Bangladeshko ehungintza sektoreko milaka langile greban dira
Ehungintza sektoreko milaka langilek astebetetik gora dihardute greban Bangladeshen. 50 lantegi inguruk itxi dituzte ateak, eta poliziak istiluetan erabilitako indarkeriak hildako bat eragin du.
Bangladeshko esku-lan merkean oinarritzen den ehungintza industria ereduaren jasangarritasun eza bistaratzen ari dira milioika emakume Bangladeshen: soldata altuagoak exijitzeko, ehungintza sektoreko milioika langilek Dhaka hiriko kaleak hartu dituzte.
Gobernuak ehungintza sektorean soldatak igoko zituela jakinarazi zuen iazko irailean, eta 2019an sartzearekin batera gutxiengo soldata %51 igo zuen, 82,75 eurotara. 2013an Rana Plaza eraikina hondoratu eta multinazionalentzako arropa josten zuten milatik gora langile hil zirenetik, lehenengo soldata igoera da honakoa. Alabaina, igoerak oso langile gutxiren soldatari eragiten diola jakinarazi du jantzigintzako sindikatuak. Langileek 166 euroko soldata exijitu dute, eta helburu horrekin abiatutako greban dira duela astebetetik.
Hildako bat
Urte berriarekin batera indarrean jarritako soldata igoera iruzurtia iruditu, eta haserrez hartu dituzte kaleak ehungintzako langileek. Grebari bide eman dioten istiluetan poliziak gas negar-eragilea eta gomazko pilotak erabili ditu, hildako bat eraginez.
Protestak eten asmoz, gobernua soldata minimoa igotzearekin negoziatzen ari da. The Guardian egunkari britainiarrak jakinarazi duenez, igandean fabrikatzaile eta sindikatuekin bilera egin ostean, gobernuak soldata igoera berri baten berri eman zuen. Sindikatu guztiek ez dute erakutsi adostasuna, ordea.
Arropa merkeak ezkutatzen duena
Txinaren atzetik, ehungintza fabrikatzaile handiena da Bangladesh: 3,5 milioi langilek —gehiengoa emakumeak— egiten dute ehungintza industrian lan. Herrialdeak esportazio bidezko diru-sarreren %80 nazioarteko arropa salmentarekin lortzen ditu.
Bangladeshko esku-lan merkeak ahalbidetzen die hainbat enpresari gurean arropa merke saltzea. Inditex, H&M, Primark edota Aldi bezalako enpresek eskaintzen dituzten prezio baxuek kostu altua dute munduaren bestaldean.
Ehungintzako diseinua ikasi zuen Salsamendik Bartzelonan (Katalunia). Moda azkarraren eta merkearen baloreekin, ordea, ez du inoiz bat egin. Etxera itzuli zen, ikasten segitzeko asmoz. Josten ikasi zuen, Madrilera (Espainiako Estatua) joan zen jasangarritasunaz praktikaldi bat... [+]
Ehungintzako kate handien Espainiako Estatuko lehen hitzarmena negoziatzen hasi dira uztailaren 17an, eta ELA sindikatuak salatu du Hego Euskal Herriko langileen baldintzak okertuko direla, lurralde hitzarmenak baztertuz gero. Grebaren eragina batik bat Araban nabaritu dela... [+]
Hemeretzi eguneko grebaren ostean, Gipuzkoako ehungintza sektorean hitzarmena sinatu dute gehiengoa duen ELA sindikatuak eta patronalak. Besteak beste, erosahalmena berreskuratzeko soldata igoera eta lan ordutegian langileen kontziliazioa bermatzeko neurriak adostu dituzte.
Gipuzkoako ehungintzako langileek greban jarraituko dute larunbata arte gutxienez, sektoreko hitzarmena negoziatzeko patronalak erakutsitako jarrera makurra dela-eta. Nafarroan, La Morea merkatal zentroko H&M saltokiko langileak ere greba mugagabean dira abenduaren 9az... [+]
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
Gobernuak soldata igoera agintzearekin bat, greba bukatutzat eman zuten langileek. Lantokietara bueltatzerakoan, baina, kaleratuak izan zirela jakin zuten gutxienez 750 langilek. Zifra horrek nabarmen egin zuen gora hurrengo egunetan.
Astebetetik gora egon dira greban ehungintzako langileak, soldatak igotzea exijituz. Iragan astean, gobernuak soldata igoko ziela agindu ostean, grebari amaiera eman zioten langileek. Lantokietara bueltatzerakoan, baina, gutxienez 750 pertsonak kaleratu dituztela jakin dute.
Izerditako baten irudia zabaldu du H&M multinazioanalak. Irudian haur beltzaran bat ageri da “Ohianeko tximurik guayena” idatzia soinean duela.
Apirilaren 24an lau urte beteko dira Bangladeshen Rana Plaza eraikina hondoratu zela. 1.000tik gora langile hil ziren. Multinazionalentzat arropa josten zuten, lan baldintza gogorretan. Mundu Martxak salaketa ekintzara deitu du.