BALA, Bilboko arte-liburu azoka
abenduaren 12tik 15era
Arte-liburuei eskainitako azoka eginen da abenduaren 12tik 15era Bilboko Zazpi Kaleetan kokatutako Victor kalean. Ezohiko argitalpenak eta autoekoitzitako liburuak bilduko dira oro har.
Artisten katalogoak, argazki-bildumak, fanzineak edota arlo grafiko zein ilustrazioz betetako liburuak aurkituko ditu bertaratzen denak.
Sormen edukiez gain, hitzaldi, aurkezpen eta tailerrak ere izanen dira, argitaletxe, liburu-denda espezializatu eta hainbat inprentatako kideen eskutik.
Banizu Nizuke Kultur Antolakuntza eta Difusio Elkartearen elkarlanaren bidez jaio da ekimena. Eusko Jaurlaritzaren, Nontzeberri webguneren eta Grafilur inprentaren laguntza izango du.
Egitarau mamitsua
Abenduak 12an, 11:00tan, Juan Barbék paper-tailerra emanen du. Horren harira Papel Japonés izeneko dokumentala proiektatuko da. Egun horretan, lau proiektu aurkeztuko dira eta zenbait liburu-denda espezializatutako kideek mahai-ingurua osatuko dute.
Abenduaren 13an, 11:00tan, artisau-koadernaketari buruzko tailerra izanen da Felix Aranbururen eskutik. Egun berean, Grafilur inprentako Dani Rodriguezek inprenta espezializatuaz hitzaldia emango du.
Abenduak 14, goizeko 11:00tan Ainara Bezanilla Mundanalrüido argitaletxeko kideak liburua ardatz izango duen tailerra zuzenduko du. Ondoren, banaketa alternatiboari buruzko hitzaldia izanen da Delirio argitaletxeko Fabio de la Flor eta Belleza Infinita elkarteko Garikoitz Fraga hizlarien bidez.
Abenduaren 15a azokaren azken eguna izanik haurrentzako tailer berezia emanen du Ainara Bezanillak. Arratsaldean, azokako jardunaldietan jorratutako gaiei buruzko ondorioak jorratuko dira mahai-inguru batean.
Eskerrak bazterreko kontrakulturari, bestela literatur aldizkarien faltan egongo ginateke gurean. Izan ere, Euskaltzaindiak 2018an utzi zion Erlea... [+]
Hilekoa normalizatzeko eta bere inguruko "estigma eta kondairak apurtzeko" asmoarekin, Red Fanzine argitalpena osatu dute Gasteizen bizi diren hamabi emakume sortzailek. 250 kopia izango ditu eta urtarrilaren 23an aurkeztuko dute.
Cristina Morales Donostiara etorri zen orain dela bi aste, Literatura Mutanteak izeneko udako ikastaroan hitzaldia ematera. Ondo baino hobeto egokitzen zitzaion ekitaldiaren lema, haren azken eleberrian presentzia handia baitute tradizioz literaturarekin lotzen ez diren... [+]
Gaztetxeetan ikusiko dituzu batez ere. Bestela tabernetan, jai-guneetan, herri mugimenduren baten topaketetan, baina literatur zirkuitu ofizialetatik kanpo, betiere. Badira lau urte Aimar eta Eñaut Uribelsalgo anaiak Pobresiak emanaldiarekin hasi zirela. Fanzine eta disko... [+]
Apirilean argitaratu dute Amatxi izeneko fanzine berria. “Euskaraz, libre, doan, iragarki komertzialik gabe eta herrikoia” da publikazioa. Ipar Euskal Herriko mediateketan eta liburutegietan eskuratu ahalko da momentuz. Hilean behin “informazio informala”... [+]
Ilustratzaile talde batek autoedizioaren gaineko topaketa antolatu du ekainaren 15erako, Donostiako Dabadaba tabernan. Guillotinaren xedea –hala deitu zaio ekimenari–, inguruotako sortzaileak eta argitaldari txiki independienteak biltzea da.
Pop Pilulak fanzinea aurki eskuratu ahalko dugula dio Nontzeberri webgune kulturalean irakur daitekeen albiste batek.
Badaramatza hilabete batzuk gure artean, zeresana ematen, ITU Banda izeneko idazle taldeak. Lehen fanzinea publikatu zuten ekainean, #diotenez bigarrena ere aurki, eta ekintza ikusgarri, tira, entzungarriren bat ere egin dute tartean. Euren bizimoduetako zurrunbiloan eten bat... [+]
Hogei urte bete ditu TMEO aldizkariak aurten. Euskal Herriko komikigintzan lehenbiziko fanzinea izan ez bazen ere, 1980ko hamarkadatik gaur egunera arte biziraun duen bakarra dugu. Horregatik aste honetako Getxoko Komiki Azokan omenaldia jasoko du Gasteizko aldizkariak. Atzera... [+]