Hamasek adierazi du Israelek okupazioa aukeratu duela, bahituen gainetik. Hildakoen senideek uko egin diote Netanyahuren dolumin deiari, eta su-etena eskatu dute oraindik Gazan dauden 100 bahituak askatzeko.
Israelgo armadak igandean jakinarazi du bahituen sei gorpu atera dituztela soldaduek Gaza hegoaldeko tunel batetik. Armadaren hitzetan, Rafah inguruan aurkitutako gorpuak Israelera eraman dituzte, eta han identifikatu. Sionistek esan dute bahituak aurkitu baino lehentxeago hil zituztela.
Hamaseko agintari batek adierazi du sei bahituak Israelgo aire erasoen ondorioz hil zirela. AEBei ere leporatu dizkie heriotzak, hamaika hilabetez luzatu den genozidioa babesteagatik. 40.000 palestinar baino gehiago hil ditu Israelek urriaren 7tik.
Benjamin Netanyahu lehen ministroak mendekua hitzeman du Hamasen aurka, eta “ehizatu” egingo dituztela esan. “Bahituak hiltzen dituztenek ez dute akordiorik nahi”, adierazi du, su-eten akordioari erreferentzia eginez. Eragile askok leporatu diote azken hilabeteetan Netanyahuri akordiorako aukerak oztopatzen egotea, ezinezko baldintzak jarriz eta gerra luzatuz plan argirik izan gabe. Israelgo Defentsa ministroak berak ere “arduragabe” jokatzea egotzi dio lehen ministroari.
Bahitu israeldarren familiek osatutako elkarte batek, Netanyahurekin kritiko izan denak, mobilizazioak deitu ditu igandean bertan, eta milioi erdi pertsona atera dira kalera hainbat hiritan, su-eten akordioa eskatzera. Zabaldu duten oharrean adierazi dute Netanyahuk “akordioa egin ez izanak” eragin duela haien senideen heriotza.
Hildako bahituen familiek uko egin diote Netanyahuren dolumin deia jasotzeari, Al Jazeerak jakinarazi duenez. “Ez daukagu interesik bere heriotza ekarri duenarekin hitz egiteko. Ez diogu utziko gu erabiltzen hurrengo bahituaren heriotza justifikatzeko. Bahituen odola bere eskuetan dago”.
Hamasek adierazpen bat egin du sionistek sei gorpuak atera ostean, eta esan du Israelgo Gobernuak okupazioa aukeratu duela, bahituen gainetik. Qassam Brigadek argitaratutako bideoan adierazi dute bahituak bizirik zeudela, eta su-eten akordioaren lehen faseak askatuak izango zirela, baina Israelgo armadari egotzi diote haiek hil izana.
Bestalde, Hamasek gaitzetsi du Israelek tropak mantendu nahi izatea Filadelfia Korridorea izenekoan, Egipto eta Gaza arteko mugan. Netanyahuk su-etenerako jarritako azken baldintzetako bat da, nahieran gerra berriro hasi ahal izatearen baldintzaz gain.
Urtea bete da Hamasen urriaren 7ko erasoak gertatu zirenetik. Ordutik, Israelek Gaza suntsitu du eta guda inguruko herrialdeetara zabaltzen ari da pixkana. Urtebete honetako gertaera nagusiei errepasoa emango diegu kronologia honetan.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Ez bazara gai ikusteko palestinarren belaunaldi ugariri Israelek egindako gehiegikerien eta Hamasen krimenen arteko lotura kausala, ez duzu arrastorik ere giza izaerari buruz.
Astearte gauean Iranek ehunka misilekin egin dio eraso Israeli. Base militar eta azpiegitura energetikoen aurka zuzendu du erasoa. Gutxienez zazpi pertsona hil dira erasootan, CNNn irakur daitekeenez. Ez dago garbi Israelgo defentsa sistema zenbat misil neutralizatzeko gai izan... [+]
“Gerraren hurrengo fasea” hasi duela iragarri du Israelgo Armadak. Beirut hiriburuan, Gazan eta Sirian ere egin ditu bonbardaketak, eta Iran mehatxatu du berriz ere. AEBek jakinarazi dute soldadu gehiago bidaliko dituztela Ekialde Hurbilean dituen baseetara, Israeli... [+]
“Zonalde militar itxia” bilakatuko litzateke Gaza iparraldea, eta palestinar zibil guztiak kanporatzea ekarriko luke. Astebetean joaten ez diren guztiak helburu militar gisa hartu eta hil egingo lituzkete, planaren arabera.
José Luis Zapatero Espainiako presidente zela hasi ziren akordioa lantzen 2011n eta 2014an gauzatu zuten Espainiako Mariano Rajoy eta Israelgo Shimon Peres presidenteek. Publico komunikabideak eman du akordio horren berri.
Asteartean Beirut hiriburua bonbardatu du Israelek, aurreko egunetan erasoak nagusiki herrialdearen hegoaldean eta ekialdean egin ostean. “Ofentsiba areagotzeko” asmoa azaldu du Israelgo Armadako burua Herzi Halevik. Gerra “eskualde osora” zabaltzeko... [+]
181 estatu kideetatik 124k babestu dute neurria, eta hamalauk soilik bozkatu dute kontra. Ez da erabaki loteslea, eta ez da espero honen ondorioz Israelek jarrera aldatzerik.
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]
Azken urteetan ikusi gabeko bonbardaketa egin du Israelek Libanoko hainbat hiritan. Astelehenean, gutxienez 492 pertsona hil dituzte eta 1.645 zauritu, Libanoko osasun ministerioak emandako datuen arabera. Horrez gain, ostiralean Hezbollahren bi komandante hil zituen Israelek... [+]