Barakaldon zortzi etxegabetze egin behar dituztela salatu du Berri Otxoak plataformak
Gizarte bazterketaren aurkako plataformak azaldu du etxe kaleratze hauek otsailean egingo dituztela; lehenengoa datorren astelehenean, otsailak 1.
Berri Otxoak plataformak aurreratu duenez, otsailean Barakaldoko zortzi familia etxegabetu behar dituzte. Horietako bat datorren astelehenean bertan kaleratuko dute. Plataformaren arabera, familia honek ezin du etxebizitzaren alokairua ordaindu, eta udal zerbitzuetara nahiz Ekintza Sozialeko Departamentura jo duen arren, ez du erantzunik jaso.
Berri Otxoak-en iritziz, horrek agerian uzten du udal gobernuak etxegabetzeekiko duen “inplikazio falta”: “EAJk zein PSOEk ezerezean utzi dituzte udalbatzan onartu ziren etxegabetzeen aurkako protokoloa eta lan-taldea. Ez dute urrats bakar bat ere eman familiari etxebizitza alternatibo bat emateko, ez eta lanpostu duin bat eskaintzeko”.
Horrez gain, gizarte bazterketaren aurkako plataformak azaldu du Barakaldoko udalak ez dituela kontuan hartu Arartekoaren gomendioak. Erabaki judizial eta administratiboen aurrean instituzioek umeen eskubideak aintzat hartu behar dituztela dio Arartekoak, eta plataformaren esanetan udalak ez du halakorik egin.
Bestalde, uste du udal gobernuak Estrasburgoko Giza Eskubideen Auzitegiaren doktrina ere urratu duela –honen arabera administrazioek alternatibak eskaini beharko dizkiete etxe kaleratzeengatik kaltetutakoei–.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.