EAJk atzera egin eta Barik txartelaren deskontua mantenduko dute
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.
EAJk atzera egin du, eta jakinarazi du txartel guztiei orain arteko %50eko beherapena aplikatzen jarraituko dutela Bilbobusen, Bizkaibusen eta Metroan. Beraz, ez da beharrezkoa izango txartela pertsonalizatzea deskontuak izateko, eta beherapena aplikatuko zaie Barik txartel anonimoei eta aldi baterako abonuei. Asteartean ARGIAn jaso genuenez, 2024ko urtarrilaren 14tik aurrera Barik txartelarekin egiten diren bidaiak garestitzea erabaki zuten Eusko Jaurlaritzak eta Bizkaiko Foru Aldundiak. Neurriak polemika sortu du, batez ere hainbat eragile sozial, sindikal eta ekologistetako kideen artean.
Hala ere, beherapena ez da indarrean sartuko urtarrilaren 14an. EAJk adierazi du otsailaren bigarren erdialdetik aurrera aplikatuko dela, ezin baita lehenago martxan jarri legez ezarritako epeak direla eta.
Ostiralean izango dute ezohiko batzarra, eta Bizkaiko Garraio Partzuergoko presidente eta ahaldun nagusi Elixabete Etxanobek neurria bertan behera uztea proposatuko du, EITBk jakinarazi duenez. EAJren partzuergoko kide guztiak “bat datoz” neurri horrekin, eta ostegun honetako bileran “bermatuta dago” neurri hori onartzea.
Eragileen presioa
Hasierako neurriak hainbat eragile sozial, sindikal eta ekologista asaldatu ditu. Asteartean Metro Bilbaoren egoitzaren aurrean elkarretaratzea egin zuten, eta ostegunean Bizkaiko Foru Aldundiaren egoitzan bildu dira Garraio publikoaren garestitzeari ez! lelopean, erabakia atzera bota izana ospatzeko.
Esaterako, Sukar Horia mugimenduak bere sare sozialetan bat egin du osteguneko elkarretaratzearekin: “Gaur kalera aterako gara ospatzeko garraio publikoaren garestitzea atzera bota dutela, eta Foru Aldundiari bere garraio politika aldatzeko eskatzeko, lehentasuna emanez garraio publikoari, eta ez kotxearen erabilera bultzatuko lukeen subflubialari”.
Bestalde, Ekologistak Martxan elkarteak komunikatua zabaldu du asteazkenean, hasierako proposamenaren aurka. Adierazi du txartela garestitzeak “eraso” egiten diola “gizarteko sektore ahulenen erosteko ahalmenari”. Halaber, salatu dute erabaki horrek eragingo lukeela auto pribatuaren erabilera handiagotzea: Supersur edo itsasadarraren azpiko tunela bezalako bide-azpiegituretan egin nahi diren inbertsio publikoak oso garestiak dira, eta, Aldundiaren beraren arabera, horren ondorioz, % 33 handituko da auto pribatuaren erabilera”.
Elkarteak bere “gaitzespen absolutua” adierazi du Barik txartela garestitzearen erabakiaren aurrean: “Bizkaiko Foru Aldundiak bide-inbertsioen politikan edo garraio publikorako dirulaguntzak kentzean egin duen apustua mugikortasun bidezkoagoa eta osasungarriagoa lortzeko hartu beharreko neurrien aurka doa”.
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Beherapenak jasotzeko derrigorrezkoa izango da txartela pertsonalizatzea, eta gutxieneko bidaia kopuru bat izan beharko da. Eguzki erakunde ekologista erabakiaren aurka agertu da, eta adierazi du neurria “zama gehigarria” dela langile klasearentzat, baita trantsizio... [+]
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
COVID-19aren pandemiaz geroztik bizikleta gero eta gehiago dabil Parisko bidegorrietan. Trafiko gehien dagoen momentuetan, hiriburuko kale garrantzitsuenetako batzuetan bizikleta gehiago dabil autoak baino, Le Monde egunkarian jasotako... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Badakit batzuek gorrotatzen dutela garraio kolektiboa, nahiago dutela beraien autoa gidatuz mugitzea, baina nik plazer hartzen dut autobus edo tren bat hartu behar dudanean.
Iruñerriko autobusean ibiltzea, billabesan, beti gustatu izan zait. Bidaia batek irauten duen... [+]
Ikasturte honetan, lan tokia aldatu zait. Egunero, etxetik lehen baino urrunago joan behar dudalako, eta oro har autoa ahalik eta gutxien hartzera entseatzen naizelako, erabaki dut trenez egitea ikastetxerako bidea.
Lehendabiziko joan-etorritik harrapatu ninduen tren... [+]