Barnahus eredua, sexu erasoak jasan dituzten haurrentzako “babesgunea”
Sexu indarkeriaren biktima izan diren adin txikikoei “arreta integrala” emateko proiektu pilotu bat abiatuko du Eusko Jaurlaritzak 2022an. Haur eta nerabe horiek ez birbiktimizatzeko helburua du.
Save The Children erakundeak eta Eusko Jaurlaritzak Gasteizen egindako jardunaldietan adierazi dute gutxienez bost umetatik batek sexu indarkeria jasan duela. Biktima horiei “arta integrala” emateko asmoz, Barnahus eredu islandiarra abiatzea aurreikusi dute datorren urterako, Gasteizen proiektu pilotu bat hasita. Barnahus islandieraz haurren etxea da, eta horixe da proiektuaren funtsa: sexu indarkeriaren biktima izan diren umeentzako “espazio seguru” bat prestatzea, bertan zenbait arlotako profesionalak egongo direna haurraren beharrei erantzuteko. Familiei ere laguntza emango liekete, eta irakasleek bertara jo ahal izango lukete eskoletan kasuren bat atzemanez gero.
Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak aurkeztu du proiektua, eta azaldu du xedea dela biktimak behin eta berriz ez biktimizatzea. Orain, sexu indarkeria salatzeko adin txikikoek egiten duten prozesua luzea da, Artolazabalen hitzetan “ziurgabetasuna eta ezinegona” eragiten diena. Batzuetan hiru urte baino gehiago luzatu daitekeela gogorarazi du, eta tarte horretan haur eta nerabeek gutxienez zortzi pertsonari azaldu behar izaten diote jazotakoa.
Hori saiheste aldera, Barnahus ereduaren bidez pertsona espezializatu guztiak toki berean bildu nahi dituzte, besteak beste, psikologoak, medikuak, poliziak eta abokatuak. Haurrak “ingurune lagunkoi” batean solasaldia izango du profesional taldearekin eta deklarazioa grabatu egingo dute epaiketan froga gisa erabiltzeko. Haur edo nerabeak ez du auzitegira joan beharrik izango. Biktima babesteaz gain, jakinarazi dute prozesu judiziala arindu egiten duela, eta erasotzaile gehiago zigortzea ahalbidetzen duela.
Kasuen %15 soilik salatzen dira
Etxepe berean txostena argitaratu du Save The Childrenek, adin txikikoek jasaten duten indarkeria azaleratzeko eta Barnahus proiektuaren nondik norakoak xehatzeko; Naiz.eus atarian dokumentu osoa gazteleraz deskargatzeko aukera jarri dute. Bertan bildutako datuek diotenez, EAEn 2.000 eta 4.000 ume eta nerabe artean izan daitezke biktimak. Ordea, salatzen diren kasuak oso gutxi dira: %15 inguru; are gutxiago ahozko epaiketara iristen direnak: %30 inguru. Ohartarazi dute salaketen %70 artxibatu egiten direla, “froga faltagatik”.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]
Talde bortxaketa pairatu zuen Kanboko emakume batek, ekainaren 1a eta 2a arteko gauean. Emakumeari babesa adierazteko elkarretaratzea egin dute asteartean, 19:00etan, Kanboko herriko etxearen aurrean. Bertan indarkeria matxistari aski dela esatearekin batera, eraso orori... [+]