Baltasar Garzonek ere uste du Altsasuko gazteen zigor eskaera gehiegizkoa dela
“Dena ETA da” teoriaren sortzaile izateagatik ezaguna den epaileak artikulua publikatu du El País egunkarian Altsasuko auziari buruz.
“Sendotasun juridiko falta handia dauka hau jarrera terroristatzat kalifikatzeak eta erakusten du magistratuaren argudioen ahultasuna”, idatzi du Garzonek. Artikuluan dioenez, “Ospa Mugimendua kolektiboari izaera terrorista emateak, epaileak eta fiskalak egiten duten moduan, inplikatuko luke guztiz definituta egon beharko liratekeela haren helburu terroristak, Zigor Kodearen 373. artikuluak eskatzen duen moduan. Baina ez da horrela. Ezta zeharka ere”, gaineratu du.
Baieztapen hori egitearekin batera, Garzonek desberdindu ditu Altsasuko kasua eta “dena ETA da” teorian oinarrituta berak martxan jarritako operazioen izaera. Hori egitean zenbait datu oker ere eman ditu, adibidez, esan duenean Alde Hemendik proiektua ETAk sortu zuela –behin baino gehiagotan argitu izan den moduan, EIA izan zen lema lehen aldiz erabili zuena–. Nolanahi, Garzonen ustez 2011ko urriaren 11n ETAk behin betiko armak uztea erabaki zuenetik “hustuta” geratu zen Alde Hemendik kanpainaren lotura talde armatuarekin.
Epailearen ustez “astronomikoak” dira Altsasuko gazteentzat fiskaltzak eskatu dituen kartzela zigorrak eta Espainiako Auzitegi Gorena ere kritikatu du, kasua Auzitegi Nazionalean edo Iruñean epaitu behar zen erabaki behar zenean “zentzugabekeria juridiko hau” ez gelditu izanagatik.
Epailea harago ere joan da, “terrorismo kontzeptuaren desnaturalizazioa” aipatuz eta azken urteetako zenbait adibide jarriz: Twitterren idazteagatik, Espainiako himnoaren kontra txistukatzeagatik edo Espainiako bandera erretzeagatik auzipetutako pertsonak, adibidez. Askoz lehenago Euskal Herrian ezaguna zen “desnaturalizazio” horren beste zenbait adibide –kazetariak, politikariak, herri mugimenduetako kideak...– ez ditu eman artikuluan ordea.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
