Ostegunean, herriko etxe aurretik jendea kanporatu eta hainbat pertsona identifikatu zituen Frantziako Poliziak, Baionako suprefeturak mobilizazioa galarazteko agindua eman ondoren. Hala ere, aurrera egin zuen Ipar Euskal Herriko Kontseilu Sozialistak deitutako mobilizazioak.
Palestinako herriari elkartasuna adierazteko eta “Israel Mendebaldeko estatuen konplizitatearekin egiten ari den sarraskia salatzeko” mobilizazio deialdia egi zuen ostegun arratsalderako Ipar Euskal Herriko Kontseilu Sozialistak, Baionan. 19:00tarako deitua zen mobilizaziora, baina Baionako suprefetak debekatu egin zuen, herriko etxe aurretik bertaratutakoak kanporatu, identifikatu eta protestarako egina zen pankarta galarazita. Hala ere, mobilizazioak aurrera jarraitu zuen, “eskubide politikoen aldeko borrokari” azpimarra eginda, Frantziako Estatuan debekatu eta erreprimitu diren Palestinaren aldeko protesten harira.
Debekuari aurre egin eta Baionako kaleetan zehar mobilizatu zen jendea eta ondorengo aldarriak zabaldu zuten: “Palestina askatu”, “Israel estatu kriminala” eta “Elkartasuna ez da delitua”, besteak beste. Baionako Pannecau karrikaren bukaeran amaitu zen mobilizazioa eta Palestinako herriari babes osoa eman eta Mendebaldeko erantzuleak seinalatzeaz gain, “langileen eskubide politikoen defentsa” berretsi zuten Ipar Euskal Herriko Kontseilu Sozialistako kideek, protestari jarritako debekuari erreferentzia eginda.
“Dominazio eta zapalkuntza guztien aurka, ezinbestekoa da basakeria honen iturrian den kapitalismoaren kontrako indarra nazioartean artikulatzea. Hori baita herri langileen askatasuna eta gerrarik gabeko jendarte baten oinarriak eraikitzeko bermea”, adierazi zuten mobilizazioaren bukaeran plazaratutako irakurketan.
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.