Barakaldoko Udalak auzoetako jaientzat bideratzen duen diruaren bikoitza emango dio MTV multinazionalari
Azaroaren 4an Barakaldoko BECen ospatuko duten Europe Music Awards (EMA) ekitaldirako Barakaldoko Udalak 220.000 euroko diru-laguntza eman dio AEBetako MTV kateari.
Barakaldoko alkate Amaia del Campok (EAJ) sinatutako dekretuaren arabera, Udalak 220.000 euro publiko bideratuko ditu MTV kate pribatuak antolatutako “MTV EMA ekitaldiaren gastuei aurre egiteko”. Orain arte Barakaldoko Udal Gobernuak ez du kostu hauen inguruko argipenik eman. EH Bildu taldeak bitan hala eskatu badu ere. Koalizio abertzaleari ondokoa erantzun zion martxoan del Campok: “Gaur gaurkoz gastua zero da”. Irailaren 27ko udalbatzan ere hitz berdinak erabili zituen del Campok zifrarik ez emateko.
Barakaldoko Irabazi taldea ere kritiko azaldu da diru publikoaren erabilera horrekin: “Auzoetako jaietara Udalak bideratzen duen diruaren bikoitza emango dio MTVri”. 2018an Barakaldoko Udalak auzoetako jaiei 100.000 euro inguru eman zizkien, 8.500 euro 12 auzoetako bakoitzari. “EAJren lehentasunen erakusgarri da erabaki hau: oligarkiaren egoa asetzeko ekitaldiak babestea jai herrikoiak baino”, adierazi du koalizioko eledun Eder Alvarezek.
Datorren urriaren 29an hasiko dira sari banaketaren aurretik “MTV Week” delakoaren barruan antolatutako ekitaldiak. Barakaldoko Udalak jakinarazi du egun horretan Herriko Plaza itxiko dutela MTVren kontzertuetako bat dela eta. “Aurrekaririk gabeko segurtasun-neurria da herrian”, adierazi du del Campok.
Hiru milioi euro publiko
Barakaldoko Udalak jarritako diruari gehitu behar zaio Bilboko Udalak eta Bizkaiko Diputazioak erdi-bana hiru milioiko ekarpena adostu zutela MTVrekin; “Bilbo eta Bizkaiko irudia mundu osoan sustatzearen” truke. Bilboko alkate Juan Mari Aburto eta Bizkaiko Ahaldun Nagusi Unai Rementeriaren hitzetan, “garen bezalakoak izateagatik eta garena izateagatik emandako saria da [MTVk Bilbo aukeratu izana]”.
MTVrekin sinatutako akordioak jasotzen duenez, MTVk show-a egin dezan espazioa ere doan eskainiko dute Bizkaiko instituzio publikoek. Hala, Barakaldoko BECeko 15.000 metro karratuko bi areto eta Arena gune nagusia erabiliko ditu AEBetako multinazionalak. El Correo egunkariaren arabera, areto horien erabileraren prezio zehatza jakiterik ez bada ere, 250.000 euro ingurukoa izan liteke, eta litekeena da, hain zuzen, Barakaldoko Udalaren 220.000 euroko laguntzaren zatirik handiena BECeko alokairua ordaintzeko izatea.
Gaur egungo gizarte kapitalistan langileok geroz eta esplotatuago eta prekarizatuago bizi(raun) gara. Prekarietate horretan, lan arlotik harago, baldintza existentzial bilakatu den etxebizitzaren gaia premiazkoenetako eta kezkagarrienetako bat da.
“Salbuespen egoera gobernu paradigma nagusi bezala aurkezteko tendentzia gero eta ugariagoa da politika garaikidean”. (G. Agamben)
“Ez dago burges izutu bat baino faxista okerragorik” (B. Bretch)
Makro-ekimenen aurka protesta egin zuen Auzoetatik Piztu Bilbo eragileak. Ertzaintzak desordena publikoa egotzi zien hamaika gazteri, eta mozal legea ezarri. Asteazkenean, elkarretaratzea egin dute epaitegien aurrean.
'Basque Tour, Agencia Vasca de Turismo' enpresa izan da jomugetako bat, eta Areatza sinbolikoki prezintatu dute.
‘Piztu Bilbo, itzali eskaparate hiria!’ margotu dute People Rentals “Alquiler Vacacional” enpresako bulego baten leihoetan. Ekintzak “gentrifikazioa salatzea” du helburu.
Azaroaren 3an Bilboko San Mames estadioan antolaturiko MTVren kontzertuak eragindako gastuen berri eman du Bizkaiko Foru Aldundiko Lurralde eta Ekonomia Garapeneko diputatu Imanol Pradalesek.
AEBetako multinazionalaren ekitaldia egiteko Udalak 220.000 euro publiko jarriko zituela adierazi zuen. Barakaldoko PSE-EEk salatu duenez, kopuru horri gehitu behar zaizkio doan eskaini zaizkien zerbitzuak: urriaren 29ko kontzertuan lan egiten zuten 43 udaltzainak, garbiketa... [+]
2019ko udaberrian edo udan, Algortako Portu Zaharrean kontzerturen bat antolatzea negoziatzen ari dira Bizkaiko Aldundia eta MTV katea. Azken astean ia 70.000 ikusle bildu direla esan zuen, eta horretaz "harro" azaldu zen Unai Rementeria Bizkaiko ahaldun nagusia.
MTV Music Week Bizkaia eta MTV EMA tarteko, aurreko astean egitarau oparoa eraman du aurrera eragileak, beste Bilbo bat aldarrikatuz. Makro-ekimenaren bueltako zurrunbiloa igarota, hitza hartu eta beste Bilbo bat eraikiz jarraituko dutela adierazi dute.
Ostegun iluntzean, Bilboko Alde Zaharrean egin zen Piztu Bilbo Itzali MTVren kalejiran Ertzaintzak pertsona bat atxilotu eta bi lagun identifikatu zituen.
Astelehenean Barakaldoko herriko plazako kontzertuak hasiera eman zion, segurtasun neurri zorrotzen artean, MTV Music Week delakoari. MTVren aurreikuspenak ez ziren bete eta giroa eguraldia bezain hotza izan zen. Instituzio publikoen alfonbra gorria jarrita, AEBetako... [+]
“Guztiok mobilizazioetan parte hartzera gonbidatzen zaituztegu, guztion artean beste Bilbo bat eraikitzeko, behetik, herritik eta elkartasunez, MTVen, PNVren eta bere erakuslehio den hiriaren aurka eta haratago”. Ostegunetik igandera bitartean ekintza ezberdinak... [+]
Ostiral honetan hasi eta igandera bitarte, MTVk castingak antolatu ditu Barakaldoko BECen "Bizkaiko eta Espainia osoko musikaren fan-ik gogotsuenak" aukeratzeko. Diru publikoz lagundutako azaroaren 4ko sari banaketaren lehen lerroan zein egongo den, MTVren epai-mahai... [+]