Baionako meskitako atentatuaren kasua ez du bere gain hartu Terrorismoaren Aurkako Fiskaltzak
Asteazken honetan jakinarazi ditu Baionako prokuradoreak Claude Sinkéri egindako proba psikiatrikoaren emaitzak. Azterketaren arabera, astelehenean Baionako meskitaren aurka egindako atentatuaren ustezko egileak ez zeukan kontrolik, hein batean behintzat, bere ekintzen gainean. Parisko Terrorismoaren Aurkako Fiskaltzak ez du momentuz kasua bere gain hartuko.
Claude Sinkéri egindako azterketa mediko-psikiarikoak agerian utzi duenez, "bere ekintzen gaineko bereizketa- eta kontrol-gaitasunaren galera partziala" jasan zuen Baionako meskitaren aurkako atentatuaren egileak. Sinké meskitako ateari su ematen saiatu ostean han zeuden bi pertsonari zauri larriak eragin zituzten tiroen ustezko egilea da.
Proba medikoa egin ostean, astearte arratsaldetik atxilotuta dago berriz, eta berriro deklaratu ondoren, asteazken arratsaldean, instrukzio epailearen esku utziko dute.
Fiskaltzak iragarri duenez, 2015eko hauteskundeetan Front Nationalen tokiko hautagaia izan zen gizonari leporatu diote "hilketa saiakera, ondasunak degradatzea eta suntsitzea larrigarriekin eta arma erabiliz indarkeria erabiltzea", baina epaileari dagokio bere egoera pertsonalari eta auzi judizialaren etorkizunari buruzko erabakiak hartzea.
Nolanahi ere, Parisko Terrorismoaren Aurkako Fiskaltzak dagoeneko hartu du bere erabakia: oraingoz ez du bere gain hartuko, kasuak dauzkan inplikazioak gorabehera.
Islamofobiak bai baitauka zerikusirik asteleheneko erasoarekin, itxura guztien arabera: Baionako meskitaren eraikuntzak aurkako iritziak azalarazi zituen bere garaian eta eraso bana jasan zuen 2015ean eta 2017an.
Atentatuaren egileak Poliziari adierazi zion "Parisko Notre-Dame katedraleko sutea mendekatzeko" jardun zuela, eta horren erantzule "musulmanak" egin zituela.
"Meskita erre baino ez zuen egin nahi", ziurtatu zuen, eta ez zuela inor hil nahi. Horregatik aukeratu ei zuen Sinkék "leku horretan ia pertsonarik ez dagoen ordu bat". Hala ere, pertsona bati mehatxu egin zion, ibilgailuarekin tokira iritsi bezain laster.
Ateari su emateko likidoa botatzera zihoala, leku horretan eserita zegoen pertsona bati tiro egin zion, eta ondoren beste bi tiro egin zituen autoz iritsi zen pertsona baten aurka.
Bigarren eraso hori bereziki larria izan zen, pertsona horri tiro egin baitzion, autoan zegoela, eta ondoren ibilgailua erre baitzuen. Zorionez, pertsona batek zaurituari lagundu eta autotik atera zuen.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Irailetik aurrera, ikastetxe publikoetan abayah janztea debekatuta izango dute ikasleek Frantziako Estatuan. Neska musulman ugarik soinean eraman ohi duen tunika edo bata modukoa da abayah. Laikotasunaren defentsa ala islamofobia, hautsak harrotu ditu erabakiak.
Beloa zeraman emakume bati “historiaurrean bezala” jantzita zihoala esan eta Hendaiako jatetxe batean sartzea eragotzi zion jabeak. Semeak bideoan grabatu zuen gertatutakoa eta diskriminazioagatik epaituko dute orain jabea.
Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa... [+]
Musulmanak Indian koronabirusa zabaldu nahian ari direla diote zenbait nazionalista hinduk; “korona yihada” egitea egozten diete. Pandemiaren aurretik ere Delhiko zenbait auzotan musulmanen aurkako zenbait eraso egin zituzten hinduek; koronabirusaren krisiak areagotu... [+]
Joan den igandetik, otsailaren 23a, Delhiko kaleetan iskanbilek ez dute etenik. Komunitate musulmana baztertzen duen lege berri baten aurkako protestei nazionalista hinduak oldartu zaizkie, eta musulmanak bizi diren auzoetan biolentzia piztu da.
Iskanbilen arrazoia Indiako gobernuak onartutako Herritartasun Akta da, zeinek errefuxiatu estatusa onartu dion Hego Asiako erlijio nagusietako jendeari musulmanei izan ezik. Musulmanek lege horren aurka egindako protestei aurka eginez, hinduek hiru egunean zehar meskitak... [+]
Meskita dagoen auzoko herritar eta elkarte batzuek osatu kolektiboak antolatu du "elkartasunezko eta bakearen aldeko martxa". SOS Arrazakeria elkarteak ere bat egin du mobilizazioarekin. Baionako Gaskoien plazatik abiatuko da igandean 14:30ean.
Gizon batek molotov koktela jaurti du gaur Baionako meskitara, eta tiroketari ekin. Balaz zauritu ditu bi pertsona, eta larri dago horietako bat. Frantziako Poliziak Landetan atxilotu du erasotzailea.
Islamofobiaren Kontrako Musulmanak elkarteak Bizkaiko fiskaltzan salaketa jarri du Yolanda Couceiroren kontra, immigrazioaren eta Islamaren inguruan egindako adierazpenengatik. PPk bere zerrendetan hautagai izatea eskaini dio Portugaleten jaiotako ultraeskuindarrari.
