Barcinaren ondorengo zuloa
Abuztuaren 27an Yolanda Barcinak dimisioa eman zuen UPNko lehendakaritzatik eta alderdiaren etorkizuna airean utzi zuen berriz ere.
Sei urtez alderdia gidatu ondoren, bere azken erabakiek ezustean harrapatu dute alderdi osoa. Ekainean iragarri zuen alderdiko lehendakaritza utziko zuela, baina joan aurretik ezohiko kongresua deituko zuela jakinarazi zuen. Ez du agindutakoa bete, kongresua deitu behar duenak UPNri egun osoko lanaldia eskaini behar diola zehaztu zuen eta berak ezin duela halakorik egin, orain NUPen lanean hasi delako.
Gai hori jorratzeko bildu behar zen UPNren Kontseilu Politikoa datorren irailaren 4an eta urak ez zetozen bare alderdian. Hiru erabaki garrantzitsu zituen hartzeko UPNk: bat, Barcinaren ordezkaria hautatzea; bi, ezohiko kongresua deitzea; eta hiru, ea Espainiako hauteskunde orokorretara PPrekin batera joango den ala ez.
Hiru erabakiei egin beharko die aurre asteazken arratsaldean bilduko den UPNren zuzendaritzak, baina egoera konplexuagoan, alderdia lidergorik gabe gelditu delako. UPNko lehendakaria militanteen batzarrak hautatu behar du eta estatutuen arabera, alderdia lehendakaririk gabe geratzen denetik bi hilabete ditu horretarako.
Funtsean, une honetan UPNren baitan bi uste dira nagusi: batzuen ustez, lehentasuna ezohiko kongresua egitea da, UPNren ideien sakoneko berritzea ekarri beharko lukeena. Horren gainean eraikiko litzateke ondoren zuzendaritza. Beste batzuen aburuz, hori lasai egin behar da eta une honetan garrantzitsuena zuzendaritza hautatzea da, honek hauteskundeetara PPrekin joango diren argitu dezan eta ondoren kongresua antolatu.
Bada pentsatzen duenik, Barcinaren erabaki honekin bigarren aukera indartzen dela, orain UPNren zuzendaritzaren lehenbiziko lana lehendakaria hautatzeko batzarra deitzea izango baita. Bitartean edo ondoren hauteskundeetara nola joan erabaki beharko da eta, beraz, kongresua hauteskundeen ondorengorako geldituko litzateke.
Miguel Sanzen sostengua duen Amelia Salanueva senadorea eta Javier Esparza dira oraingoz lehendakaritzarako aurkeztuko direnak.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
UPNko presidente Javier Esparzak adierazpen gordinak egin ditu Joseba Asiron (EH Bildu) Iruñeko alkate bihurtzeko zentsura mozioaren albistea jakin bezain pronto.
Iruñeko Gurutze plazako lur azpiko aparkalekua egiteko proiektuan herritarrei kontsulta egingo diela iragarri du Cristina Ibarrola alkateak. Obraren aurka ari den herri plataformaren iritziz, Ibarrolaren noraezaren beste adierazle bat da.
UPNko presidente Javier Esparzak, hiru aldiz saiatu ostean, iragarri du ez dela aurkeztuko lehendakarigai izateko Nafarroako hurrengo foru hauteskundeetan.
Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.
UPNren eta PSNren arteko ezberdintasunak agerian utzi dituzte alde biko bileran. PSN EH Bildurekin bilduko dela adierazi du, baina ez dutela gobernua negoziatuko.
Alderdi erregionalistak “arduraz” jokatzeko konpromisoa adierazi du, eta eskua luzatu die sozialistei “zentzuz” jokatu eta EH Bildu baztertzeko. PSNk egungo formula errepikatu nahi badu, nahitaez, EH Bildurekin adostu beharko du.
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]