Banatu ditugu euskarazko komunikazioaren 2023ko Argia Sariak
Sei sari izan dira: ikus-entzunezko saria Karpeta Urdinak dokumentalari eman zaio, prentsa saria Zugazart iritzi tirei, entzunezko saria (Min)bizi podkastari, Internet saria euskal Mastodon komunitateei, kanpaina saria Azterketak Euskaraz kolektiboari, eta merezimenduzko saria Oihana Goirienari. Ehundik gora lagun bildu dira Usurbilgo Atxega Jauregiko ekitaldian.
Bi urtez Argia Sariak distantziara banatu ostean, pozgarria izan da ARGIAko lantaldearentzat berriro Usurbilgo Atxega Jauregian elkartzea. 34. edizio honetan ere ehun pertsona baino gehiago bildu dira otordu eder baten bueltan; euskal hedabideetako jendea, euskalgintzako eragileak, euskaltzaleak, eta euskal kulturako bestelako ordezkariak. Aurten, gainera, duela 50 urte baino gehiagotik ARGIAko harpidedun diren zortzi lagun izan ditugu gonbidatuen artean.
Bazkalostean egin dute sari banaketa, eta Antton Mendizabal eskultoreak sortutako garaikurra jaso dute sarituek. Hauek dira aurtengoak –informazio gehiago gainean klikatuta–:
- Ikus-entzunezko saria: Karpeta Urdinak, torturari buruz Ander Iriartek zuzendutako dokumentala.
- Prentsa saria: Zugazart, Unai Iturriaga Zugaza-Artazak Gara egunkarian argitaratzen dituen iritzi tirak.
- Entzunezko saria: (Min)bizi, Iñurri elkarteak minbiziaren inguruan duen podkasta.
- Internet saria: Euskal Mastodon komunitateak, Mastodon sare sozial librean komunitatea ireki duten mastodon.eus eta mastodon.jalgi.eus.
- Kanpaina saria: Azterketak Euskaraz kolektiboa, brebeta eta baxoa euskaraz egiteko eskubidea borrokatzen duten Ipar Euskal Herriko ikasle eta irakasleak.
- Merezimenduzko saria: Oihana Goiriena, bere senar Pablo Gonzalez kazetariaren kartzelaratze injustua salatzeko eta kazetaritza askea defendatzeko, auzia lau haizetara zabaltzeagatik.
ARGIAko komunitatea hurbil
Aldaketekin itzuli dira Argia Sariak: Berezkoa Ta Naturala podkasteko protagonistak ekitaldian izan ditugu. Haizea Aranak eta Aner Peritzek aurkeztu dute sari banaketa, eta Leire Vargasek eta Oihana Aranak saridunak elkarrizketatu dituzte, garaikurrak eskuratu osteko sentipenak jasotzeko.
Beste berrikuntza bat izan da ARGIA jendea inoiz baino gertuago izan dugula. ARGIAko komunitatearen babesa eskertzeko, mende erdia baino gehiago harpidedun izaten daramaten pertsonen izenean, zortzi gonbidatu berezi izan ditugu Atxega Jauregian: Antton Dorronsoro, Nekane Aierbe, Mila Manterola, Arantzazu Royo, Juan eta Feli Aleman, eta Jon eta Lukas Barandiaran.
Garai interesgarriak kazetaritzarako
Urtero bezala, ARGIAko lantaldeak diskurtsoa eskaini du egun berezi honen, eta denen izenean hitz egin du Mikel Garciak. ARGIAko komunitatearen sostengua azpimarratu du: zazpigarren urtez jarraian harpidetzak irabazten ari gara, eta esanguratsutzat jo du, garaiotan ez delako ohikoa.
Halaber, azaldu du garai interesgarriak bizitzen ari garela, kazetaritza ikuspegitik garai nahasietan kontatzeko asko dagoelako, eta ARGIAren proiektuaren sendotasuna berresten delako krisialdietan: “Krisi boladetan eta kapitalismoaren danbateko gogorrenen aurrean, zentzu guztia hartzen dute etxe barruko balioek. Elkar zaintzan sinesten dugu, barne antolaketa horizontalean, taldea batuta eta indartsu mantentzearen garrantzian”. Irakurri hemen hitzaldi osoa. Ikusi 2023ko Argia Sarien ekitaldia osorik:
Eskerrak eman nahi dizkiegu ekitaldi honen babesle diren ondorengo erakundeei:
- Arabako Foru Aldundia
- Bizkaiko Foru Aldundia
- Emakunde
- Eusko Jaurlaritza, Kultura eta Hizkuntza Politika Saila
- Gipuzkoako Foru Aldundia
- Kutxabank
- Laboral Kutxa
- Nafarroako Gobernua. Euskarabidea, Euskararen Nafar Institutua
Mastodoneko bi komunitate euskaldunek jaso dute 2023ko Interneteko Argia saria: Mastodon.jalgi.eus eta Mastodon.eus. Guztien izenean, Dabid Martinezek nabarmendu zuen euskararen arnasgune eta arigune iraunkorra izan direla azken bost urteetan. Komunitatea osatzen duten milaka... [+]
Bi urteko hutsunearen ondoren itzuli gara Usurbilgo Atxega Jauregira. Hotz dago kanpoan, euria ere ez da urruti, eta bazkal aurreko aperitiboa barruan egitea erabaki dute aurten.
