Baionako Maurizia eraikin okupatua “beranduenik ekaina hastapenean” hustu dezake Poliziak
Ostegunean uxerra bertaratu zaie Baionako Santa Ursula karrikako 16. eraikinean dagoen Maurizia gune okupatura, kanporatze aginduaren berri emateko. Baionako Herriko Etxearen eta EPFL Lurraren egitura publikoaren elkarrizketa-ezak deitoratzen dituzte okupatzaileek. Egun berean, Hazparneko gazte bat epaitu dute Lapurdiko hiriburuan, 2021eko udan okupazio batean parte hartzeagatik.
Uxerra bertaratu zaie maiatzaren 25ean Baionako auzitegiak izenpetutako kanporatze agindu batekin. Beren baitarik eraikinetik ateratzeko eskaerari uko eginez gero, "beranduenik ekaina hastapenean" kanporatuko dituztela jakitera eman die okupatzaileei. Maiatzaren 4az geroztik okupaturiko eraikinean xede duten egitasmo sozial eta kulturalarentzako aukerarik ez diete utzi nahi jabe diren Baionako Herriko Etxeak eta EPFL Lurraren egitura publikoak.
Okupazioaren berri eman zuten maiatzaren 16an Herriko Etxearekin elkarlanean proiektu bat adosteko nahikaria adierazita. Baionako Santa Izpiritu auzoko Santa Ursula karrikako 16. zenbakiko bizitokiak okupatzen dabiltza, etxebizitzaren arazoari aurre egin nahian, zein auzoko herritarrei eta eragileei espazio sozial eta kulturala eskaintzeko asmoz. Baina jabeak elkarrizketari "itxiak" direla deitoratu dute maiatzaren 25ean egindako prentsaurrekoan. Bertaraturik ziren 70 bat gazte, kanporatzeko mehatxua oztopatzeko xedez. Ondoko irakurketa zabaldu dute: "Gure elkarrizketa saiakerei entzungor izateaz eta proiektuak ukan duen herritarren sustenguari ezikusiarena egiteaz gain, kanporatze estrategia ilegala ikus dezakegu. Uxerrak okupatzaileen identifikazio eza baliatu du aitzakiatzat, baina azken honek bisitatu gintuelarik ez zuen identifikazio eskaerarik egin". "Prozedura akats larriak" identifikaturik dituzte.
Hazparneko okupazioaren harira, auzitan
Ostegun honetan epaitu dute Hazparneko gazte bat, gaztetxea aldarrikatzeko asmoz okupazio batean parte hartu izanagatik. Ttattola gaztetxeak aterperik ez zuela, 2021eko udan okupatu zuten urte luzeetan hutsik zen herriko etxeetariko bat. Etxe horretan "indarrez eta mehatxuka sartzea" egotzi diote epaituriko gazteari eta epaia ekainaren 22an ezagutuko dute. Ehun bat lagun elkartu ziren Baionako auzitegi aitzinean, elkartasuna adierazteko epaituari. Okupazioa kolektiboki egin zutela oroitarazirik, kide bakarra erantzuletzat hartzeak "talde indarraren haustea eta presioa pertsona bakar baten gainean ezartzea" bilatzen duela gaitzetsi dute gaztetxeko kideek.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]