Baiko enpresako pilotari gehienek bizi duten egoera salatu dute
Baiko enpresako hemezortzi pilotarik osatutako taldeak, ia enpresako guztiek, prentsaurrekoa eman dute gaur arratsaldean Tolosako Beotibar frontoian. «Pilotariok atsekabe orokor bat bizitzen ari gara aspaldian enpresak gurekiko hartu dituen hainbat jokabiderekin. Jokabide horiek, zuzendu beharrean, biderkatu egin dira azken hilabeteetan», zehaztu dute.
Baikoko eskualdeko lau pilotariek, Iñaki Artolak, Jon Ander Peñak, Beñat Urretabizkaiak eta Jon Erasunek, bat egin dute taldearekin. Lehen hirurak egon dira prentsaurrekoan, eta Erasunek ezin izan du egon, COVID-19a dela-eta konfinatuta baitago.
Asegarce Baiko bihurtu zenetik, 2018aren bukaeran, eta Jose Ramon Garai zuzendari nagusi berriaren izendapenetik aurrera, «aurretik bizi edo ezagutu gabeko egoerak jasaten» hasi zirela azaldu dute pilotariek. Besteak beste, entrenamenduetan ez dela pilotarien «egoera pertsonala kontuan hartu» zehaztu dute. Bestetik, aurrekontratua duten pilotari gazteei Bilbora edo Beasainera «astean hirutan joatera behartzen» dituztela azaldu dute, «etorkizunerako inolako bermerik gabe» eta «soldata duinik gabe». Kontratuak berritzeko garaian, Jose Ramon Garairekin izandako elkarrizketak «oso zailak» izan direla, eta tartean «errespetu falta garbiak» egon direla esan dute pilotariek. Bestalde, Eskiroz eta Victor pilotariei kontratua ez berritzea salatu dute: «Enpresaren mendekua izan da, ERTEtik irteteko negoziazioan gertatu zen guztia dela eta».
Pilotariek hainbat eskari egin dizkiote enpresari. Batetik, Jose Ramon Garai zuzendari nagusiak «jarrera aldatu» dezala: «Langileekin gehiago komunikatu dadila, negoziatzeko prest egon dadila eta kirol-arloko tratuan zein tratu pertsonalean aldaketak egin ditzala». Horrez gain, «era erabat bidegabean» berritu gabe geratu diren kideei «baldintzatik gabeko babesa» eman diete. «Azkenaldian hartutako zenbait erabaki birplanteatzeko» ere eskatu die enpresari. Eskaerei «entzungor» egiten bazaie eta «tratu bera» jasotzen jarraitzen badute, «neurri zorrotzagoak» hartu beharko dituztela esan dute, eta mobilizazio bat egiteko aukera aipatu dute.
Horrez gain, egoera honen aurrean, pilotari profesionalen elkarte bat sortuko dutela azaldu dute, «egungo pilotariak eta datozen urteetan etorriko direnak babesteko».
Euskal selekzioaren ofizialtasuna lortzera bidean urratsa eman du Nazioarteko Euskal Pilota Federazioak, Euskadiko Federazioa eskubide osoko kide izatea onartuta. “Lorpen historikoa da”, zioen Euskadikoak pasa den abenduaren 28an, baina zuhurtziaz mintzo zen,... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Pilotari famatua izan zen, munduko txapelduna, baina tartean behin baizik ez zuen Euskal Herrian jokatu, Mexikon jaio, hazi eta hantxe bizi baitzen, gurasoak haraxe joanda 1936ko gerratik ihesi. Abertzalea, Mexikoko euskal etxeko presidentea, Jaurlaritzaren aholkularia,... [+]
Txikitatik bizi dugu lehia gizarte honetan: umetan haurren arteko jolasetan, heldutakoan bizitzako eremu guztietan –batzuetan kontzienteki onartzen dugu jokatzea eta bestetan nahi gabe erortzen gara lehia dinamiketan–. Agian horregatik dira kirolariak gizarte... [+]