Hautsak harrotu ditu Barrionuevoren aitortzak
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute Barrionuevok estatu terrorismoa normalizatzea, eta zigorgabetasuna salatu dute.
Maider Garcíak, GALek hildako Juan Carlos García Goenaren alabak, adierazi du unea dela Pedro Sánchez Espainiako presidenteak “behingoz barkamena eskatzeko eta aitortza egiteko”. Salatu du José Barrionuevo Barne ministro ohiak estatu terrorismoaren biktimak “umiliatu” dituela, El País egunkariari emandako elkarrizketan, eta PSOEren erantzukizuna azpimarratu du: “PSOEren siglak zikinduta daude”. Pili Zabala, GALek hildako Joxi Zabalaren alaba, “minduta” agertu da GALen biktimek duten “segurtasun juridiko faltagatik”.
Bide beretik hitz egin du Maria Jauregik, ETAk hil zuen Juan Maria Jauregiren alabak: “Tripak nahasi dizkit Barrionuevoren elkarrizketa irakurtzeak. Gerra zikinak ez du justifikaziorik. Ez dute ezer esatekorik Sánchezen gobernuak ezta PSOEk ere?”, zuzendu zaie Twitterren.
Hain zuzen, Iñaki Galdos EAko legebiltzarkide ohiak gogorarazi du aitortzak egin baino astebete lehenago Barrionuevo PSOE Espainiako Gobernura iritsi zeneko 40. urteurren ospakizunetan egon zela, alderdiko hainbat kiderekin batera.
PSOEren gobernutik adierazpenak egiten lehena izan da Fernando Grande-Marlaska Barne ministroa. Barrionuevoren hitzak "oso larriak" direla nabarmendu du, eta gaitzetsi egin ditu "GALen ekintza terroristak", EITBk jakinarazi duenez.
PSE-EEko kide eta Gipuzkoako Mugikortasun eta Lurralde Antolamenduko diputatu Rafaela Romerok ohartarazi du Barrionuevok “biktimak umiliatu” dituela, “ongietorri batek ETAko biktimak umiliatzen dituen bezala”. Barne ministro ohiaren hitzak delitu gisa ikertzeko eskatu du, Radio Euskadin egindako adierazpenetan. “Ezin da indarkeriaren apologia egin komunikabide batean”, azpimarratu du, eta gaineratu du “erakutsitako harrokeria ikaragarria” iruditu zaiola. Ez du beharrezkotzat jo Sánchezek zerbait esan dezan, “gobernuko ordezkariren bat izan daiteke”.
Eneko Andueza PSE-EEko idazkari nagusiak iritzi bera plazaratu du komunikatu batean, eta zera azpimarratu du: "GALen ekintza terroristek beti jasoko dute PSE-EEren gaitzespen irmoa". Aldi berean, kritikatu du eurei azalpen eske aritzea "oraindik ETA gaitzetsi ez dutenak".
Umiliazioa gaitzetsi
Beste hainbat erreakzioren artean, Eusko Jaurlaritzako ordezkari batzuek ere erantzun dute, nahiz eta Iñigo Urkullu lehendakariak oraindik ez duen hitz egin gaiaz. Beatriz Artolazabal Berdintasun, Justizia eta Gizarte Politiketako sailburuak gaitzespena azaldu du: “Ezin dira kalifikatu José Barrionuevo sozialista ministro ohiak estatu terrorismoa justifikatzeko egindako adierazpenak, edo, hobeto esanda, egindako aitorpenak. Terrorismo guztiak gaitzesten ditugun sentsibilitate politiko guztien erantzuna jasotzea espero dut. Estatu terrrorismoaren biktimekiko enpatia eta elkartasun osoa”.
Bingen Zupiria Jaurlaritzako bozeramaileak Radio Euskadin azaldu du “bakarrik umiliazioa” sentitzen duela GALen biktimen azalean jarriz gero: “Barrionuevok esan dituen gauzak eta erabili duen tonua oso mingarriak dira biktimentzat”. Gaineratu du “ETAren indarkeria justifikatu izan duten herritarrak” gogora etorri zaizkiola ministro ohiaren adierazpenekin.
Arnaldo Otegi EH Bilduko koordinatzaile nagusia Espainiako Gobernuari zuzendu zaio: “Noizko estatuaren urriaren 18ko adierazpena?”. “Marey askatzea agindu bazuen, izan zen Larretxea ere bahitzen saiatzea agindu zuelako, eta gainerakoak hiltzea GALen izenean”, azpimarratu du Twitter bidez.
Ione Belarra Podemoseko idazkari nagusi eta Eskubide Sozialen ministroak gaitzetsi du estatu terrorismoa “normaltzat jotzea”. Halaber, Pablo Iglesias Podemoseko idazkari ohi eta Espainiako presidenteorde ohiak estatuak “terrorismoa” egin izana salatu du: “Barrionuevo hiru hilabetez soilik egon zen kartzelan. Felipe Gonzálezek aldarrikatu zuen eta Mariano Rajoyk Barrionuevo lagundu zuen. Justizia boterea dutenen nahikeria arrazionalizatua da? Argi eta garbi”, berretsi du.
Oroimenerako elkarteen salaketa
Egiari Zor Espainiako estatu terrorismoaren biktimen fundazioak Barrionuevoren hitzen zigorgabetasuna salatu du eta "Justizia desorekatuta" dagoela ohartarazi. Salatu dute gerra zikinaren egileek ez dutela kartzela zigorrik izan.
Fernando Buesa fundazioak onartezintzat jo du elkarrizketan esandakoa: "Iraingarria eta mingarria da elkarrizketa irakurtzea GALen biktimentzat eta jendartearentzat. Guztiz onartezina da gerra zikina defendatzea herrialde demokratiko batean. Akatsa izan zen, justifika ezina".
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Larunbatean 49 urte beteko dira Espainiako poliziak eta Guardia Zibilak Jose Luis Mondragon eta Roke Mendez Asturiaga hondartzan hil zituztenetik. Omenaldia egingo dute hondartzan.
Joseba Merinoren familiak eta defentsak eskatu dute hilketen garaiko argazkiekin izan dadila hurrengo identifikazio saioa. Deituta zeuden hiru polizietatik bakarra agertu da, beste biak hilda baitaude polizien defentsaren esanetan.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]