Barbado eta Zelaiaren espetxeratzea salatu dute milaka pertsonak Gasteizko kaleetan
Ankerkeria stop! plataformak deituta manifestazio jendetsua egin zuten larunbatean, Galder Barbado eta Aitor Zelaiari ezarritako lau urteko espetxe zigorraren aurka. Ostiralean agortu zuten bi gazteek beren borondatez espetxean aurkezteko epea, eta larunbatean bertan, manifestazio deialdia baino ordu eta erdi lehenago, Espainiako Gobernu Militarreko eraikinaren balkoi batean agertu ziren. Ertzaintzak atxilo eraman zituen, eta Zaballako espetxean dira jada.
Manifestazioa 18:30tan zegoen deituta, baina 17:00etan sare sozialen bitartez zabaldu zen albistea: Barbado eta Zelaia Espainiako Gobernu Militarraren eraikinaren balkoi batean agertu ziren. Jendea ondoko plazara bertaratzen hasi zen, eta ehunka gaztek bi gazteen aldeko eta Ertzaintzaren eta EAJren aurkako oihuekin bete zituzten atxiloketa bitarteko uneak. Azkenean 18:30ak alderahartu zituen Ertzaintzak atxilo, eta Zaballako espetxera eraman zituen ondoren. Une horretan poliziek kalean zeuden gazteen aurka egin zuen segundo batzuez, baina antolatzaileek manifestazioa hasi behar zuen Artiumeko plazara bideratu zuten jendea, eta ez zen bestelako liskarrik egon. Errepidea hartu eta manifestazio espontaneoan abiatu ziren manifestariak Artiumeko plazaraino (Urriaren 1ean, atxiloketa osteko egunean, Galder Barbadori eginiko elkarrizketa luzea argitaratu du Aiaraldea komunikabideak).
Hemen Galder Barbado eta Aitor Zelaiaren atxiloketa unearen laburpen bideoa:
Aitor eta Galder dagoeneko Zaballan daude. Ez gaituzte geldituko. #EuskalHerriakAURRERA pic.twitter.com/ln44sylQtj
— ANkerkeriariStop (@ANkerkeriaSTOP) September 30, 2023
Manifestazio jendetsua
Ordu erdiko atzerapenarekin abiatu zen manifestazioa, Barbado eta Zelaiaren atxiloketaren kausaz. Ankerkeria stop!ren kamisetak soinean, jende uholde urdin batek Gasteizko erdiguneko kaleak zeharkatu zituen. Ibilbidean zenbait puntuk iraganeko eta egungo hainbat borroka gogoratu zituzten, hala nola euskararen aldekoa, feminista, gerra zikinaren aurkakoa edo herri harresiena.
.jpg)
Ekitaldi hunkigarria
Foru enparantza bete zuten manifestariek, eta bertan eman zioten amaiera mobilizazioari ekitaldi hunkigarri batekin. Eszenatokiko pantaila erraldoian bideo batek azken urteotan Barbado eta Zelaiaren alde egindako hamaika mobilizazioak zein gazte mugimenduak burututako bestelako pro, ekimen, jardunaldi edo sabotajeen irudiak kateatu zituen. Ankerkeria stop! plataformako bi kidek hartu zuten hitza ondoren. Ordu pare bat lehenago atxilotutako bi gazteei eta haien senide eta lagunei elkartasuna eta maitasuna adierazi zieten, eskerrak eman urteotan ekimena modu batera edo bestera hauspotu duten guztiei, eta egindako lana goraipatu zuten.
Jarraian Barbadok eta Zelaiak hartu zuten hitza, aurrez grabatutako bideo baten bitartez. Gazteek atxilotu zituzten unetik espetxeratu arteko bost urte luzeak errepasatu zituzten, militante politiko gisa aldarrikatu zuten beren burua, eta egungo gazteei borrokan jarraitzeko deia egin zieten. Amaitzeko hiru pertsonek hartu zuten hitza txandaka, estatu propioa izango duen Euskal Herri independente, sozialista, feminista eta euskaldun baten alde egiteko. Manifestariek oihu eta txaloekin hartu zituzten batzuen eta besten hitzak, bero. Eusko Gudariak abestuz eman zioten itxiera ekitaldiari.
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
John Weissman sionista Sadarrera joatekoa zenean, Palestinarekin elkartasunez argitaratu zuen mezu bat Indar Gorrik. Adierazpen horiekin lotuta, pertsona bat auzipetu du Espainiako Poliziak, iritzita gorroto-delitu bat egon daitekeela.
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]
Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.
Ostiralean izan da urriaren 11n atzeratu zen epaiketa eta langile akusatuak bere errugabetasuna aldarrikatu du epailearen aurrean. Hemen ikus daitekeen bideoa erabili dute hori erakusteko.