BBK Live jaialdiak inguruko auzoetan eragiten dituen arazoentzat irtenbidea eskatu dute auzotarrek
Agindutakoaren kontrara, Bilboko Udaleko Mugikortasun eta Jasangarritasun sailak arazoei konponbiderik ez diela eman jakinarazi du Altamirako ‘Guztientzat’ auzo elkarteak.
Uztailaren 12tik 14ra egingo da hamabigarren BBK Live jaialdia, Bilboko Kobeta mendiko parkean. Makroekitaldiak inguruetako auzoetan eragozpenak eragiten dituela eta auzokideen segurtasuna arriskuan jartzen duela adierazi du Guztientzat auzo elkarteak, eta jakinarazi du konponbideak bilatzeko xedeaz azken urteetan elkarlanean aritu direla Altamira-Arestizabala auzoko bizilagunak eta Udala. Egiteko asko dagoen arren, Udalaren partetik egoera hobetzeko lanean jarraitzeko asmoa nabari dela diote auzotarrek. Salbuespen batekin, Alfonso Gil PSEko zinegotzia buru duen Mugikortasun eta Jasangarritasun sailak horretarako asmorik ez duela erakutsi baiteritzote.
“Ia urtebete pasa da Gil-ek 2018ko ediziorako guztia konponduta egongo zela promestu zuen lehen bileratik, baina BBK Live hasteko egun gutxi falta diren honetan, aurreko urteetako egoera berbera mantentzeko asmoa dauka, emandako hitza janez”, salatu dute. Aurten ere gauza berbera hitz eman duela gaineratu dute, baina hitza idatziz eman nahi izan ez duenez, ez duela esandakoa beteko interpretatu dute auzokideek.
Jaialdiak gertuko auzoetan eragiten dituen albo kalteen artetik, Gil-en eskumenekoak diren bi puntu beltz identifikatu dituzte auzokideek: Altamira auzoan ezarritako taxi geralekua eta Bilbobus zerbitzuko 28 eta 58 lineen kolapsoa. Taxi geralekuari dagokionez, Altamira auzoko sarbide bakarra kolapsatzen duela ohartarazi dute. Horrek eragiten dituen eragozpenak alde batera utzita, ardura agertu dute larrialdi zerbitzuen beharra egongo balitz sortuko liratekeen arazoekin. Bilbobus zerbitzuaren inguruan, bestalde, auzotar askok aipatu dituzte beraien etxera heltzeko izaten dituzten arazoak eta autobusek bidaiari-edukiera gainditu egiten dutela azpimarratu, hau arriskutsutzat joaz.
Auzotarrek adierazitakoaren arabera, orain urtebete egoera hobetzeko bideragarriak ziren proposamenak egin zizkioten Gil-i, nahiz eta honek esku-hartzerik egin ez. Mugikortasun eta Jasangarritasun sailetik “luzamendutan” aritu direla adierazi dute, eta hitzorduak lotzen ahalegindu diren bizilagun batzuei emandako tratu “ezatsegina” salatu. “Proposamena egin zaien arren, ez daukate ausardiarik auzora aurpegia ematera etorri eta beraien postura azaltzeko, jendea arriskuaren aurrean bakarrik utziz”.
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Festibaleko autobusak gelditu eta haietako bat margoz estali dute bertako langileen lan baldintzak arbuiatzeko. Horrelako ekimenek sostengatzen duten hiri eredua ere salatu nahi izan dute.
Eragin Bilboko gazte prekarizatuen asanbladaren Twitter kontuan irakurgai daude jaialdia antolatzen duen Last Tour enpresarentzat lan egin duten hainbat langilek helarazitako mezuak. Lau euro azpitik ordaindutako lanorduetatik hasi, eta hamar ordutik gorako lan jardunetaraino,... [+]
Eragin Bilboko gazte prekarizatuen asanbladak Last Tour enpresak antolatzen dituen jaialdietan izan ohi diren lan baldintza txarrez ohartarazi du. Asanbladak berak jakinarazi duenez, enpresak salaketarekin mehatxatu ditu.
Asteburu osoa pasa dut BBK Live jaialdiaren txioak ikusten festibalaren kontu ofizialean eta, dirudienez, Euskaraldiarekin gure hizkuntza normalizatzeko sortzen ari den kolorinetako kontsentsua ez da Kobetamendira iritsi.
BBK Livek umeentzat antolatutako ekitaldia, larunbatean ospatu da Bilboko Areatzan.
Bilboko Altamira auzoko 'Guztientzat' auzo elkarteak deitu du mobilizazioa, BBK Live jaialdiaren lehen egunean. Makroekitaldiak gertuko auzoetan eragiten dituen kalteak eta Bilboko Udaleko Alfonso Gil zinegotziak horiek konpontzeko egindako “promes faltsua”... [+]
FACUA kontsumitzaile-elkarteak BBK Live festibala antolatzen duen Last Tour enpresa salatu du, ez duelako uzten kanpoko janaririk eta edaririk sartzen musika-jaialdia egiten den eremuan.