Baionako suprefeta: “Frantziako Gobernuak ez du uste bake prozesuan engaiatu behar denik”
Patrick Dannelles Baionako suprefeta elkarrizketatu dute Ahoan Bilorik Gabe emankizunean. Kanaldude telebistak, Euskal Irratiek, Kazeta.info Interneteko atariak, "Herria" astekariak eta Ipar Euskal Herriko Hitzak elkarlanean sortutako ekimena da. Azken boladan pil-pilean dauden gaien inguruko galderak erantzun ditu Frantziako Estatuaren ordezkariak. Ekainean Hendaiako ikastolaren eraikuntza oztopatu zuen Dallenesek, Falloux Legea oinarri hartuta.
Kanaldudek bideoan bildu ditu adierazpenak eta Kazeta.info-k euskarara itzuli du elkarrizketa; hona hemen suprefetak esandako batzuk, gaika sailkatuta:
Lurralde antolaketa
-
"Gobernuak hainbat alditan jakinarazi du Lurralde Elkargoaren aldarriak ez duela segidarik ukanen. Alegia, ez duela sortuko Baionako eskualdeko hautetsien parte handi batek aldarrikatzen duen erakunde hori".
-
"Manifestazioa egitea eskubidea da baina ez du horrek aldatuko gobernuaren erabakia".
Bake prozesua Euskal Herrian
-
"Frantziako Gobernuak ez du uste bake prozesu batean engaiatu behar denik, pentsatzen duelako Frantzia ez dela sekulan gerran izan".
-
"Lotura egitea iheslarien atxiloketen eta Miarritzeko ekitaldiaren artean, sobera arin joatea litzateke".
Euskara
-
"Frantziako Gobernuak ez du iritsi nahi euskararen koofizialtasuna aitortzeraino".
-
"Gaia aztertu zelarik, ebatzi zuten ez zegoela biderik [Hizkuntza gutxituen Europako Karta] berresteko Frantziako konstituzioa aldatu gabe. Beraz, gobernuak deliberatu du aldaketa hori ez egitea, eta haren eskubidea da".
-
[Ikastolen aferari dagokionez] ez dago konponbiderik. Bederen ez dago biderik erakunde publikoek eraikin publiko bat ordaintzea aipatzen bada. Ez Hendaian ez bertze ikastolen kasuan (...) Legea alda daiteke baina hori ez dago gure eskutan. Hori parlamentarien lana da".
Abiadura Handiko Trena
-
"Ezin dut baieztatu [AHTa 2030era atzeratuko denik], Gobernuak adierazi behar du era argi eta zehatzean egitasmoa atzeratua izan dela eta beharbada egutegi bat aurkeztu".
Sexu berekoen arteko ezkontza
- "[Bi gizon ezkonduko ez zituela adierazi zuen Arrangoitzeko] auzapezarekin hizketaldi fasea izan genuen konponbide baten bila, horrek ez zuen emaitzik eman eta disziplina prozedura bat abiatzeko puntuan ginen joan den ostegunean auzapezak eta bere kontseilariek deliberatu ez balute haietakoren batek ezkontza ospatuko zuela".
-
"Hurbiletik segitzen dut Arrangoitzeko herriko etxearen jarrera eta espero dut ez dela horrelakorik berriro gertatuko".
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]
7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]
Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.
Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.
Euskal hiztunen 1.062 kexa bildu ditu Hizkuntz eskubideen Behatokiak 2013ko txostenean. Nafarroako herritarrek egin dute salaketa gehien.
Falloux Legea aitzaki hartuta Frantziako Gobernuak Seaskako ikastolei jartzen ari zaizkien oztopoen testuinguruan, arnasaldi txiki bat ekarri du Pierre-André Durand Pirinio Atlantikoetako prefetaren iragarpenak: ez ei du kontrako neurririk hartuko Beskoitzeko ikastola... [+]
Seaska ez da ados suprefeta eta prefeta ematen ari diren urratsekin. Hendaiako eta Beskoitzeko ikastolen egoitza proiektuak oztopatzen ari dira, eta ziur daude aurki beste ikastola bat ataka berean izango dela.
Seaska eta Eskolim elkarteko presidente Paxkal Indok UNESCOren 37. konferentzia nagusian parte hartu du, Seaskako zuzendari Hur Gorostiaga eta Okzitanierazko Ikerketa Institutuko kide Alexis Quentinekin batera. Frantziak lurralde hizkuntzen irakaskuntza oztopatzen duela salatu... [+]
Paueko auzitegiak atzera bota du Seaskak Hendaian ikastola berria eraikitzeko hartua zuen erabakia. Falloux legean oinarritu da epailea, argudiatuz diru publikoa ezin dela erabili hezkuntza pribatuko eraikuntzak egiteko.
Parisetik atzera bota nahi dute Beskoitzeko Udalak ikastola berria eraikitzeko Seaskari egingo dion lurren lagapena. Beskoitzeko Herri Kontseiluak 520 metro koadroko zelaia herriko ikastolari uztea deliberatu zuen uztailaren 9an. Parisko Gobernuaren ordezkari den Patrick... [+]
Beskoitzen ikastola berria eraikitzen ari dira eta Kanboko Xalbador lizeoa berrituta aurkitu dute ikasleek. Eraikin berria egiteko baimenarekin arazoak dituzte ordea, eta ekonomikoki ere larri dabiltza.
Seaskako ordezkariak Frantziako Barne, Kultura eta Hezkuntza ministerioetako ordezkariekin bilduko dira gaur arratsaldean Parisen, ikastolen egoitzen arazoari konponbidea emateko asmoz.
Horra hor, Seaska ikastolaren garai bateko lema: Kasu ikastola kexu! Garai hura oraina da alabaina. Frantzia jakobinoak hamaika motibo eman(en) dizkigu kexu izateko. Hendaiako Gure ikastola izan da azken hilabeteotan kexaldi horren protagonista –eta aitzindaria–,... [+]