Baiona: Saretzeko gogoa baieztatu da asanblada feministan
"Ipar Euskal Herria feminismotik saretu" leloa aukeraturik, ekimen ezberdinen bidez aritu dira helburu horren plazaratzen Ipar Euskal Herriko asanblada feministako kideak. 350 lagun batu ziren Baionan buruturiko manifestazioan.
“Ipar Euskal Herria feminismotik saretu” lema hautatu zuen aurtengo emakumeen nazioarteko borroka eguna kari Lapurdi, Nafarroa Beherea eta Zuberoa biltzen dituen asanblada feministak: asteburu guztian zehar sentitutako gogoa eta manifestazioaren ondotik egindako asanbladan aho batez baieztaturikoa. Antolakuntzaren nekeari gailendu zitzaion asteburuko momentu kolektiboetan jasotako indarra eta aitzina egiteko gogoz dira antolatzaileak. “Babes gune bat ukaiteko”, “ahanduntze pertsonalaz gain, kolektiboki ere ahalduntzeko”, “elkarrekin gogoetatzeko eta formatzeko”, “hitzordu feministak antolatzeko”, “ahizpatasun eta laguntasun giro horretan segitzeko”, “plazer bat delako”… asanbladan plazaraturiko arrazoiak anitzak dira baina guztiak zentzu berera doaz: elkartzen segitzeko beharra sendi dute. Ipar Euskal Herriko lau haizeetatik etorritako hogeita bost bat emakume aritu ziren ordu pare batez haien gogoen eta gogoeten partekatzen, Baionako udaletxearen plazan.
Aurten sekulan baino hitzordu gehiago burutu dituzte Ipar Euskal Herri mailan. Mauletik Irisarrira, Itsasutik Baigorrira zein Hendaiatik Baionara ala Azkainera, hamar bat hitzordu zituzten finkaturik. Nafarroa Beherean antolaturiko bizikletaldi feminista izan daiteke agian nabarmentzekoen artean, azken urteetan hitzordu feminista guti antolatu direlako baserri munduan. Asanbladan behin baino gehiagotan deitoratua izan zen gisara, baserri munduan ere kontzientzia feminista zabaltzeko behar handia sendi dute eta aldarri feminista bertaratu izanaz poz-pozik agertu ziren barnealdeko feministak. Irisarri, Ortzaize, Arrosa eta Baigorrin, herriz herri mezua zabaltzen aritu ziren, plaza bakoitzean banderola bat zintzilikatuz.
Baionako karriketan larunbat gauean buruturiko gaueko manifestazio ez-mistoa ere baikorki baloratu zuten antolatzaileek: “Kopuruz asko ez baginen ere, oihuz eta determinazioz beterik indartsu atera ginen karrikara”. Lehena izan zuten eta errepikatzeko gogoarekin daude.
Gaueko manifa egin dute Baionan, Iparraldeko asanblada feministak deiturik. @M8EuskalHerria @argia #martxoak8 #goraborrokafeminista pic.twitter.com/9jzlcGoaLF
— Jenofa_B (@Jenofa_B) March 7, 2020
350 lagun Baionako manifestazioan
350 lagun batu ziren Baionan burututako manifestazioan. Komertzio handiek zein herrietako hauteskundeetarako kanpainan diren hautagaiek egindako errekuperazioa deitoraturik, martxoaren 8a borroka eguna dela ohartarazteko denbora hartu zuten bukaerako hitzartzean.
Horrez gain, gaur egungo testuinguru sozio-politikoan ere kokatu zuten mobilizazioa: “Faxismoa baita honekin errimatzen duen antifeminismoa ere borrokatuko ditugula argi utzi nahi dugu. Zapalduen arteko elkartasuna eta zubiak eraiki nahi ditugu”. Hastapeneko eta bukaera hitza emakume etorkinei utzi zieten antolatzaileek: Mariam sahararrari eta Clemence kongoarrari. Haien herrietako emakumeen egoera labur aurkeztu eta eskubideen aldeko borroka aitzina eramateko deia luzatu zuten biek: “Ez dezagula inoiz ahantz azkarrak garela”, Mariamen hitzetan. Manifestazioan zehar ere behin eta berriz errepikatu ziren elkartasun mezuak, “so-so-so-solidarité, avec les femmes du monde entier” ("elkartasuna munduko emakume guztiekin") gisako esloganekin.
Ez zen ahotsa galdu arte oihukaturiko lelo bakarra izan eta behingoan, manifestazio zaratatsua bizitu zuen Baionak, bertan batu emakumeen plazer handirako.
New York, 1970eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Egun osoko egitarauarekin elkartuko dira, eta Euskal Herria feministaranzko bidean, nondik, nora eta nola trantsitatu nahi duten zehazten jarraitzeko konpromisoa berretsi nahi dute.
Musikan inoiz ez dela diskriminaziorik egon adierazi du Alex Sardui abeslariak, eta haserre erantzun diote Euskal Herriko musikagintzako emakumeek*, 150 lagunek sinaturiko komunikatuan: “Denbora asko daramagu tankera honetako egoerekin nazkatuta”. Barkamena eskatu du... [+]
“Hankartean hau dauka baina berak erabakiko du neska edo mutila den” –guraso aurrerakoien modako esaldia–. Elkarrizketarik ez da sortzen plazan, ea bakoitzaren ustez “neska” edo “mutila” izatea zer ote den hankartean genital bat... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Narges Mohammadi Bakearen Nobel Saridunak eta beste 33 preso politikok gose greba hasi dute irailaren 15ean. Gaur, irailak 16, bi urte dira Mahsa Amini emakume kurdua Irango Poliziaren jipoiaren ondorioz hil zela. Buruko zapia gaizki jarrita eramateagatik atxilotu zuten.
"Kaixo Garbiñe! Asko gustatzen zait egiten duzuna. Ugalkortasunarentzat sendabelar baten bila ari naiz baina zure liburuan ez dut aurkitu. Bizi naizen lekuan inork ez daki horri buruz”. Mezu hori jaso nuen hilabete dela Instagrameko pribatutik eta eragin... [+]
Martxoan aurkeztu zuen Olatz Dañobeitiak azken zortzi urteotan garatu duen lana, Militantzia eta errepresio politikoaren azterketa feminista bat: 90eko Ezker Abertzaleko emakumeen kasua tesia. Horren aitzakian, horretan sakontzeko, bildu gara Lekeition berarekin... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Munduko Medikuak PiztuPower proiektu "eraldatzailea" abiarazi du, Nafarroako emakume afro-ondorengo gazteei laguntzeko eta aktibismoan trebatzeko etengabeko formakuntzaren bitartez.
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.