Bake Bideak elkarteak ekainaren 9an egin zuen ekimenaren aurkezpena. 31 kilometroko ibilbidea egingo dute Baionatik Donibane Lohizunera, Ion eta Unai Paroten eta Jakes Esnalen askatasuna eskatzeko.
Euskal presoek jasaten duten jazarpen juridikoaren aurka egiteko eta Esnalen eta Parot anaien askatasuna eskatzeko baliatuko da martxa. Ion eta Unai Parot eta Jakes Esnal 1990eko apiriletik daude kartzelan; eta aurten presondegian pasatako hogeita hamaikagarren urtea hasi dute. Hiru euskal presoek orain arte kartzelan igaro dituzten 31 urteak irudikatuz, kilometro kopuru bera duen ibilbidea antolatu du Bake Bideak elkarteak uztailaren 10erako.
Baionako Roland Barthes zelaigunetik abiatuko da martxa goizeko 8:00etan. Angelu, Biarritz, Bidarte eta Getari zeharkatuko ditu, besteak beste, eta Donibane Lohizunen bukatuko da. Arratsaldeko bostetan, Luis XVI. plazan manifestazioa egingo dute.
Ibilbide osoa bost etapatan banatuko da: lehenengoa Baionatik Angelun barrena joango da, sei kilometroko bidea (8:00etatik 10:00etara arte); bigarrena, Angelutik Biarritzera, zazpi kilometroko bidea (10:00etatik 12:00etara arte); hirugarrena, Biarritzetik Bidartera, zazpi kilometroko bidea (13:00etik 14:50etara arte); laugarrena, Bidartetik Akotzera, bost kilometroko bidea (14:50etatik 16:00etara arte); eta azkena, Akotzetik Donibane Lohizunera, bost kilometroko bidea (16:15etatik 18:00etara arte).
Martxa itsas bazterretik egingo da, gehienbat. Antolatzaileek azaldu dute, ibilbide zaila ez den arren, luzea dela. Horregatik, aukera dago 31 kilometroak egin beharrean, bost etapen artean bat edo gehiago aukeratzeko.
Parte-hartu nahi duten guztiei ura (litro bat, gutxienez) eta janaria eramatea eskatu diete. Bazkalorduan, piknika egingo da Biarritzeko Atalai gunean. Bestalde, uda izanik, eguzkitako krema eta txapela eramatea gomendatzen zaie hurbilduko diren guztiei.
Osasun egoera dela-eta, parte-hartzaile kopurua aurreikusi behar dute antolatzaileek. Beraz, martxa egin nahi dutenek online eman beharko dute abisua. Izen-emateko epea zabalik dago. Informazio gehiago lortzeko, webgunera jo daiteke.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.