Baxoa euskaraz: ikasleen aldarrikapenak indarrean
Baxoa izena du Unibertsitatera iragateko gainditu beharreko azterketak. Etxepare Lizeoan euskaraz ikasten dute, baina ikasle gehienak frantses unibertsitateetara joan ohi dira. Gutxi batzuk baino ez dira Hego Euskal Herriko unibertsitateetara joaten.
Lapurdi, Nafarroa Beherea eta Zuberoako ikasleek Baxoa azterketa dute gaurdanik. Gaiak euskaraz ikasi arren, frantsesez egin beharko dute azterketa. Bai azterketa, baita etorkizuneko ikasketa bidea egin beharko ere. Ipar Euskal Herriko ikasle euskaldunen ehuneko hiruak (%3ak) baino ez ditu ikasketak euskaraz jarraitzen baxoa gainditu ondoren.
Hauxe salbuespen bakarra: Matematika eta Historia-Geografia euskaraz egin dezakete, hala ere, galderak frantses hutsean egiten zaizkie.
Iparraldean ez dago goi-mailako ikasketak euskaraz egiteko eskaintzarik. Salbuespen bakarra dago honetan ere: Baionako Fakultatean Euskal Ikasketetako lizentzia egin daiteke euskaraz. Lizentzia hori lortzen dutenak Hegoaldera joan ohi dira, baldin eta baxoa gainditzen badute.
Euskal Konfederazioak biltzera deitu du azterketaren karietara:
Baxoko ikasgai guziak euskaraz pasatzeko eskubidearen alde!
Urteak etorri urteak joan, Seaskako Etxepare lizeoko ikasleek oztopo berarekin egiten dute topo: nahiz eta ikasketak osoki euskaraz segitu, historia, geografia eta matematika ikasgaiak bakarrik pasa ditzakete euskaraz, gaineratekoak frantsesez egitera behartuak direlarik.
Euskara eta euskaraz ikasten duen ikasle kopurua urtez urte emendatzen den arren eta euskararen garapenaren garrantzia (irakaskuntza arloan besteak beste) behin eta berriz azpimarratzen delarik, Baxoan euskara erabili nahi duten ikasleen eskubide urraketa hori onartezina da.
Horren salatzeko, Euskal Konfederazioak Baxoa Euskaraz dinamikak antolatu elkarretaratzearekin bat egin eta euskaltzale guziak deitzen ditu ekainaren 15ean, 12:00etan, asteazkenean, Baionako Cassin Lizeoaren aitzinean biltzera.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Euskararen Erakunde Publikoa eta euskal parlamentari talde bat bildu da asteazken honetan Frantziako Hezkuntza Ministerioko bost ordezkarirekin, eta haiengan jarrera aldaketa ikusi dute. Han izan da, esaterako, Julie Benetti, Hezkuntza ministroaren aholkulari berezia.
Joan den maiatzaren 23an aztertu zuen auzitegiak auzia, eta astearte honetan ezagutu da ebazpena: euskaraz ikasten duten ikasleek jarraitu beharko dute Baxoa azterketa euskaraz egiteko aukerarik gabe.
Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.
Filosofiako proba euskaraz idaztea “izaera politiko eta aldarrikatzailea” duen ekintzatzat ikusi dute zuzentzaileek, azterketa frantsesez baino ezin baita egin. Ikasleetako bati, baina, etsamina zuzendu diote eta 20tik 12 puntu lortu ditu.
Brebeta azterketa euskaraz egiten dute Seaskako ikasleek, baina zientzietako froga euskaraz ez dakiten irakasle frantsesek zuzendu dituzte azken bi aldietan. Aurtengo azterketak euskaraz zuzenduak izan daitezela eskatu dute Seaskako irakasleek eta desobedientziaren bidean... [+]
Bigarren Hezkuntzaren amaieran egiten den baxoa azterketa bere horretan mantenduko du Frantziako Gobernuak. Ikasleak kontra agertu dira eta ebaluaketa jarraia egokiagoa dela defendatzen dute. Protestak izan dira Ipar Euskal Herriko hainbat lizeotan.
Hego Euskal Herrian selektibitatea mantentzea aurreikusten duten bitartean, Ipar Euskal Herriko ikasleek ez dute baxoa egin beharko. Unibertsitatera sartzeko proba egiteko baldintzarik ez dagoela adierazi du Frantziako Hezkuntza ministroak, eta ikasturtean zehar ikasleak duen... [+]
Orain arte lizeoko azken urtearen bukaeran egiten zuten ikasleek baxoaren proba, bi astean azterketa guztiak eginaz. Baina baxoaren erreformaren arabera, lizeoko azken bi urteetan egin beharko dituzte azterketak aurrerantzean. Beste aldaketa bat ere bada: orain ikastetxe... [+]
Frantziako Hezkuntza Ministerioak aurten ere ez du onartu Ipar Euskal Herriko 193 ikaslek Brebetako zientzietako azterketa euskaraz egitea. Joan den urtean ere ez zuten utzi, eta ikasleek euskaraz egin zuten azterketa; irakasle erdaldunek zuzendu zituzten azterketa hauek,... [+]
Seaskak, Etxepare Lizeoak eta Baxoa Euskaraz! Ikasle kolektiboak deituta, 12:00etan egingo da elkarretaratzea Baionako René Cassin lizeo aurrean.
Jean Michel Blanquer Frantziako Hezkuntza ministroak jakinarazi du baxoan eta lizeoan aldaketa nabarmenak egingo dituztela. 2021era arte jarri du epea aldaketak indarrean jartzeko.