasierako hamarkadetan nolakoa zen kontatuko dute eta egun dauden espazio eta dinamikak azaldu. Bien bitartean, auzoko muralak ezagutzeko ibilaldia egingo dute haurrentzako.
Bazkaritarako elkartzeko aukera izango da igandean ere: 14.00etan egingo da herri bazkaria. Bukatzeko, 17:00etan Martxoak 3 elkarteak hitzaldi musikatua emango du.
?? Badator Errekaleor Bizirik!en 9. urteurrena:
9 URTE BIZIRIK, 63 URTE MEMORIAN
Egitaraua?? pic.twitter.com/m88qZRwAX5
— Errekaleor Bizirik! (@Errekaleor) September 17, 2022
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]
Kataluniako mugimendu libertarioan infiltratu zen eta Gasteizko auzo okupatuan ere egon zen poliziaren kasua herri mugimenduen aurkako errepresio orokorraren baitan kokatu du Errekaleor Bizirik-ek.
Espainiako Poliziako agente batek hiru urte eman zituen Bartzelonako mugimendu sozialetan infiltratuta. Barztelonako La Cinétika zentro sozialean hasi zen 2020an, eta “harreman sexu-afektibo instrumentalak” mantendu zituen hainbat emakumerekin eta horri esker... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
EAEko eta Errekaleor auzo askeko energia kontsumoa kalkulatu ditu Euskal Herriko Unibertsitateko ikerlari talde batek, aztarna energetikoan eragiten duten faktoreak ezagutzeko.
Gasteizko auzo okupatuko lurretan ortua egiteko lursail bat hartu dezakete herritarrek. Hainbat dozena baratze martxan dira jada, eta kopurua handitzeaz gain proiektuaren izaera komunitarioa indartu nahi dute orain.
Dagoeneko hasi da Olarizu hiribideko blokeen eraispena, joan den astean utzarazpena gauzatu ostean. Bertan izan da Gorka Urtaran: "Errekaleorrek Olarizuren zorte bera izango du", ohartarazi du alkateak.
Zazpi urte bete ditu Errekaleor Auzo Askeak eta hori ospatzeko jarduera sorta bat antolatu dute Gasteizko hainbat txokotan.
Ostiralean eta larunbatean egingo dira Gasteizko Errekaleor auzo okupatuan. Memoria kolektiboa indartu nahi dute, orainaldiko eta etorkizuneko borrokak elikatzeko helburuarekin.