Dena eskubide dugunaren uste orokortu samar bat nabari dut inguruan azken aldian. Kontsumoari lotua ote? Klasetik ere izango du. Dirua, azken batean. Zerrendatzen ditugu lagunartean gure eskubide amaiezinak, betebeharrekin gutxiago gogoratuta eta oinarrizko eskubideak zapaltzen... [+]
Jarraian Usurbilgo Atxega Jauregian sari banaketan ateratako hainbat argazki.
Egun pozgarria da gaurkoa, berriz ere aurrez aurre ospatuko ditugu Argia Sariak: betiko aurpegiak eta aurpegi berriak gaude mahai hauen bueltan. 2020an elkartu ginen azkenekoz, gero COVIDak eta debekuek hankaz gora jarri zuten dena… eta errenkadan etorri dira giro... [+]
Iñurri elkarteak minbiziari buruz egiten duen (Min)bizi podkastak jaso du 2023ko entzunezko saria. Feminismotik eta elkartasunetik, deserosoak diren tabuei naturaltasunez heltzen dietelako eman diegu saria, besteak beste.
Unai Iturriaga Zugaza-Artazak Gara egunkarian Zugazart sinadurapean argitaratzen dituen iritzi tirek jaso dute 2023ko prentsa saria. Aktualitateko gaiei eta auziei umorez eta zorrotz heltzen dielako eman diogu saria, besteak beste.
mastodon.jalgi.eus eta mastodon.eus komunitateek jaso dute 2023ko Interneteko saria. Mastodon deszentralizatutako sare soziala da, publizitaterik gabekoa, eta software librea defendatzen duten militante hauek saritu ditugu, urte osoan euskaraz eta aske jarduteko aukera ematen... [+]
Brebeta eta baxoa euskaraz egiteko eskubidea borrokatzen duten Ipar Euskal Herriko ikasle eta irakasleek jaso dute 2023ko kanpainaren saria. Haien borroka herrigintzak eta euskalgintzak beharko duen belaunaldi berriarentzako sekulako eskola delako, eta gazte eta helduek... [+]
Bere senar Pablo Gonzalez kazetariaren kartzelaratze injustua salatzeko eta kazetaritza askea defendatzeko egiten ari den lanagatik, eta auzia lau haizetara zabaltzeagatik, Oihana Goirienak jaso du 2023ko merezimenduzko saria. Borrokaren arpegi bilakatu delako, eta ARGIAko... [+]
Karpeta Urdinak torturari buruzko dokumentalak jaso du 2023ko ikus-entzunezko saria. Kriminologiaren Euskal Institutuak frogatuta utzi duen torturatuen errealitate gordina argitara eta pantailetara kalitate handiz ekartzeagatik eman diogu saria, besteak beste. Lana zuzendu duen... [+]
Sei sari izan dira: ikus-entzunezko saria Karpeta Urdinak dokumentalari eman zaio, prentsa saria Zugazart iritzi tirei, entzunezko saria (Min)bizi podkastari, Internet saria euskal Mastodon komunitateei, kanpaina saria Azterketak Euskaraz kolektiboari, eta merezimenduzko saria... [+]
Aurrez aurreko ekitaldian banatuko ditugu berriro ere euskarazko komunikazioaren sariak, Usurbilgo Atxega Jauregian. Urtarrilaren 27an euskal kultura eta jendarteko ehundik gora lagun bilduko dira, eta 16:00etatik aurrera ARGIAko webgunean eskainiko dugu zuzenean sari banaketa.
2023ko urtarrilaren amaieran banatuko ditugu, beste urte batez, euskarazko komunikazioaren Argia Sariak. Sarien prestaketa martxan da dagoeneko, eta zabalik dago hautagaiak bidaltzeko epea.