Barañaingo Udalak hamahiru lanpostu publikotan euskararen eskakizuna kendu izanaren aurka, kanpaina abiatu dute
Barañaingo hainbat herritarrek euskaraz bizitzeko duten eskubidea aldarrikatu dute udalaren hizkuntz eskubideen murrizketen aurrean, eta informazio kanpaina bat martxan jarriko dutela adierazi dute.
Barañaingo Udalak 2021eko ekainaren 22an udalaren lanpostuen hizkuntza eskakizunen harira hartu zuen erabakia salatzeko agerraldia egin du bizilagun talde batek, eta Barañainen euskaraz bizitzeko eskubidea aldarrikatu. Udalak, osoko bilkuran PSNko eta NA+-ko zinegotzien aldeko botoekin, udaleko hamahiru lanposturi lehendik zuten hizkuntza eskakizuna kendu die.
Horren aurrean informazio kanpaina bat abian jarriko dute, Barañaingo herritarrei horren guztiaren berri emateko. "Egia bada ere 2002tik hona Barañaingo Udalak herritar euskaldunoi zerbitzua nafarron jatorrizko hizkuntzan emateko hainbat urrats egin dituela Bai Euskarari proiektuaren baitan, udala oraindik ere ez da herritarroi zerbitzu guztiak euskaraz emateko gauza, eta 2021eko plantilla organikoan euskarazko hizkuntza eskakizun horiek kentzeak egoera areagotu egin du, herritar euskaldunon hizkuntza eskubideei dagokienez. Izan ere, herritarroi zerbitzu egokia ematea da edozein administrazioren egitekoa, eta Barañaingo euskaldunok eskubide osoa dugu udalak ematen digun zerbitzua gure hizkuntzan jasotzeko eta bigarren mailako herritarrak ez izateko", adierazi dute.
Horregatik, Barañaingo Udalari eskatzen diote 2022ko plantilla organikoan berriz ere euskarazko hizkuntza eskakizuna ezar diezaiela hamahiru lanpostu horiei eta euskarazko zerbitzua bermatzeko beharrezko diren lanpostu guztiei, eta "Barañaingo bizilagun euskaldunon hizkuntza eskubideen urratzea amaitzeko bidean aurrerapauso eraginkorrak egitea".
Azkenik, Barañaingo herritar euskaldun guztiei dei egin nahi diete udalean ere "lehen hitza euskaraz egin dezaten eta euskarazko zerbitzua eska dezaten, gure herrian gure hizkuntzan bizitzeko eskubide osoa baitugu".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Urtea amaitu baino lehen gehiengo politikoaren oniritzia lortu nahi du udalak
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]