Batxilergoko bost modalitate ezarriko ditu Lomloe lege berriak datorren ikasturtean
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate "orokor" bat sortuko dituzte.
Espainiako Gobernuak datorren ikasturtean jarri nahi du martxan abenduan onartu zuen Lomloe hezkuntza legea. Autonomia erkidegoetako ordezkariak atzo bildu ziren Hezkuntza Batzorde Orokorrarekin, eta planteatzen diren aldaketen nondik norakoak ezagutu zituzten. Erkidegoetako arduradunek denbora izango dute proposamenak egiteko: 2022-2023 ikasturtean Lomloe maila bakoitietan sartuko da indarrean; hurrengo urtean, bikoitietan.
El País hedabidek jaso duen dokumentu ofizialean ikus daitekeenez, hezkuntza legean aurreikusten diren erabakiek guztiz aldatuko dute Derrigorrezko Bigarren Hezkuntzako ikasketetako eta Batxilergoko bi urteetako curriculum akademikoa. DBHn hautazko ikasgai gehiago jartzea proposatzen dute, Wert legeak proposatutako ibilbide zurrunaren aurrean, "ikasleei autonomia gehiago emateko". Batxilergoan, berriz, bost modalitate eskainiko dituzte, egun irakasten diren hiru aukerak beharrean.
Bigarren hezkuntzako lehenengo eta hirugarren mailen artean, Teknologia eta Digitalizazioa izeneko ikasgaia izango dute gazteek, laugarren mailan, bi adarretan banatu eta hautazko gisa eskainiko dena: Teknologia, batetik edo Digitalizazioa, bestetik. Maila horien artean, baita, Balore Zibikoak eta Etikoak ikasgaia eskainiko da, lehen hezkuntzan bosgarren edo seigarren mailan irakatsiko den ikasgaiaren jarraipen gisa.
Aldaketa nabarmenenak, laugarren mailan ezarriko dira. Ekonomia ikasgaiari Ekonomia eta Ekintzailetza izena emango diote, eta curriculum akademikoa lotuago egongo da sormenerako eta ekimenerako nahia bultzatzera. Eremu pertsonalerako eta lan arloko gaitasunak garatzeko ere hautazko irakasgai bat eskainiko da maila horretan: Prestakuntza eta Orientazio Pertsonala eta Profesionala.
Azken honek psikologiarekin, soziologiarekin eta antropologiarekin lotutako ezagutzak eskainiko dituela esan dute gobernutik. Horrela, derrigorrezko hezkuntzatik desagerrarazi duten Filosofia ikasgaiaren lekua hartuko duela azaldu dute. Ikasgaia derrigorrezkoa izango da Batxilergoko lehen mailan eta bigarrenean (Fiolosofiaren Historia izenpean), baina hainbat eragilek salatu dute Filosofia gida akademikotik kendu egingo dutela, eta hori onartezina dela.
Bost batxilergo
Egun dauden hiru batxilergoko ibildeetan ere aldaketak planteatu ditu Lomloek. Arteetako modalitatea bitan banatzea proposatu dute: batetik, musika eta arte eszenikoei lotutako ibilbidea eta bestetik, arte plastikoekin, irudiarekin eta diseinuarekin lotura duena. Horretaz gain, Batxilergo Orokorra izeneko modalitatea ere sortuko dute, zientzietako eta letretako ezagutzak uztartzea helburu duen aukera. Gauzak horrela, bost batxilergo eskainiko dituzte: Zientziak eta Teknologia zein Gizarte Zientziak (lehendik mantendu direnak) eta Batxilergo Orokorra eta arteetako bi modalitateak.
Guztiek ikasgai komunak izango dituzte bi urteetan. Baina hautazko materiak eta modalitaterako espezifikoak direnak ezberdinak izango dira. Batxilergo Orokorraren lehen urtean, Matematika Orokorrak egongo dira, eta bigarren mailan, Zientzia Orokorrak. Hautazkoen artean, bi izango dituzte urte bakoitzean: Ekonomia, Ekintzailetza eta Enpresa ekintza lehen mailan, eta Mugimendu Kulturalak eta Artistikoak edo beste batxilergo modalitateetan eskaintzen diren hautazkoetako edozein, bigarrenean.
Gobernuak emandako informazioaren arabera, beste modalitateetako ikasgaiak nahasten dituen aukera hori zer egin argi ez daukaten gazteei dago zuzenduta. Era berean, baliagarria izango ei da batxilergoa bukatu ondoren Lanbide Heziketara joan nahi duten ikasleentzat edo ezagutza orokorrak biltzen dituen unibertsitate tituluak (Kazetaritza kasu) ikasi nahi dituztenentzat.
Aldaketak hainbat ikasgaitan
Zientzia eta Teknologiako batxilergoan eta Gizarte Zientzietakoan ere aldaketa txiki batzuk planteatu dira. Lehenengoan, ikasleei aukera emango zaie zientzietako matematikak ikasteaz gain, Gizarte Zientziei Aplikatutako Matematikak ikasteko. Bigarren modalitatean, gazteek ez dute latinaren eta matematika aplikatuen artean aukeratu beharko, bata hautazkotzat eta bestea derrigorrezkotzat ikasi ahal izango baitute.
Arteetako modalitatean eta zientzietakoan aukeratu daitekeen Marrazketa Teknikoa ikasgaia birplanteatu egingo da. Teknologiarekin eta arkitekturarekin lotura duten ikasketak egin nahi dituztenentzeko bideratutako ikasgaia izango da batzuentzat, eta arte plastikoetara bideratuta egongo da horrekin lotura duen zerbait ikasi nahi dutenentzat.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Seme-alabek eskolan dituzten ratioekin kezkatuta, Arartekoari kexa helarazi zion guraso talde batek, eta orain zuzenean Parlamentuari egin diote eskaera, “legez berma dadin gure seme-alaben hezkuntzaren kalitatean oinarrizkoa den neurria, unean uneko aurrekontuez edo... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren zilegitasuna... [+]
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]