Baxoa proba bere horretan mantentzearen aurka protestatu dute Ipar Euskal Herriko lizeoetako ikasleek
Bigarren Hezkuntzaren amaieran egiten den baxoa azterketa bere horretan mantenduko du Frantziako Gobernuak. Ikasleak kontra agertu dira eta ebaluaketa jarraia egokiagoa dela defendatzen dute. Protestak izan dira Ipar Euskal Herriko hainbat lizeotan.
Baxoa azterketa bere horretan mantenduko du Gobernuak, pandemia garaian kurtsoa aurrera eramateko gora-beherak izan arren. Herrialde osoan izan dira erabakiaren kontrako protestak eta azken asteetan Ipar Euskal Herriko ikasleek ere mobilizazioak burutu dituzte.
Ipar Euskal Herriko kolegio eta lizeoak maiatzaren 3an itzuli ziren ikasgeletara. Kolegioetan modu presentzialera itzuli dira eta lizeoetan irakaskuntza “hibridoa” daukate, hau da, txandaka ikasleen erdia ikasgelatik eta besteak etxetik.
Egun horretan bertan, Baionako Cassin lizeoko eta Donibane Lohizuneko Ravel lizeoko ikasleek UNL Frantziako lizeotarren batasunak deituta, protesta egin zuten baxoko azterketak mantenduko dituztelako. Astelehen honetan ordea Bernat Etxepare lizeoan izan dira protestak. Frantziako Hezkuntza ministro Jean Michel Blanquerrek prentsaurreko bidez jakinarazi zuenez, bere horretan utziko dituzte azterketak: “Gure helburua da ahalik eta baldintza normalenak eskaintzea ikasleei”.
Ikasleen ustez ordea, ebaluaketa jarraia egokiagoa da 2021eko baxoaren notarako. Ez daude ados gobernuaren erabakiarekin eta parekotasun eza sortzen duela salatu dute ikasleek.
Horrez gain, Seaskako ikasleek urtero baxoari begirako beste aldarrikapen bat izaten dute: azterketa euskaraz egin ahal izatea. Gaur egun Historia-Geografia eta Matematika baino ezin ditzakete egin euskaraz eta beste guztiak frantsesez. Horregatik, ikasle, irakasle eta gurasoek protestak egiten dituzte urtero. Azterketen zuzenketak ere Pauen egiten dira, irakasle frantsesdunek zuzendu ditzaten.
Iragan astean baxoa proba presentziala egitearen aurka diren ikasleek blokeoak egin zituzten Ipar Euskal Herriko ikastetxetan hala nola Cassin edo Ravel lizeotan. Gaur goizean Bernat Etxepare lizeoan burutu dute protesta. pic.twitter.com/Zk4wE2fNki
— Maite Ubiria (@Maite_Ubiria) May 10, 2021
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Euskararen Erakunde Publikoa eta euskal parlamentari talde bat bildu da asteazken honetan Frantziako Hezkuntza Ministerioko bost ordezkarirekin, eta haiengan jarrera aldaketa ikusi dute. Han izan da, esaterako, Julie Benetti, Hezkuntza ministroaren aholkulari berezia.
Joan den maiatzaren 23an aztertu zuen auzitegiak auzia, eta astearte honetan ezagutu da ebazpena: euskaraz ikasten duten ikasleek jarraitu beharko dute Baxoa azterketa euskaraz egiteko aukerarik gabe.
Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.
Filosofiako proba euskaraz idaztea “izaera politiko eta aldarrikatzailea” duen ekintzatzat ikusi dute zuzentzaileek, azterketa frantsesez baino ezin baita egin. Ikasleetako bati, baina, etsamina zuzendu diote eta 20tik 12 puntu lortu ditu.
Brebeta azterketa euskaraz egiten dute Seaskako ikasleek, baina zientzietako froga euskaraz ez dakiten irakasle frantsesek zuzendu dituzte azken bi aldietan. Aurtengo azterketak euskaraz zuzenduak izan daitezela eskatu dute Seaskako irakasleek eta desobedientziaren bidean... [+]
Hego Euskal Herrian selektibitatea mantentzea aurreikusten duten bitartean, Ipar Euskal Herriko ikasleek ez dute baxoa egin beharko. Unibertsitatera sartzeko proba egiteko baldintzarik ez dagoela adierazi du Frantziako Hezkuntza ministroak, eta ikasturtean zehar ikasleak duen... [+]
Orain arte lizeoko azken urtearen bukaeran egiten zuten ikasleek baxoaren proba, bi astean azterketa guztiak eginaz. Baina baxoaren erreformaren arabera, lizeoko azken bi urteetan egin beharko dituzte azterketak aurrerantzean. Beste aldaketa bat ere bada: orain ikastetxe... [+]
Frantziako Hezkuntza Ministerioak aurten ere ez du onartu Ipar Euskal Herriko 193 ikaslek Brebetako zientzietako azterketa euskaraz egitea. Joan den urtean ere ez zuten utzi, eta ikasleek euskaraz egin zuten azterketa; irakasle erdaldunek zuzendu zituzten azterketa hauek,... [+]
Seaskak, Etxepare Lizeoak eta Baxoa Euskaraz! Ikasle kolektiboak deituta, 12:00etan egingo da elkarretaratzea Baionako René Cassin lizeo aurrean.
Jean Michel Blanquer Frantziako Hezkuntza ministroak jakinarazi du baxoan eta lizeoan aldaketa nabarmenak egingo dituztela. 2021era arte jarri du epea aldaketak indarrean jartzeko.
Ipar Euskal Herriko ikasleek hasi dituzte baxoko azterketak. Oraindik, ordea, ez dute guztia euskaraz egiteko aukerarik, eta "Aitzina pausoa, euskaraz baxoa!" lelopean elkarretaratzea egin dute Angeluko Sainte-Anne lizeoaren aurrean lehen azterketa egunean, ekainaren... [+]