500 pertsona inguru hil dira Thailandian euriteen ondorioz
Azken hamarkadetako eurite handiena ari da pairatzen Thailandia. Gobernuak zabaldutako datuen arabera, 500 pertsona inguru hil dira eta bi milioi pertsona inguruk kalteak izan dituzte euriteen ondorioz. Hamaika zonalde ebakuatu behar izan dituzte eta garraio publikoa ere geldituta dago. Lau milioi tona hondakin dago kaleetan pilatuta eta honek uraren kutsaduran eragin handia izan dezakeela zabaldu dute adituek. Kutsaduraren ondorioz, osasun arazoek gora egin dute nabarmenki.
Egoera klima aldaketarekin lotu dute zenbait adituk. Hainbat zientzialarik eginiko azterketa batzuen arabera, 50 urte barru inguru Bangkok hiriburuaren zatirik handiena ur mailaren azpitik geratuko da.
Egun bizi dituzten euriteek etorkizuneko gertaerak aurrirakusten dituzte klima aldaketen adituek. Bangkoken babes sistema aipatzen dute, baina uraren indarra ezin izango dutela gelditu gogorarazi nahi izan diete Thailandiako agintariei. Egoera honen aurrean, hiri beste guneren batera aldatzeko aukera ere aztertzen ari dira, urak erraz hartzen duen gune batean baitago kokatua gaur egun.
28 urteko Netiporn Sanesangkhom preso politiko thailandiarra hil da asteartean, gose greban 110. egun bete dituenean. Urtarrilean atxilotu zuten eta epaiketarik gabe zeukaten gatibu. Monarkiaren aurkako irainak egin izana egotzi zioten, 2020an eginiko protesta batean parte... [+]
Thailandia eta Birmania artean kokatua, azken horiekiko independentzia aldarrikatzen du Karen herriak. Karen gehienak Thailandiako errefuxiatu kanpamentuetan bizi dira, baina Birmaniako armadaren aurka borrokatzeko muga ezkutuan zeharkatzen dute hainbat gerrillarik. 2010ean... [+]
“L’Etat, c’est moi” (Neu naiz Estatua) duela bi mende eta erdi esan bazuen Frantziako Louis XIV.ak, oraindik bere dotrinak baditu jarraitzaileak. Munduaren beste muturrean, Thailandian ezer ez ei da gertatzen erregearen agindurik gabe. Ezta militarren... [+]