Baztango Batzar Nagusiak elkartasuna adierazi die Aroztegiko obra gelditzeagatik auzipetutako zazpi herritarrei
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
.jpg)
Baztango Batzar Nagusiak salatu du ez dela “bidezkoa” herritarrak eta ordezkariak kriminalizatzea denenak diren lurrak eta baliabideak defendatzeagatik. Horrez gain, Nafarroako Gobernuak herritarren interesak defenditu beharrean, interes “pribatu eta espekulatzaileak” defendatu dituela kritikatu du batzordeak. Udalez Gaineko Eragina duen Plana (UGEP) onartuz proiektu hau inposatzen tematu dela adierazi dute.
2021eko udaberrian Lekarozko herrian luxuzko 228 etxebizitza egiteko obrak geldiarazi zituzten Baztango hainbat biztanlek kanpaldi luze baten bidez. Protesta horietan parte hartu zuten zazpi herritar auzipetu dituzte, eta hogei urteko kartzela zigorra eta 56.000 euro eskatzen dizkiete, “talde kriminal antolatua” izatea egotzita.
Lekarozko makro-proiektu urbanistikoaren aurka egin zuten baztandarrek jasaten duten egoera salatu du Baztango Batzar Nagusiak. Proiektuaren kontrako oposizioan parte hartu duten herritar eta ordezkariek jazarpen “judizial eta ekonomikoa” pairatzen dutela adierazi du, eta bost puntu nabarmendu ditu.
Bertan, Euskal Herriko herritarrek beren etorkizunaz erabakitzeko duten eskubidearen alde azaldu dira, eta herrien burujabetza eta erabakitzeko eskubidea aldarrikatu dituzte. Nafarroako Gobernuari UGEPa gelditzeko ere eskatu diote, eta bide horretan, otsailaren 1ean Iruñean egingo den manifestazio nazionalera atxiki direla azaldu dute.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu larunbateko besta egunarekin, erresistentziaren lehenbiziko urteurrenean.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu besta egunarekin.
Elkartasunez, hamarnaka herritar elkartu dira Nafarroako Auzitegiaren aitzinean, "herri baten borondatea ezin da epaitu" banderola plazaratuz.
Aroztak Herri Ekimenak jakinarazi du sei pertsona epailearen aurretik igaro beharko direla, Aroztegiako makroproiektuaren aurkako protesten harira. Ekimenak babesa helarazi die, eta mobilizazioak deituko dituela iragarri.
Espainiako Gobernuaren Nafarroako Ordezkaritzak seirehuna euroko isunarekin zigortu ditu Ahotsa.info eta Ekinklik-eko bi kazetari grafiko. Guardia Zibilak dago isunaren atzean; kazetariei leporatzen die agenteak identifikatzea errazten duten irudiak publikatu izana.
Hamar pertsona auzipetu dituzte egitasmoan parte hartzeagatik. "Herri oso baten kontrako erasoa" dela salatu dute, eta "herri gisa erantzungo" dutela ziurtatu.