Batxilergoko ikasleak sexuaren arabera bereizten dituzten ikastetxeak ez ditu diru publikoz finantzatuko Nafarroako Gobernuak
Ikasleak sexuaren arabera bereizten dituzte Opus Dei-ren Irabia-Izaga eta Miravalles-Redin ikastetxeetan, eta ondorioz, urratu egiten dute finantzaketa ituna. Hezkuntza Departamentuak irailean eman zuen segregazioaren berri, eta bi ikastetxeek aurkeztutako alegazioak atzera botata, Nafarroako Gobernuak erabaki du 2023-2024 ikasturtean ituna ez luzatzea. Batxilergoko zikloei eragingo die erabakiak, LH eta DBH zikloetan segregazioa era mailakatuan amaitzeko akordioa baitute sinatuta bi aldeek.
Nafarroako Gobernuak astelehenean jakinarazi die Irabia-Izaga eta Miravalles-Redin ikastetxeei finantzaketa ituna bertan behera utziko dutela, beronen baldintzak ez dituztelako betetzen. Izan ere, bi ikastetxeek ikasleak sexuaren arabera bereizten dituzte, eta horrek ituna urratzen du. Opus Dei-renak dira bi ikastetxeak.
2022ko irailetik jakina zen bi zentroek sexuaren araberako bereizketa mantentzen zutela. Hezkuntza Departamentuko ikuskaritza zerbitzuak salatu zituen, oharturik ez zirela LOMLOE legea aplikatzen ari Batxilergoari dagokionez. Espainiako hezkuntza legeak jasotzen duenez, ikaslegoari sexuaren araberako bereizketa aplikatzen dioten ikastetxeek ezin baitezakete diru publikorik jaso. Hezkuntza Departamentuak egindako salaketaren aurrean alegazioak aurkeztu dituzte bai Irabia-Izagak bai Miravalles-Redinek, itunak eteteko prozesua ikasturte oso batez atzeratuz. Alegazioak atzera botata, urtarrilaren 30ean eman die ituna eteteko erabakiaren berri, eta 2023ko abuztuaren 31tik aurrera izango du erabakiak praktikan isla. Alegia, 2023-2024 ikasturteari eragingo dio.
Gobernuaren erabakiak ez ditu hezkuntza ziklo guztiak baldintzatzen, eta Batxilergoan aplikatuko da bakarrik. Izan ere, LH eta DBH zikloei begira, segregazioa era mailakatuan ezabatzeko akordioa dute sinatuta ikastetxeek eta gobernuak. LHko lehen mailatik ikasleak "era progresiboan" nahasteko konpromisoa dute hartua ikastetxeek: iaz hasi ziren segregazioa hausten, 1. mailako ikasleekin; aurten 1. mailako ikasleak eta 2. mailakoak ez dituzte sexuaren arabera bereizi, eta espero da hurrengo ikasturteetan geroz eta maila gehiagotan aplikatzea segregazioaren aurkako neurria. Sexu bereizketa desagerrarazteko epe-mugatzat 2026-2027ko ikasturtea zehaztu du Hezkuntza Departamentuak.
Batxilergoan, ordea, ez dago mailakako konpromisoentzako tokirik, eta LOMLOEn arabera, Batxilergoan ezin da gisako bereizketarik egin. Hala bada, ziklo horretan ituna ez du luzatuko gobernuak.
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira karbono dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]