Arrola dantza taldeak Izan Baita ikuskizuna aurkeztuko du ekainaren 20an Baigorrin. Baigorriko Etxauzia jauregiaren historia eta Nafarroako Erresumaren gainbehera kontatuko dituzte dantza, musika eta antzerkiaren bidez. Pandemiak guztiz oztopatu ditu prestaketak; baina, azkenean, urtebeteko atzerapenarekin, argia ikusiko du luzaroan ondu duten lanak.
Ikusgarriak dantzaren eta musikaren bidez kontatzen du historia, baina bi antzerkilari ere izango dira plazan. Horiek narratzaile rola izango dute, eta haien laguntzaz bideratuko da kontakizuna. Baigorriko Etxauzia jauregiari eta Nafarroako Erresumari lotutako ikuskizuna da. Gure herriaren historiaren pasartetxo bat erakutsi nahi izan dute dantzen bidez, eta horretarako Antton Kurutxarri historialaren laguntza izan dute. Etxauziaren garai oparoetan eta zoriontsuetan kokatzen da ikusgarriaren hasierako testuinguru historikoa, eta gero gainbehera etorriko da.
Eñaut Zaldunbideren gidaritzapean 18 dantza prestatu ditu taldeak, eta koreografiak prestatzeko tokiko dantzetan oinarritu dira. Kanpora begiratu beharrean, bertakotik sortu nahi izan dute; Nafarroa Behereko dantzetatik eta urratsetatik abiatu dira. Lurrean dantzatzeari edota garai batean Baigorrin urratsak mozteko zen moduari erreparatu nahi izan diote, besteak beste.
2019an hasi ziren entseguekin eta aurreikusi zuten urtebeteren buruan aurkeztuko zutela lana. Azken errepikak egiten ari zirela, ordea, pandemia etorri zen, eta bertan behera gelditu zen emanaldia. Guztiz eten zen jarduna, eta ordutik hainbat oztopo izan dira jendea elkartu eta prestaketekin jarraitzeko.
Ikuskizunaren ideia Arrolarena bada ere, hasierako asmoa zen Garaztarrak dantza taldearekin eta Baztango dantzariekin elkarlanean plazaratzea. Hainbat entsegu elkarrekin egin zituzten, baina konfinamenduaren ondoko baldintzetan oso zaila izan da baztandarrekin lanean jarraitzea. Beraz, Arrolako eta Garaztarrak-eko dantzariak plazaratuko dira oraingoan.
Guztira 33 dantzari, 2 antzerkilari eta 15 musikari izango dira oholtzan. Musika moldaketak Ekhi Lambertek egin ditu, eta berak zuzenduko du musikari taldea; tradiziozko dantzak eta kantuak izan ditu oinarri. Lambert ere oholtzan izango da gitarrarekin eta kantuan, Xendarineko ahizpekin eta Jokin Irungarairekin batera.
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.