Baionak Qatar-i boikot egingo dio: ez dute pantaila erraldoirik jarriko Munduko Futbol Txapelketa ikusteko
Aste gutxi barru Qatarren jokatuko den Munduko Futbol Txapelketaren kontrako ekimenekin bat, Frantziako Estatuko hainbat udalek iragarri dute ez dituztela selekzioaren partidak pantaila erraldoietan emitituko. Hiri horien artean dago Baiona.
Baionarekin batera, fan zone delakorik edota pantaila erraldoirik ez jartzeko asmoa agertu duten udalen artean Paris dago, baita Bordele, Lille, Marseilla, Limoge eta Angulema ere, AFP agentziak nabarmendu dituen batzuk aipatzearren.
"Baionako Udalak ez du Munduko Txapelketak irauten duen bitartean pantaila erraldoirik jarriko. Boikota", idatzi du sare sozialetan Cyrille Laiguillonek, Baionako alkateorde eta Kirol zinegotziak.
Boikota, kirol ekitaldi handienaren B aldeagatik: inpaktu ekologikoa, giza eskubideen urraketa, obreroen heriotzak, ustelkeria salaketak... Geroz eta gehiago dira kontrako ahotsak, Frantzian bereziki.
"Alkatea bat dator erabakiarekin", azaldu du Laiguillonek, Sud Ouest egunkariak jaso duenez: "2018an finala Lauga kirolgunean eman genuen, eta sekulako arrakasta izan zuen. Baina aurten ez dugu deus egingo. Kirol eskandalua izan zen hasieran, eta eskandalu ekologikoa gero, giza eskandalu bihurtu baino lehen!".
Ekimenarekin bat egin duten alkateek ez bezala, beste udalerri batzuetakoek –Cannes eta Nizakoek adibidez– uko egin diote bide bera jarraitzeari, oraingoz bederen: "Frantziako selekzioak lortutako emaitzen arabera erabakiko dugu". Alegia, Frantziak irabaziz gero, arazorik ez Munduko Txapelketa Qatarren ospatzearekin; baina galduz gero, boikota.
Futbolaren erritmora biziko da Qatar ondoko asteetan. Lehen aldia da arabiar erresuma batek Mundial bat antolatzen duela, eta egia da polemika handia sortu zuela Qatar hautatua izan zelarik mundiala antolatzeko.
Abian da gizonezkoen Munduko Futbol Txapelketa, Qatarren. Ustelkeria zantzuak, estadioak eta bestelako azpiegiturak eraikitzen aritu diren milaka obreroren heriotza, emakumeen eta LGTBI kolektiboaren kontrako jazarpena, ingurumen inpaktua, zentsura, futbol-egutegiaren... [+]
Azaroaren 20an hasiko da 2022ko Munduko Futbol Txapelketa, Qatarren. ARGIAn hainbatetan hitz egin dugu kirol ekitaldi dizdiratsuenetako baten B aldeaz, dela giza eskubideen urraketa, ustelkeria, langileen heriotzak, ingurumen inpaktua... Horien guztien aurrean, geroz eta... [+]
Paola Schietekat mexikarrak, Qatarreko Munduko Futbol Koparen antolaketan lanean ziharduela (2021ean), salatu zuen gizon batek eraso egin ziola Qatarren. Bera zigortu zuten, ordea.
Raúl Zibechi idazle uruguaiarra Munduko Koparen testuinguru sozio-politikoari buruz mintzo da Desinformemonos.org webguneak maiatzaren 6an plazaratutako elkarrizketan. 'Brasil potencia' liburuaren egilea militarizazioaz, errepresioaz, gentrifikazioaz,... [+]
2022an Qatar-en egitekoa den Munduko Futbol Txapelketarako obretan 6.500 langile baino gehiago hil dira, The Guardian egunkariak azaleratu duenez. Alimaleko zifra horren ingurukoak jaso ditu Descifrando la Guerra twitter kontuak.
Dopinaren Aurkako Munduko Agentziak ebatzi du Errusiak galarazita duela mundu mailako lehiaketetan parte hartzea. 2020ko Olinpiar Jokoetatik kanpo geratu da, besteak beste.
Bukatu da, ederra kostata hori bai, munduko futbol txapelketa. Gauzak zer diren, baina, munduko txapelketaren ondotik ikusi dut nik gol mundial bat, telefono konpainia baten kaleko iragarki batean. Jokalaririk edota belarrik ez bazegoen ere, marketinaren gol bikaina iruditu... [+]