BBVAk iaz irabazi zituen 4.830 milioiak “odolez bustita” daudela salatu dute
BBVAko Akziodunen Biltzarra batu dela probestuz, bankuaren jardun okerrak salatu ditu BBVAren Aurkako Plataformak. Banketxearen irabaziak odolez bustita daudela adierazi dute ekintzaileek. Barnean, bankuko presidente Carlos Torres Vilak pozarren jakinarazi du iaz 4.830 milioi euroko irabaziak izan zituela.
Beste urte batez, BBVAren Aurkako Plataformak protesta ekintza egin du, BBVAko Akziodunen Biltzarra biltzekoa zela probestuz. Euskalduna Jauregiko ateetan egin dute ekintza: trajez jantzita agertu da ekintzaile talde bat, eta pintura gorria jaurti dute beren buruetatik behera. Salatu nahi izan dute BBVAren irabaziak “odolez zikinduta daudela, haren onurak milaka gerratan eta gatazkatan izandako minetik datozela, arrakala sozialean sakontzen dutela, klima aldaketan, ingurumen hondamendian”.
Horrekin batera, banketxeak praktika onartezinak legitimatzeko saiakera etengabekoak egin dituela ere salatu nahi izan dute. “Bere jarduerak ‘iraunkortasunaren adierazle’ berriarekin, haren gizarte erantzukizunarekin, Ekuadorreko Printzipioekin eta abarrekin makilatu ditu, edo kontrako irudia edo irudi positiboa eman diezaioketen ekintzen finantzaketarekin”, adierazi dute. Alabaina, banketxeak eman nahi duen irudi onaren atzean ezkutatzen diran hainbat praktika argitaratu ditu plataformak.
Emandako datuen arabera, BBVA da Espainia Estatuko armagintza industriako inbertsioen buru, eta 2013 eta 2018 artean 4.200 milioi euro bideratu ditu armagintza enpresetara; “BBVAk finantzatutako arma horiek erabili egiten dira, arma horiek hil egiten dute, arma horiek herriak suntsitzen dituzte eta gerrak, errefuxiatuak eta abar eragiten dituzte”, salatu dute. Armagintzarekin batera, mundu zabalean gizarte eta ingurumen inpaktu handiko makroproiektuak finantzatzen dituela ere azpimarratu dute. Horretaz gain, milaka etxe kaleratzeren erantzulea eta pentsioen pribatizazioan sakontzeko presioa egiten duen bankuko lobbyaren parte dela ere ohartarazi dute.
Praktika oker horien guztien salaketa egitearekin batera, gogorarazi dute BBVA auzipetzen ari direla, “13 urtez Villarejo komisarioa 10,28 milioiren truke kontratatzeagatik lan zikinak egiteko”.
Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
BBVAk Sabadell irensteko egin duen eskaintza “oldarkorrak” berriz erakutsi digu egungo bankuak nolako azalez eginda dauden. BlackRock eta antzeko inbertsio funts sarraskijaleen atzaparretan erorita, haientzako haratustelak ehizatzen dabiltzan erakunde lotsabakoak... [+]
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]
Espainiako Estatuan 541 milioi euro irabazi ditu, duela urtebete baino %9,5 gutxiago, 225 milioi euro ordaindu baititu bankuei ezarritako zerga berriagatik. Hala ere, mundu osoko negozioak kontuan hartuta, ia 2.000 milioi irabazi ditu, iaz baino nabarmen gehiago.
Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?
Irabazien %47, 3 milioi euro, akziodunen artean banatuko dute, eta akzio bakoitzeko urteko dibidendua %39 igotzeko asmoa dute.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]
Adin txikiko bi semerekin bizi den emakumeari argia eta gasa mozteko agindua eman du BBVAren higiezinen agentziak, eta etxetik joan daitezen telefonoz presionatu dituztela ere salatu du Stop Kaleratzeak plataformak. Alokairua ez ordaintzeagatik familia kaleratzeko eskaera egina... [+]
Herritarren txirotze orokortuaren testuinguruan, gutxiengo batek aberasten jarraitzen du, Oxfam gisako eragileek urtero egindako azterketa ekonomikoek erakusten dutenez. Enpresa askok aurten lehen sei hilabetean izandako emaitza ekonomikoen berri izaten ari gara asteotan, eta... [+]
Asteburuan Euskalduna Jauregian egin den BBVAren Akziodunen urteko Batzarraren harira, bankuak armagintzarekin dituen loturak salatu dituzte, urtero bezala, Banka Armatua izeneko ekimeneko kideek. Hala, bi pertsonak hitza hartu zuten akzionista kritikoen izenean, eta horietako... [+]
2019an BBVAren Akziodunen Batzarra gauzatzen ari zen bitartean egindako protesta baten harira, sei pertsona identifikatu zituen Ertzaintzak, eta mozal legea aplikatuz horiei isuna jartzea proposatu zuen. Sei kideetako bat absolbitu du berriki Gasteizko epaile batek, ekintzari... [+]
BBVAren Akziodunen Batzarraren aurrean, bankuak armagintzaren industriarekin duen lotura seinalatu zuten hainbat ekintzailek 2019an. Ekintzaren harira Mozal Legea aplikatu zieten sei pertsonari, eta horietako bi gaur epaitu dituzte. BBVAren aurkako plataformak eta EHk Kapitalari... [+]
Banco Bilbao Vizcaya Argentaria ez da Bilbokoa ezta Bizkaikoa ere, aspaldi egin zuen hegan Madrilera eta handik dirua beste aberririk ez duten nazioarteko inbestitzaileen atzaparretara. Vizcaya eta Bilbao bankuei begira jartzeak eramaten gaitu milaka eta milaka pertsonen izerdi... [+]
Azken egunetan ezagutaraziko datu ofizialen arabera, BBVAko kupulan dauden exekutiboek soldata milioidunak jasotzen jarraitzen dute –pandemiak pandemia–, burtsan kotizatzen duten enpresa handietako beste goi kargu askok bezala.