“Balore berak partekatzen ditugu ARGIArekin, euskaldun, solidario eta burujabe, txikitik eraginez”
Maddi Zubeldia Arozena, Baltsan elkarteko kidea da, idazlea eta kantaria: "Ziburuko euskal liburu eta disko azoka Argia aldizkariarekin bat egitea naturala iruditu zaigu, balore berak partekatzen baititugu, euskaldun, solidario eta burujabe, txikitik eraginez", erran digu besteak beste.
Zer deritzozu Liburu eta Disko Azoka hau antolatzeari?
Ideia Euskaraldia-ren ondotik sortu zen, eta ni bereziki hunkitzen nauten bi helburu betetzen ditu: batetik euskarazko liburu eta disko azoka baten antolatzea, Ipar Euskal Herrian ez baita horrelakorik, euskarazko sorkuntza eta ekoizpena erdarazkoak itoa suertatzen da maiz zoritxarrez; eta bestetik Ziburuko plaza euskalduntzea izaki gure betiko asmoa, urrats bat gehiago ematea pozgarria da.
Ziburun eta Baltsan elkartearen eskutik. Ziburu eta Baltsan: sarri entzuten ditugun izen propioak.
Sarri entzuten direla jakitea marka ona da! Baltsan elkartea duela zazpi urte sortu zen, eta geroztik saiatu gara gure heinean hainbat ekitaldi kultural eta herrikoi proposatzen, eta gure txikitik uste dut lortu dugula herri mailan euskal kulturaren erreferentzia izaten. Ez da guti hemen!
Oraingoan Argia aldizkariarekin bat egitea naturala iruditu zaigu, balore berak partekatzen baititugu, euskaldun, solidario eta burujabe, txikitik eraginez.
Zer espero duzu egunaz?
Egun hori ilusio handiz prestatzen aritu gara, eta lehen edizioa izanez, ikusmira sortzen du. Espero dudana hauxe da: jendea hurbilduko dela, ziburutar zein beste, argitaletxeek eta idazleek oso baikorki erantzun baitute, eta elkarrekin momentu goxoa bizi dezagun, sinpleki, baltsan eginez!
Eta dudarik gabe, ekainaren lehen larunbata Ziburuko euskal liburu eta disko azokaren urteroko hitzordua bilaka dadin espero dut.
Bestalde, Zimurrak baleki diskoa argitaratu berri duzu. H-Edenekin batera egindako hirugarrena. Nondik nora... lan hau?
Zimurrak baleki berriki atera dugu, eta ibilbide luze eta oztopo ugari gainditurik, pozik gaude! Diskoa belarri label berriarekin elkarlanean atera dugu. 12 kantuz eta bi olerki erranez osatua da lanak, folk intimista giroaren baitan bidaiatzera gonbidatzen du.
Zimurrak baleki-n, melankolia kontsolagarriak bizi-bizirik dirau, ainguraketa musika herrikoiaren berotasunaren baitan dauka, bertakoan nola kanpokoan. Errotze horrek irekitzea ahalbidetzen du, Josean San Miguelek ekarri digun adierazpen garaikideak gure musikaren esparrua paisaia eta soinu testura berrietara eramanez. Gainerakoan, Pat Tetevuide da kantuak moldatu dituen artisaua, Lerman Nieves soken kuartetoa landu duena.
Etxekoak hurbil ditut beti: Unai semea buzukian, Nahia alaba ahotsean, Iñaki iloba perkusioetan. Xano betiko adiskide fidela, eskusoinuan... lehendabiziko albumetik. Azkenik, Michel Claudiok mandolinan eta Cristina Vertizek biolinean lana zoragarri josi dute, eta Pettik kolaborazio hunkigarria eskaini digu.
Besterik?
Zatozte, haur, heldu, zahar eta gazte!
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Iragan asteko ostegun eta ostiralean burutu zen ‘Nondik eta zeri ari gatzaizkio bertsotan?’ ikastaroa; 50 lagun elkartu dira jardunaldietan bertsoaren inguruko gaiez gogoeta egiten.
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Kiosko bat, krisian, Benidormeko giri artean. Eta egunkarien atzean, txandaka, adinak eta mundu ikuspegiak desberdintzen dituzten bi lagun. Kontrastezko osagai horiekin garatu du Lizar Begoñak bere lehen eleberria: Mundu zitalaren kontra. Gisa bereko inguru batean batu... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Ostegunetik aitzina egingo da festibala Bilbon, Kobetamendin. Behin baino gehiagotan salatu da bertako langileek baldintza negargarrietan egiten dutela lan, eta ostegunerako protesta deitu du Laneko Autodefentsa Sareak, 19:00etan, EiTBren egoitzaren aurrean. Langileentzako gida... [+]
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Sorpresa ederra izan da Consonni argitaletxeak argitaratu berri duen liburua. Ez nuen ezagutzen Montserrat Roigen lana eta aurkikuntza harrigarria izan da, zinez. Batetik, Franco hil berritan argitaratu zelako estreinakoz eleberria (1976an) eta garai hartako Bartzelona... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Eskuin muturra garaile izateak kultura eta gizarte mailan ekar dezakeenaren ikuspuntua partekatu dute, adierazpen bateratu baten bitartez. Guztira 94 artista eta kultur eragilek sinatu dute idazkia momentuz.