Bolaños ministroari azalpenak eskatuko dizkiote EH Bilduk eta EAJk, Barrionuevoren adierazpenengatik
Asteburuan José Barrionuevo Espainiako Barne ministro ohiak El País egunkarian estatu terrorismoa harro babestu izanak hautsak harrotu ditu. EH Bilduk Espainiako Kongresuan bere agerraldia eskatu du, GALen parte hartze zuzena izan zuela aitortu eta estatu terrorismoa justifikatu duela ulertuta. EAJk Senatuan galdetuko dio Felix Bolañosi ea adierazpen horiek Memoria Demokratikoaren Legearen baitan ikertu daitezkeen. Foro Sozialak Pedro Sánchezi eskatu dio eragindako kalteak aitortzeko.
José Barrionuevo Espainiako Barne ministro ohiak (1982-1988) estatu terrorismoa harro babestu izanak hautsak harrotu ditu, eta erreakzioez gain, erantzukizun eskeak ere etorri dira.
EH Bilduk Espainiako Kongresuan duen taldeak, Mertxe Aizpuruaren izenean, Barrionuevoren agerraldia eskatu du, GALen parte hartze zuzena izan zuela aitortu eta estatu terrorismoa justifikatu duela ulertuta. Horrez gain, Espainiako Gobernuak adierazpen horien inguruan duen iritzia jakin asmoz, Felix Bolaños Presidentetzako, Gorteetako Harremanetako eta Memoria Demokratikoko ministroaren agerraldia ere eskatu dute. Galdetuko diote ea elkarrizketan aitortutakoak Memoria Demokratikoaren Legearen baitan ikertu daitezkeen, ondorioak izan ditzan.
EAJk ere azalpenak eskatuko ditu Espainiako Senatuan. Estefanía Beltrán de Herediak galdetuko dio Bolaños ministroari ea lege horren bidez ikertu daitekeen Barrionuevo, eta ea "zilegi eta demokratikotzat" jotzen dituen horren adierazpenak.
Estatuak eragindako kaltea onar dezan
Bestalde, Foro Sozial Iraunkorrak gutun bat bidaliko dio Pedro Sánchez Espainiako presidenteari, "Estatuak eragindako kaltea onartzeko" eskatzeko. "Espainiako Estatuak aitortu behar du giza eskubideen urraketa larriak egin zituela indarkerien zikloaren testuinguruan", ohartarazi dute.
Foro Sozialak ohar batean positiboki baloratu du "eragile gehienek" Barrionuevoren adierazpenen aurrean izan duten "erantzun irmoa". Sánchezen gobernuari eskatu diote errekonozimendurako urratsak legegintzaldi honetan emateko: "Baldintzak sortuz doaz, urratsez urrats, biktimen arteko desberdinkeriarekin bukatzeko eta Estatuaren biktimak babestearen alde. Oraindik ibilbide luzea geratzen den arren, bide horretan beharrezkoa eta premiazkoa da Madrilgo Gobernuak keinu argi bat egitea. Atzo ikusi genuen eskaera horrek erakundeen eta politikarien babes handia duela".
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Larunbatean 49 urte beteko dira Espainiako poliziak eta Guardia Zibilak Jose Luis Mondragon eta Roke Mendez Asturiaga hondartzan hil zituztenetik. Omenaldia egingo dute hondartzan.
Joseba Merinoren familiak eta defentsak eskatu dute hilketen garaiko argazkiekin izan dadila hurrengo identifikazio saioa. Deituta zeuden hiru polizietatik bakarra agertu da, beste biak hilda baitaude polizien defentsaren esanetan.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]
Mikel Zabalzaren atxiloketa eta heriotzarekin lotura izan duen Arturo Espejo Guardia Zibila teniente jeneral izendatzeagatik azalpenak eman ditu Barne Ministroak Senatuan. Grande Marlaskak erabakia defendatu du, EAJ-k eta Geroa Baik Mikel Zabalzaren familia berriz ere... [+]
Luzaz iraunen du euskaldun askoren oroimenean 1973ko Ostegun Santu hark. Euskal erresistentzia armatuan ordurako mito bihurtua zen Txikia hil zuten eguna. Eustakio Mendizabal Benito Polizia espainolaren tiropean erori zen Euskadi Ta Askatasunako Fronte Militarreko bururik... [+]
Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.