Baionako Epaitegian euskara aldarrikatzeko ekintzagatik atxilotutako EHEko kideak askatu dituzte
Teilatura igo, eta hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” salatu du bikote aktibistak. Frantziako eta Espainiako Konstituzioak “supremazistatzat eta euskaldunentzat baztertzailetzat” jo dituzte, bi estatu horien mendean “ezinezkoa” delako euskaraz bizitzea.
Euskal Herrian Euskaraz taldeko bi kide igo dira Baionako epaitegiko teilatura eta “justizia” eskatu dute “euskararentzat eta euskaldunentzat”, “justizia euskararentzat” ipintzen duen pintaketa batekin. Ekintzaileak Gorka Torre Roca eta Intza Gurrutxaga dira, eta Euskararen Egunean egin dute ekintza. Frantziako Poliziak atxilotu, komisariara eraman eta taldeko beste hainbat kide identifikatu ditu egintza amaitu ostean. Arratsalde berean askatu dituzte ekintzaile biak.
Teilatu gainean egonda, hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” adierazi dute, eta “euskaldunontzat gaur egungo markoan justiziarik ez dagoelako” justizia aldarrikatu dute euskararentzat eta euskaldunentzat. Ekintza horren bidez Frantziako Konstituzioa, eta, beraz, "legedia, supremazista eta euskaldunontzat baztertzailea" dela salatu du taldeak. Hego Euskal Herrian, Espainiako Konstituzioak eraginda, “gauza bera” gertatzen dela azaldu du bikoteak, eta orain “oldarraldi judizial, politiko eta mediatikoarekin are nabarmenagoa” dela adierazi.
Euskararen Errepublikaren beharra azpimarratu du EHEk, bi estaturen menpe “ezinezkotzat” jotzen duelako euskaraz bizitzea: “Euskaraz bizitzeko eskubidea ukatzen digute bizitzako esparru askotan”, zehaztu du. Horren guztiaren aurrean, intsumisio jarrera kolektiboen garrantzia nabarmendu, eta abenduaren 7an Durangon antolatu duen manifestazio nazionalerako deia egin du taldeak, “Euskal Errepublika eraikitze bidean”.
Euskararen aldeko ekintzengatik, bi aldiz epaituta
Lehendik atxilotu izan du Frantziako Poliziak Torre, EHErekin eta Herribiltza taldearekin euskararen aldeko desobedientzia ekintzak egiteagatik. Baionako Auzitegian epaitu duten aldi bietan uko egin dio epaiketan parte hartzeari, epaileak euskaraz deklaratzeko eskubidea errefusatu izan baitio.
2023ko irailean Herribiltza taldeak euskararen aldeko pintaketa batzuengatik 2024ko martxoan izan zuen lehen epaiketa Torrek. Leheneratzedun hilabeteko espetxe-zigorra ezarri zioten, eta bostehun euroko isuna ordaintzera zigortu zuten. Aurtengo irailean berriz epaitu zuten, Baionako suprefeturan pintaketa egin eta frantses hutsean idatzitako hainbat bide seinale kentzea egotzita.
Osotara 3.268 eurotako isuna jarri diote, baina Nafarroa Behereko EHE taldeak urrian adierazi zuen Torrek ez duela ordainduko Baionako Auzitegiak ezarritako isunik.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Euskal Herrian Euskarazek manifestazio nazionala deitu du abenduaren 7an. "Hizkuntza larrialdiaren aurrean Euskararen Errepublika eraikitzea beharrezkoa" dela aldarrikatu du mugimendu euskaltzaleak. Mundu mailako eskuin muturraren hazkundeari “euskaratik eta... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Txillardegiren “Estatu batekin, agian, euskara ez da salbatuko; gabe, ziur ezetz” esaldi ezaguna abiapuntu hartuta, bi “mundu” horiek, euskara eta burujabetza, elkarrizketan jartzeko bi mahai-inguru antolatu ditu EHEk, Txillardegi Udal Liburutegia Herri... [+]
Euskal Herrian Euskarazeko kideek "egia, aitortza, erreparazioa" emanaldi eta solasaldi zikloa antolatu dute datorren otsailaren 24rako Baionan, Kalostrape ostatuan.
Euskaltzale eta independentistek elkarrekin hausnartzeko eta Euskararen Errepublika eratzeko helburuz, bi egunetako topagunea antolatuko du Euskal Herrian Euskaraz-ek (EHE). Data eta leku zehatzak aurrerago iragarriko dituzte. Antolakuntzarako lehen bilkura irekia egingo dute... [+]
Eguraldi euritsuari aurre eginez, ehunka lagunek osatu dute manifestazioa Durangon "Euskaraz bizitzeko, Euskararen Errepublika" lelopean. Euskal Herrian Euskaraz antolatzaileak egoeraren larritasuna azpimarratu du amaierako hitzartzean: "Datozkigun astinaldiak... [+]
Euskal Herrian Euskarazek salatu duenez, euskara hutsean mintzatu nahi zuen arraunlari bat derrigortu nahi izan dute adierazpenak gaztelaniaz egitera Eusko Label Ligaren ACT TVn. Joan den uztailaren 25ean izan zen, Lekeition jokatutako estropaden amaieran.
