Bahitutako lau israeldar askatu eta operazioan 274 palestinar hil ditu Israelek
Israelek sarekada egin du Nuseirat errefuxiatu kanpalekuan, Gaza erdialdean, AEBen parte hartzearekin. Gutxienez 274 pertsona hil eta 700 baino gehiago zauritu ditu, Gazako Osasun Ministerioaren datuen arabera. Bahitu gehiago hil ditu operazio berean, Hamasen esanetan. Laguntza humanitarioko kamioiak erabili dituzte israeldarrek kamuflaje modura.
Israelgo Armadak lau bahitu askatu ditu Nuseirat errefuxiatu kanpalekuan, eta kritika ugari jaso ditu zibil asko hil dituelako egindako sarekadan. Bertako medikuen arabera, “erabateko triskantza” eragin du Gaza erdialdeko Al-Aqsa ospitalean. Mediku batek esan du “hiltegia” zirudiela ospitalearen barrualdeak. Hamasen ordezkari militar batek jakinarazi du sionistek beste bahitu batzuk hil dituztela Nuseirateko operazioan, zehaztu ez badute ere nola edo zenbat hil diren. Israelgo Armadako buruzagi bat ere hil da sarekadan. Iturri batzuen arabera AEBek eraikitako portutik sartu dira Gazara sionisten “unitate bereziak”, laguntza humanitarioan kamuflatuta.
Israelgo Armadak jakinarazi du askatutako lau bahituak bi kokapenetan aurkitu dituztela, eta “osasun egoera onean” daudela. Larunbatean egindako operazioa izan da Israelek bahitu gehien bizirik erreskatatu dituen aldia urriaren 7tik, orain arte zazpi askatu ditu guztira. Israelgo Armadaren arabera 120 pertsonak jarraitzen dute bahituta Gazan, eta horietako 41 hilik daudez. Netanyahuk adierazi du bahituak askatzeko operazioekin jarraituko dutela.
Bahitu israeldarrak hil dituzte eta sarraskia eragin
Hamasen Qassam Brigadetako bozeramaileak, Abu Obaidak, jakinarazi du erreskate operazioan beste bahitu batzuk hil dituztela sionistek. Gaza erdialdeko erasoaldia “gerra krimena” izan dela salatu du Obaidak, eta gaineratu “etsaiaren presoak arrisku larrian” jarri direla. Azaldu du honek “izugarri okertuko” dituela bahituen bizi baldintzak.
Bahituak hiltzeaz gain, palestinarrentzako sarraskia izan da Israelgo Armadaren sarekada. Gutxienez 274 pertsona hil dituzte Nuseirat kanpalekuan, eta 700 zauritu. Imran Khan Al Jazeerako kazetaria Jordanian dago, Israelgo Gobernuak Al Jazeera debekatu zuelako Israelen, eta bertatik esan du erreskateari buruz hitz egitean agintari israeldarrek ez dituztela aipatu ere egin hildako dozenaka palestinarrak. “Israeldarrek ez dute hitz egin operazio honen kostuari buruz, garaipen bezala saldu nahi dutelako. Netanyahu presio izugarria jasotzen ari da, eta Bahituen Familien Foroak oso argi esan du su-etena dela modu hoberena Gazan dauden bahitu guztiak askatzeko”.
Lehenago ere jakinarazi izan du Hamasek bahituak hil dituztela sionisten erasoek. Apirilean esan zuten Khan Younis inguruan, Gaza hegoaldean, lau bahitu hil zirela Israelgo Armadaren aire eraso baten ondorioz. Armadak berak aitortu zuen bahituen heriotza, hiltzeko arrazoiak “aztertuko zituztela” esan bazuen ere. Urriaren 7tik 37.084 pertsona hil dituzte sionistek, eta 84.494 zauritu, azken datuen arabera.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]