Bartzelonako etxe atarian jipoitu dutela salatu du 19 urteko transexual iruindarrak
Eva Vildosola gazte iruindarrak salaketa jarri du Bartzelonako Homofobiaren aurkako Behatokian hirian jasandako erasoa salatzeko. Argazkiak gazteak berak argitaratu ditu bere sare sozialeko perfilean.
Bartzelonako 19 urteko neska transexual bati egindako eraso homofoboaren harira, Esquadra Mossoek ikerketa abiarazi dute. Ostiral arratsaldean, biktimak berak sare sozialetan azaldu zuenez, hainbat pertsonak eraso zioten etxeko atarian eta aurpegian ukabilkadak eta gorputz osoan kolpeak eman zizkioten. Sexu-izaeragatik iraindu dutela dio. Neskak erasoa salatu du Bartzelonako Homofobiaren aurkako Behatokian.
Gertatutakoaren berri izan ostean, Esquadra Mossoek, Bartzelonako Gorroto Delituen Fiskaltzarekin koordinatuta, eginbideak abiatu dituzte erasoa ikertzeko eta erasotzaileak identifikatzeko, Kataluniako Poliziak twitter bidez azaldu duenez. Bestalde, Espainiar Estatuko LGTB Federazioak erasoa gaitzetsi du. "Gazteak jasandako erasoa gaitzesten dugu eta gure babesa eta indarra ematen diogu. Hori dela eta, beharrezkoa da Trans Lege Integrala eta berdintasun sozialari buruzkoa, gertakari horiek zigorrik gabe gera ez daitezen", adierazi du erakundeak.
Berak kontatu duenez, ostiral honetan, azaroaren 20an, etxetik irten bezain laster "Travelo! Engendro!" oihukatzen hasi zitzaizkion. "Heldu eta bi ukabilkada eman dizkidate aurpegian, ostikadak eta beste kolpe batzuk gorputzean". "19 urteko neska arrunt bat naiz, transexuala naiz, bai, baina horrek ez nau ez-normalago egiten, ez nau sorgortzen, ez nau gutxiago egiten, kalera irteteko eskubidea dut, nire sare sozialekin nahi dudana egiteko eskubidea dut eta mundu guztiak izan beharko lituzkeen eskubide guztiak ditut. Nahiko gaizki pasa dut bizitza osoan gaur naizena izaten saiatzen eta ez diot inori utziko lortu dudana lapurtzen". Horregatik, erasoa publikoki salatzea erabaki du gazteak.
"Ez dut hau merezi", adierazi du. "Bi hilabete daramatzat Bartzelonan bizitzen, bake bila etorri naiz hona, neure buruaz gozatzera, behar dudalako, umiliatu ez nazaten, eraso ez nazaten, eta munstro sentiaraz ez nazaten. Azaldu iezaiozue hau nire amari, kilometrotara dagoen zuen familiari esaiozue transexuala izateagatik ostiak eman dizkizutela".
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.
Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.
Trans pertsona arrazializatuek, trans pertsona arrazializatuentzat sortutako dantza da vogue-a. Interneten bideoak ikusita horren berri izan zuen Anouar Merabetek (Martil, Maroko, 1991), eta Euskal Herrian komunitaterik ez zegoenez, Parisera joan zen ikastera. Ostean, Kiki house... [+]