Baigorriko posta ixteko asmoa bertan behera geratu da
Mobilizatzeak balio duela begi-bistakoa da. Herritar andana Baigorrin manifestatu zen iragan larunbatean azken aldikoz eta lorpen garrantzitsuak eskuratu dituzte Baigorriko postaren alde. Hots, azkenean tokiko posta zerbitzuak ez dira irailean Donibane Garazira aldatuak izanen.
Larunbat goizean 200 bat jende hurbildu ziren postaren okupatzera eta Departamenduko postako zuzendaritzakoak arratsaldez proposamen berriak aditzera eman zizkieten:
– Baigorriko posta irailean hesteko xedea ezeztatua da.
– Postariek (edo bederen gehienek) haien banaketa-lana Baigorriko postatik segituko lukete.
– Hautetsien eta enpresen partaidetzarekin, gutunez kanpo diren beste zerbitzu banatze batzuk ere postariek eginen dituzte.
Frédérique Espagnac PSko senataria bilduko da Parisko arduradun nagusiekin eta ondoren, proposamen berriak eginen ditu zuzendaritzak heldu den hilabetean. Anartean ekintzen gelditzea erabaki dute postaren defentsa kolektibokoek.
Urte hasieratik datorren afera
Baigorriko postaren afera urte hastapenean eman zen ezagutzera. Tokiko postako zazpi langileak Donibane Garazira aldaraziko zituztela esan zuten eta ez da Baxenabarren halakorik gertatzen den lehen aldia.
Iaz, Oztibarreko Larzabale herriko (1.000 biztanle) posta zerbitzuko langileak Donapaleuko egoitzara aldatuak izan ziren.
Aldaketaren ondorioz, posta egunero bildu beharrean, bi edo hiru egunetan behin jasotzen dute ibarreko herritarrek.
Baigorri ibarra osatzen duten Aldude, Banka, Baigorri eta Urepeleko auzapezak Baigorriko postan eragin bera izanen zuen birmoldaketaren aurka mintzatu ziren. Prefeta eta Postaren zuzendaritzarekin bildu ziren maiatzaren 13an, eta hauxe adierazi ere: “Aldaketak ondorio larriak ekarriko ditu”.
Arrapostu zentzuzkorik ukan ez zutenez gero, hainbat ekimen eta manifestazio egin izan dira Baigorrin nahiz Pauen. Maiatzaren 26an Baigorriko Herriko Etxean bilkura publikoa egin zuten. Maiatzaren 30ean, Paueko Postako egoitzaraino eraman zuten mobilizazioa. Iragan asteburuan ere, herritarrak Baigorriko posta etxearen aitzinean manifestatu ziren. “Arloko langileen, herritarren, baita hautetsien eta tokiko administrazioaren lana dorpeki ukitua izanen da”, adierazi zuten auzapezek.
Postako zuzendariek esan dutenez, “lanaren seguritatea” dago aldaketa honen oinarrian. Argudio nagusia hauxe: “Baigorriko postak duen segurtasun eza da”. Auzapezek aldiz, Donibane Garazin egoera ez dela hobea izanen ohartarazi dute.
Baigorriko Jean-Michel Coscarat, Aldudeko Jean-Michel Dendarieta, Urepeleko Michel Ernaga eta Bankako Michel Oçafrain auzapezek “borrokarekin segitzeko nahia”, agertu zuten. Baigorri herrian 1.600 lagun bizi dira. Ibarreko goi-aldean, Banka, Urepele eta Aldude herrietan 1.000.
Auzapezek erranetan, tokiko ekonomian ondorio ezkorrak izateaz gainera, posta zerbitzuak antolatzeko moldearekin “harrituta” daude. Pauen izandako bilkura “elkorren arteko elkarrizketa” izan zen. Herritarren eta hautetsien aldaketaren aurkako jarrerak ezagutu ondoren, Paueko posta zuzendaritzak birmoldaketa plana aurkeztu diete Baigorriko auzapezei. Hala nola, herriz herri hainbat zerbitzu beteko dituen postari baten lana. Zerbitzu ezegonkorra eta zehazgabea.
“Birmoldaketa horrek zerbitzuaren kalitatean ondorio larriak izanen lituzke”. Auzapezen aburuz “herriaren ahotsa entzun behar da. Herritarrak eta gu haien batera konponbidea atzemateko prest daude. Errate baterako, Baigorriko postarien kopuruaren emendatzea, beste lurralde batzuekin elkartuz”. Adibiderako, Baigorriko posta bulegoa Donibane Garazira eramaten badute posta zerbitzua Urepeletik 35 kilometrora izanen da.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.