Baztanen egin nahi duten harrobiaren aurkako ahotsa parlamenturaino eraman dute
Baztango harrobiaren proiektuak arriskuan jarri ditu Erdizko larreak, eta proiektu estraktibista horren aurkako protestak gero eta ozenagoak dira. Ostegunean, Nafarroako Parlamenturaino iritsi da aldarrikapena Erdiz Bizirik ekimeneko kideen eskutik. PSNk harrobia defendatzeko mozio bat aurkeztu du, eta eztabaidatzen ari zenean oihuka hasi dira aktibistak eta plenoa bertan behera utzi dute. Urriaren 12an manifestazioa egingo dute Elizondon Magna enpresaren egitasmoaren kontra.
Bestetik, Elizondon egindako agerraldi batean, Baztango eragile, elkarte eta banakakoak, lurraren defentsan borrokatzeko prest daudela iragarri dute. "Arras barneratua dugu lurrarekin lotuak gaudela: lurretik jaten dugu, edaten dugu, lurrak bazkatzen ditu gure inguruko animaliak, lurrak marrazten ditu gure paisaiak. Lur honetan idatzia dago gure historia, eta inork ez dezala zalantzarik izan, lur honetan idatziko ditugula gure oraina eta geroa ere bai".
Erdiz bailarako bizimodu, kultura eta ekonomiaren ezinbertzeko euskarria dela azpimarratu dute elkarte guzti hauek, eta Magnesitas de Navarrak Erdizen eraiki nahi duen meategiak "herri bezala bizirauteko behar ditugun baliabideak suntsituko lituzke, baztandar eta nafar guzien kalterako", eta hori onartzeko prest ez daudela ohartarazi dute.
Nafarroako Gobernuaren jarrera salatu dute Baztango bizilagunek. "Multinazionalen mesedetara dauden Gobernuek, proiektu hau Foru Intereseko izendatu eta UGEPa bezala tramitatzeko bidea ireki dute, tokiko instituzioen gainetik pasatu nahian, Baztango Batzar Nagusiak antolatu duen herri galdeketa debekatu dute eta herritarrak ordezkatzeko zilegitasuna aspaldi galdu duen Nafarroako parlamentuak inposizio hau berretsi du".
Datorren astean egingo den manifestazioren inguruan, azaldu dute data aukeraketa ez dela kasualitate bat izan. "Urriaren 12an, Espainiako erreinuak bere izaera kolonial eta genozida ospatzen du. 500 urte ondoren bertze hainbat herriekin egiten duten bezala, inposizioaren bitartez gure bizimodua, kultura eta lurrak ere suntsitzen segitu nahi dute. Horren aitzinean, urriaren 12an baztandarrak karrikara aterako gara eta azkeneko 500 urtetan egin dugun bezala, gure lurra, kultura eta bizimodua defendituko ditugu. Gure historia berridatzi nahi duten horiei oroitaraziko diegu Espainiako erreinua existitu baino lehen Erdizen ardiak, behorrak eta Baztango nekazariak zeudela, eta egonen direla Espainiako erreinua desagertu ondotik ere bai".
Manifestazioa arratsaldeko 17etan Elizondoko Plazatik abiatuko da. Hau da deitzaileen zerrenda:
Baztandarren Biltzarra
(h)ilbeltza
Milotxuri
Jo ala jo elkartea
BRT
Zapatillera
Talde Feminista
Baztango gazte asanblada
GKS
Baztango zaporeak
Bildu
Sortu
Ernai
Iñarrosi
Plazara dantzara
LAB
Talde ekosoziala
Ehne
Arrantza eta ehiza elkartea
Berroetako herria
Zigako herria
Oronozko herria
Iruritako herria
Arraiozko herria
Lekarozko herria
Elizondoko herria
Gartzaingo herria
Arizkungo herria
Erratzuko herria
Amaiurko herria
Azpilkuerako herria
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Igande arratsaldean Greenpeace-ko 30 kide inguruk Urdaibaiko proiektuaren kontrako ekintza burutu dute Bilboko Guggenheim museoan. Hamar landare eta animalia-espezie errepresentatu dituzte.
"Ekologismo berria indartzen jarraitzeko eta aldaketa posible egiteko" helburuarekin antolatu dituzte. Arrasaten burutuko dira, martxoaren 28an eta 29an.
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Laga hondartzaren ezaugarri naturalen leheneratzea duela hiru hamarkada abiatu zen, eta aurrera darrai etenik gabe, erlojuz kontrako lehengoratze mailakatuan.
Laga (Bizkaia) gune aparta da, natura eta gizarte ikuspegitik oso esanguratsua. Kostaldeko legeak eta Urdaibaiko... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Eragile ekologista ezagutzeko edo gai ekosozialetara hurbiltzeko interesa duen edonor gonbidatu dute aurkezpenetara. Aurkezpenak egiteaz gain, hitzaldiak, proiekzioak eta kontzerturen bat ere eskainiko dute zita horietan. Albistearen amaieran egitaraua.
