Kanpaldien lehen garaipenak iristen hasi dira Israelekiko boikot akordioekin
Besteak beste, Bartzelonako Unibertsitateko klaustroak Israelekin harreman instituzionalak etetearen alde bozkatu du. Dublingo Trinity College ikasle mobilizatuekin akordio batera heldu da Israelekin “harremana hausteko norabidean lan egiteko”. Ikasle Abertzaleakek EHU eta NUPeko errektoreei exijitu die estatu sionistarekin harremana eteteko.
Mundu osoko ikasleek Palestinaren alde abiatutako mobilizazio uholdeak fruituak ematen jarraitzen du hainbat lekutan. Iturri ugarik baieztatu dute asteazkenean Bartzelonako Unibertsitatearen (UB) klaustroak Israelekin harremana apurtzea onartu duela. Ezohiko mozioaren alde bozkatu dute 59 kidek, 23k aurka eta 37 abstentzio izan dira. Ikasleek Palestinaren aldeko kanpaldia abiatu ondotik etorri da erabakia, baina ez da behin-betikoa, unibertsitatearen zuzendaritzak erabaki behar duelako orain klaustroaren bozketari buruz. Neurriak Israelgo ikastetxe, ikerketa gune, enpresa eta bestelako erakundeei eragingo lieke. Benjamin Netanyahuren aurkako presio mekanismo gisa onartu du klaustroak, “genozidioa gelditu eta apartheid eta kolonizazio sistema ezabatu” arte.
Irlandan, Dublingo Trinity Collegeko ikasleek ere “garaipen partzial” bat lortu dute, astebeteko kanpaldia egin eta gero. Unibertsitateak adierazi du prozesu bat abiatu duela loturak hausteko Palestinako Lurralde Okupatuetan jarduerak dituzten eta NBEren “zerrenda beltzean” agertzen diren enpresekin, BBCk jakinarazi duenez. Ikasleek protestekin jarraituko dutela esan dute beren eskakizun guztiak bete arte. Unibertsitateak lantalde bat jarri du martxan, ikasleen ordezkaritza ere izango duena, erabakitzeko zer harreman izango duten “giza eskubideak urratzen dituzten herrialdeekin”.
Hego Euskal Herrian ere kanpaldiak
Maiatzaren 6an abiatu zituzten kanpaldiak Hego Euskal Herriko hiriburuetako unibertsitate publikoetako campusetan, Ikasle Abertzaleak-ek deituta, eta beste antolakunde batzuen babesarekin, eta besteren artean, Ernaik edo Astinduk bat egin dute deialdiarekin. Ikasle Abertzaleak antolakundeak EHU eta NUPeko errektoreei exijitu die Israelekin duten harreman oro eten dezatela. NUPeko errektoretzari Israel publikoki kondenatu dezala ere exijitu diote. Astelehenetik kanpaldiak izan dira Hego Euskal Herriko unibertsitateetan, eta ehunka ikaslek bat egin dute protestekin. Datozen egunetarako egitarauak antolatu dituzte mobilizatutako ikasleek.
Ikasle Abertzaleek salatu dutenez, EHUk esan bazuen ere Israelgo unibertstitate sionistekin harremanak hautsiko zituela, “errealitatea guztiz bestelakoa” da. Israelen konplize diren enpresekin ere hausteko eskatu dute. HP, AXA eta CAF enpresak aipatu ditu IAk sionismoaren kolaboratzaile gisa. Ohartarazi dute HP enpresak Israelek Palestinan ezarritako checkpoint-etan erabiltzen den teknologia militarra garatzen duela, AXA inbertitzailea dela armamentu enpresetan eta kolonizazioan parte hartzen duten bankuetan eta CAF euskal enpresa Palestinako legez kanpoko kolonietatik igarotzen den trenbide azpiegitura eraikitzen ari dela.
Lanuzteak euskal ikastetxeetan
Ikama ikasle antolakundeak lanuzteak deitu ditu maiatzaren 13rako, Ikasleok Palestinarekin, genozidioa gelditu lelopean. Hego Euskal Herriko campusetan antolatu diren kanpaldiekin bat egin zuen Ikamak, baina “pauso bat gehiago” emateko beharra ikusi dute, eta dei egin diote euskal hezkuntza komunitateari astelehenean lanuzteak egitera eta 12:00etan hiriburuetan antolatu dituzten mobilizazioekin bat egitera.
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
Gabonetan “mahaian sionistarik ez esertzeko” galdegin du taldeak. Boikotaren eraginez, supermerkatu kate frantziarrak behera egin du salmentetan, eta berriki Jordanian saltokiak itxi ditu.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelek gosea erabiltzen du palestinarren aurkako gerra-arma gisa, eta nekazaritza-produktuak mundu osoan merkaturatzen ditu.<
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Asteburuan Espainiako Estatuko hiri ugaritan egindako mobilizazioen harira, Israelgo Atzerri Gaietarako Ministerioak eta Israelen Espainiako Enbaxadak "terrorismoa goraipatzea" egotzi diote Espainiari.
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.