Balkoiak, polizia eta histeria kolektiboa
Autismoa duten pertsonak, leiho eta balkoietatik iraindu eta jazarri ez ditzaten, zapi edo bereizgarri urdin batekin paseatzera ateratzeko gomendatu dute. Asmo oneko gomendioa da seguruenik, baina zentzu onaren alarma guztiak piztu behar zaizkigu. Justifikatu gabeko erasoak gehitu behar dizkiogu horri; azkenengoa, bereziki lazgarria, Bilboko San Frantzisko auzoan gertatu da. Hainbat koloretako poliziek gauzatzen dituzte eraso horiek, eta maiz leiho eta balkoietatik txalotzen eta animatzen dituzte. Hortaz, onartu behar dugu benetako arazo baten aurrean gaudela.
Osasun-krisiaren une gogor hauetan, harro gaude bizitza zaintzeko funtsezkoak diren langileez, zaintza, garbiketa eta desinfekzio lanen arriskuei aurre egiten dieten milaka langileren jarrera solidarioaz. Laguntzen duten milaka boluntarioak maitasunez eta onespenez seinalatzen ditugunean, aldi berean, amorrua adierazi behar dugu elkartasun falta eta jarrera totalitarista horien guztien aurrean.
Osasun-krisi honek bizitza birpentsatzera eraman behar gaitu, gure harreman-eredua birpentsatzera. Bada garaia bizi-eredu solidarioak loratzeko; bizitza eta pertsonak erdigunean jarriz elkar eragiteko; besteekiko errespetutik, sufritzen duenarekiko enpatiatik, izan sufrimendua norberaren egoerarengatik, edo gehienetan bezala, kanpoko arrazoiengatik, bidegabekeria sozialaren ondorioz. Jendarte-eredu kapitalistak sentimendu indibidualista txertatu du jendartean. Aurre egin behar diogu sentimendu horri, eta kolektibotik gainditu behar dugu; izan ere, kolektibotik eta klase-batasunetik egin ahal izango diogu aurre indibidualizaziotik pribatizazioa eta ondasun komunaren ukazioa justifikatzen duen politikari.
"Osasun-krisi honek bizitza birpentsatzera eraman behar gaitu, gure harreman-eredua birpentsatzera. Bada garaia bizi-eredu solidarioak loratzeko; bizitza eta pertsonak erdigunean jarriz elkar eragiteko"
Bada unea jarrera faxistak eta totalitarioak iraganaren parte izateko, egunotan hainbeste animatu izan den estatu zapaltzaile, polizial eta militaristaren kulturaren oinordeko baitira halako jarrerak. Osasun-krisiak ezin du balio indarraren ordena zuritzeko, krisiak ezin du instituzio militarra justifikatu, zeinak datu "publikoen" arabera osasungintzara bideratzen denaren herena jasotzen duen. Krisiak balio behar du gure arreta funtsezko eta beharrezko gauzak defendatzeko premian zentratzeko, bizitzen laguntzen digun horretan.
Unea da arrazoimenak indarra eta histeria kolektiboa garaitzeko, ilargiari begiratzeko; ez da momentua begiratu beharrekoa seinalatzen digun hatz "akusatzaileari" begiratzeko.
Beti egon dira soberan beren zilborretik harago ikusten ez duten balkoiko txibatoak, eta plaka edo uniforme baten atzean ezkutatuta beren sen okerrena azaleratzen duten gorilak; orain, inoiz baino gehiago. Gure benetako arbuioa merezi dutenak haien jarrerak dira, eta ordezkatzen duten horrek guztiak.
“Zapi urdinezko” besarkada bat.
Felix Irizar Prieto
ESK-ko Koordinakunde Nazionaleko kidea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]