Bakegileek fase berri bat abiatuko dute urtarrilaren 8ko manifestaziotik aurrera
Ekintza “indartsuagoak eta determinatuagoak” iragarri dituzte, euskal presoen auziaren konponbidean Frantziako Gobernuaren “borondate eza” ikusita.
Fase berri bati ekingo diotela jakinarazi dute Bakegileek, abenduaren 4an Hiriburun (Lapurdi) egindako agerraldian. Gatazkaren konponbidean, herritar eta eragile guztien “indarrak biltzera” deitu dute, fase berrian boluntario bakoitza “ahal den heinean” engaiatuta; urtarrilaren 8an Baionan egingo duten manifestazioa izango dute abiapuntu, eta bertan fase berrira atxikitzeko aukera egongo da. Aurreratu dute hiru zutabetan hasiko dutela manifestazioa, 15:00etan: Laugatik, tren geltokitik eta Euskaldunen plazatik abiatuta, denak elkartuko dira aurrerago jakinaraziko duten leku batean.
“Ekintza indartsuagoak eta determinatuagoak” iragarri dituzte aldi berrirako, Frantziako Gobernuaren “borondate eza” ikusita: “Ez zaio inongo konponbiderik eman preso eta iheslariek aurre egin behar dizkieten arazoei. Ez dugu inongo borondaterik ikusten presoen egoerari aterabiderik emateko, eta, bereziki, erran dezagun, Jon Parot eta Jakes Esnalen kasuan”. Gogorarazi dute 31 urte daramatzatela preso biek eta, egun, 70 urte baino gehiago dituztela. Unai Parotek ere 31 urte daramatza espetxean, eta 63 urte ditu.
Halaber, Bakegileek nabarmendu dute “perspektiba berriak” irekitzen dituztela Espainiak emandako presoen hurbilketek eta gradu aldaketek, baita Frederic Haranburu Xistor duela urtebete Parisko Dei Auzitegiak baldintzapean aske utzi izanak ere. Euskal presoen auzia konpontzeko ordua dela aldarrikatu dute: “Ez dugu gibel eginen. Ez dezatela pentsa, orain arte egin den guztiaren ondoren, amore emango dugunik”.
Hitzetatik ekintzetara
Emmanuel Macron Frantziako presidenteari “hitzetatik ekintzetara” pasatzeko eskatu diote. Izan ere, 2019an presidenteak G7ko Miarritzeko goi-bileran adierazi zuen Euskal Herria “gatazkaren konponbidean eta armagabetzean adibide bat” dela harentzat, eta onartu zuen estatuaren eginbeharra “mugimendua laguntzea” dela. Bi urte beranduago, ekintzak galdegin dizkiote Bakegileek.
Bideo honetan iragarri dute fase berria:
Iritzi ezberdinetako aktore politiko eta sindikalak "kontsentsu batera iristeko" ariketa egin izana eta "Frantziako Estatuak Euskal Herriko gatazkaren konponbidean duen ardura" agerian ezarri izana dira Bake Bideak azpimarratzen dituen ekarpenak.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.
Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.