Baionako Euskara Plan berriaren “anbizio falta” nabarmendu du euskalgintzak
2024ko otsailean bidaliko da plan berria tokiko Kontseilura. Oposizioko hautetsiek eta euskalgintzako eragileek adierazi dute plan berriarekin “arrunt deskontent” daudela.
Baionako Euskara Plan berria 2024ko otsailean onartuko da, askotan baztertua izan ondoren. Hizkuntza Politikako arduradun Xabier Parrilla-Etchartek azaldu du hasieran uda baino lehen aurkezteko asmoa zegoela, baina plana abenduaren 14rako atzeratu zen, eta azkenean 2024ko otsailaren hasieran bidaliko da tokiko kontseilura, Kazeta.eus hedabideak azaldu duenez.
Eztabaida orokorra piztu du auziak. Euskalgintzako eragile eta oposizioko hautetsiak “arrunt deskontent” azaldu dira, eta planaren lanketa prozesuan “anbizio falta” eta “nahikari politiko azkar eza” nabarmendu dute.
Bihar Baiona oposizioko taldeko hautetsi Jean-Marc Abadik planaren “anbizio falta” berretsi du, eta “giza eta diru baliabide eskasia” nabarmendu ditu: “2017-2020 Planeko gauza berak erraten dira”.
Horrez gain, kezka eragin du lanari zuzendutako aurrekontuaren inguruko ziurgabetasunak. Nahiz eta euskararen aldeko jarduera-programa bat diseinatu duten, ez da kopuru zehatzik aipatzen. Parrilla-Etchartek azaldu du aurrekontu-esleipena 2024ko otsailean zehaztuko dela, aurrekontu orokorraren bozketarekin batera: “Oraingoz ez dago kopuru zehatzik”.
Udalaz gaindiko euskara batzordeko kideek bozketa egin aurretik haiekin kontsultatzea espero dute, irailetik ez baitute harremanik izan euskara zerbitzuarekin. Parrilla-Etchartek ziurtatu du plana aldez aurretik aurkeztuko zaiola batzordeari.
Plana “berandu” dator
Asko atzeratu da planaren bozketa. Hiru lantaldetan —“transmititzea”, “zabaltzea” eta “partekatzea”— bildutako 46 parte-hartzailek osotara bederatzi bilkura egin dituzte 2023ko urtarrila eta martxoa bitartean, baina hala ere, irailaren 27ra arte ez dira berriro elkartu sarrera-saiorako.
Plan honek hiriko hizkuntza-politika definitzeko ardura du 2026ra arte, 2017tik 2020ra bitarteko aurreko planaren ondoren. 2020ean ez zen planik izan COVID-19 pandemiaren ondorioz.
Euskara batzordeko kide batek adierazi du plana aurkezteko “berandu” dela: “Prozesuak denbora anitz behar izan du. 2023. urtean gira. Plan hori abenduan onartzen bada, agintaldiaren azken bi urteetan aplikatuko da”. Halaber, gaineratu du “inertzia handia” eta “borondate falta” sentitu dutela arduradunen partetik.
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.
Mugaz gaindiko uda ikastaroak abiatu dira astelehen honetan ostiralera arte irauteko Baionan eta Hizkuntza Politika berrirako urratsak Ipar Euskal Herrian aztertuko da.
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
Hirugarren urtez Xiberoako ikastolei bultzada emanen die Tulalaika bestak.
Aitzinkontua ez emendatzea bozkatu du Euskararen Erakunde Publikoak. Iazko bera izanen da, lau milioi t'erdi inguru. Horrek Euskalgintzako hainbat sektoreren kexua piztu du, eta EEPren izatea zalantzan jarri dute, gaur egun, tresna baliagarria ez delakoan. Hur Gorostiaga... [+]