Espainiako Estatuan karbono dioxido gehien isurtzen duten hamar enpresen artean: Repsol, Iberdrola eta ArcelorMittal
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
El Salto hedabidean Pablo Rivas kazetariak Espainiako Estatuko Iraunkortasunaren Behatokiak argitaratu duen Deskarbonizazioa 2023 txostena aztertu du. Txostenaren arabera, Repsol dago zerrendan aurrena, alegia, gas eta petrolio enpresa horrek isurtzen du atmosferara negutegi efektua duen gasik gehien. 2020an aurrea hartu zion Endesari eta orduz geroztik bera da nagusi sailkapenean.
Hauek dira Espainiako Estatuan gehien kutsatzen duten hamar enpresak: Repsol: 11,8 milioi tona karbono dioxido. Ondoren datoz sektore elektrikoko hiru enpresa handi: Endesa (10,5), EDP (5,6) eta Naturgy (4,8). Zazpigarren dago beste enpresa elektriko bat: Iberdrola (3,5). Bosgarren tokian dago ArcelorMittal siderurgia enpresa (4,3) eta petrolioaren adarrean dabilen Cepsa seigarren (3,8). Iaz Lurra berotzen gehien lagundu zuten espainiar konpainietan zortzigarren eta hamargarren postuen artean daude Iberia (AEG, 3,6), FCC eraikuntza enpresa (2,9) eta hormigoiarekin aritzen den LafargeHolcim (1,9).
Berri onak
Espainiako Estatuan, 2023an, hazkunde ekonomikoa gertatu zen, Barne Produktu Gordinak %2,5 egin zuen gora. Hala ere, karbono dioxido isuriei dagokienez, egoerak hobera egin zuen. 2022arekin alderatuta, isurketek %5,3 egin zuten behera. 2022an isuriek %9 egin zuten gora.
EL Salto-ko kazetariak Iraunkortasunaren Behatokiko zuzendari Fernando Prietorekin hitz egin du, eta hark ontzat eman du jaitsiera, nahiz eta zifrak txikiagoa izan beharko lukeela azpimarratu: “Nolabait esatearren, ekonomiak txikitzera egin du, eta deskarbonizazioa ari da gertatzen. Hori ona da, salbuespen batekin, hegazkin sektoreak asko egin du gora. Prietoren ustez, ehunekoak handiagoa izan beharko luke Espainiako Estatuak komunitate zientifikoak ezarritako helburuak bete ahal izateko eta tenperatura 1,5 C-tatik ez igotzeko: “%7 jaitsi behar zuen, baina tira, beherantz egitea ondo dago”.
Sektore elektrikoak nabarmen jaitsi ditu isuriak
Iberia hegazkin konpainiak %10,7 egin du gora isurietan. Aldiz, 2022ko datuekin alderatuta, behera gehien egin dutenen artean hiru daude. Naturgyk %33,9 egin du behera, ArcelorMittalek %31,8 eta Iberdrolak %11,4. Behatokiak azpimarratu du sektore elektrikoak nabarmen egin duela behera, hau da, %24,4. Prieto zuzendariaren ustez, jaitsieraren arrazoia da “karbono zentralak itxi direla, eta batez ere, hidroelektrikarentzat urte oso ona izan dela”
Zerrendako lehenengo hamar enpresa horiek, karbonoaren merkatua kontuan hartuta, isurien %59,9aren arduradun dira. Estatuko isuri denak kontuan hartuta, berriz, %19,1en atzean daude.
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]
Agintari gutxik aitortzen dute publikoki, disimulurik eta konplexurik gabe, multinazional kutsatzaileen alde daudela. Nahiago izaten dute enpresa horien aurpegi berdea babestu, “planetaren alde” lan egiten ari direla harro azpimarratu, eta kutsadura eta marroiz... [+]
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Eskoziako Lur Garaietara otsoak itzularazteak basoak bere onera ekartzen lagunduko lukeela adierazi dute Leeds unibertsitateko ikertzaileek.. Horrek, era berean, klima-larrialdiari aurre egiteko balioko lukeela baieztatu dute, basoek atmosferako karbono-dioxidoa xurgatuko... [+]
_Glaciar.png)
Desagertzeko arriskuan dauden izotz-masak dokumentatzen dituen nazioarteko erregistro batek Pirinioetako Monte Perdido sartu du zerrendan.
Aurtengo urtarrila 1850. urteaz geroztik beroena izan dugu. Gainera, aurreko hilabeteen joera mantentzen du, azken hemeretzi hilabeteen artean, hemezortzigarrena da bero erregistroak apurtzen.
Nature Medicine aldizkarian publikatutako artikuluaren arabera, berotegi efektuaren ondorioz handiagoa izango da beroak eragindako heriotzen igoera hotzak eragiten duen heriotza jaitsiera baino. Gainera, beroarekiko egokitze onenak ere ez luke arazoa guztiz konponduko.
Igande arratsaldean Greenpeace-ko 30 kide inguruk Urdaibaiko proiektuaren kontrako ekintza burutu dute Bilboko Guggenheim museoan. Hamar landare eta animalia-espezie errepresentatu dituzte.
Munduko landa eremu periferikoetan 4 milioi kilometro koadro laborantza lur abandonatu dira azken 75 urteotan. Orain arte arrazoi ekonomikoengatik uzten baldin baziren nagusiki, gerora, klima aldaketak ere horretara bideratuko ditu geroz eta gehiago. Bioaniztasuna babesteko xede... [+]
AEBetako Ozeanoko eta Atmosferako Administrazio Nazionalaren (NOAA) ikerketaren emaitza zabaldu du Nature Climate Change aldizkariak: bereganatzen zuen karbono dioxido eta metano kopurua baino gehiago isurtzen du orain tundrak.
-(1).jpg)
Brasilen suteek 30,86 milioi hektarea baso eta eremu natural suntsitu zituzten iaz, Italia osoaren azalera baino gehiago. Suteek %79ko igoera izan zuten 2023arekin alderatuta, Fire Monitorren ikerketa batek agerian utzi duenez.
Inor ez ala denok. Klima larrialdia inork ez pairatzeko aldaketak bideratu ezean, behintzat guztiek pairatu dezagula. Zuk –irakurle–, nik –Jenofa–, haiek –pobreak– eta haiek –aberatsak–. Satisfaziorik ez zidaten eragin Los... [+]