Barakaldoko jaietako pregoia euskara hutsean egin izanaz kexu da PSE
Barakaldoko alderdi sozialistak kritikatu du Barakaldoko Karmenetako pregoia euskaraz bakarrik irakurri izana. Aurtengo jaietako pregoilariak Sasiburu euskara taldeko kideak izan dira, 30 urte bete ditu elkarteak eta.
Karmengo jaiak baloratzeko zabaldu duten testu batean, Barakaldoko PSEk publikoki kritikatu du pregoia "euskara hutsean" irakurri izana. Sozialistek esan dute "kexa ugari" jaso dituztela. Azpimarratu dute "Barakaldoko gehiengo soziala erdalduna" dela eta, beraz, "publikoaren zati handi batek" ez zuela ulertu "pregoilaria esaten ari zena". Hau da, Barakaldon, legez, euskarak eta gaztelaniak babes maila bera badute ere, PSEko kideen arabera, euskarak publikoki beti gaztelaniarekin lagunduta agertu behar du, "denok ulertzeko moduan". Aldiz, aurreko jaietako pregoi gehienen harira Barakaldoko alderdi sozialistak ez du inoiz txintik esan, nahiz eta hitzartzeak gaztelania hutsean ala gaztelaniaz nagusiki izan. Alderdi sozialista bi hamarkadaz izan da Barakaldoko alkatetzan, 2015ean EAJk gaina hartu zion arte. Urte horietan asko eta askotarikoak izan dira Barakaldoko euskaldunek jarritako salaketak, udala-instituzioei euskaldunen hizkuntza eskubideak urratzea leporatuta.
Aurtengo Barakaldoko jaien pregoia Sasiburu elkarteak egin du euskararen eta euskaldunen aldeko 30 urteetako lana publikoki aitortzeko. Sasiburuko kide Ander Ezeizak pregoian azpimarratu zuen Sasiburu "elkarte apala dela, txikitasunetik lan egiten duena euskarari bere tokia emateko Barakaldon, elkarlanean". Eta gaineratu zuen euskaldun izatea ez dela jaiotzetik jasotako dohaina, baizik eta borondatezko hautua, beraz "ez dezagun inor kanpoan utz, eta egin dezagun arrazakeriarik gabeko jaien alde".
Euskaraz eta euskaldunon eskubideaz aritu ostean, sozialistek ETAri buruz hitz egin dute komunikatuan. Euskal preso politikoekiko jaietan ustez izandako elkartasun keinu publikoak kritikatu dituzte. Kuadrillen jaitsieran pertsona batzuek presoen argazkiak eramatea eta txosna batzuetan "presoen aldeko ikurrak" erakutsi izana deitoratu dute. Alegia, euskal preso batzuk Euskal Herriko espetxeetara hurbiltzea bermatzen ari den alderdi politikoak –aste honetan bertan hamaika– kritikatu ditu presoak Euskal Herrira ekartzea eskatzen duten ikurrak, eta hala, jaietan "sinbologia eta kartel mota horiek behingoz kentzearen" alde agertu da.
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.