Badator Arabako Bertso Kuadrillarteko Txapelketa
Txapelketa formatua izango du aurtengoak eta guztira 280 parte-hartzaile baino gehiago izango dira. Urtarrilaren 24an egingo dira lehenbiziko saioak eta finala martxoaren 28an izango da, Murgian.
Bertsozale.eus webgunean irakur daitekeenez (hemen albistea osorik), 2010eko Arabako Bertso Kuadrilla Arteko Txapelketa "mugarri bat izan zen Arabako bertsolaritzarentzat". Geroztik, bi urtean behin taldekako ekimen hau antolatu da, eta aurtengoa da seigarrena.
2018ko bideari eutsita txapelketa formatua izango du aurtengoak ere eta bere helburua da Arabako bertso mugimendua sendotzea.
12 talde autoantolatu
Taldeka hartzen da parte txapelketa honetan eta bi modutara aritzeko aukera dute bertsolariek: bat-batean eta idatziz.
Bat-batean aritzeko 12 talde osatu dira. Talde hauetako bakoitzak ditu bertsolariak, gai-jartzaileak, epaileak, argazkilariak, grabatzaileak eta sukaldariak. Guztira 9-12 kidek osatzen dute talde bakoitza. Talde hauek dira bere herrian edo eskualdean egingo diren saioak antolatzeko ardura dutenak. Aurten, guztira, 63 bertsolarik hartuko dute parte, 16 epailek, 16 gai-jartzailek.
Hurrengo eskualdeetako taldeak dira parte hartuko dutenak: Aiaraldea, Mendialdea, Lautada (bi talde), Gorbeialdea (hiru talde) eta Gasteiz (bost talde).
Bertso idatzietan 16 taldek hartuko dute parte: Gazte Asanbladak, Mintzalagun taldeak, lagun kuadrillak, bertso eskolako kideak... Bertsoak prestatu, idatzi eta jende aurrean edo jendearekin batera kantatuko dituzte. Arabako zortzi eskualdetako ordezkariek parte hartuko dute bertso jarrien modalitatean.
Txapelketa honetako bat-bateko saioetan bertan taularatuko dira idatzizko bertsoak. Bat-batekoa eta idatzizkoa kontuan hartuta, guztira, 280 parte-hartzaile ariko dira funtzio desberdinetan, aurtengo Kuadrilla Artekoan.
Lehen kanporaketak urtarrilaren 24an
Urtarrilaren 24an hiru saio egingo dira txapelketa honen kanporaketa moduan:
- Laudio. 21:00etan Basalarrina elkartean. Taldeak: Errexala (Gasteiz) eta Altubepekoak (Aiaraldea).
- Aramaio. 20:30ean Marixela elkartean. Taldeak: Izenbakuek (Aramaio) eta Konde basoko iluek (Aramaio).
- Korres. 21:00etan Korresko tabernan. Taldeak: Bertsolarriak (Mendialdea) eta Kakiturriko Gladioloreak (Gasteiz).
Hurrengo kanporaketak
Guztira 12 saio izango dira hasierako kanporaketetan.
Otsailak 1: Gasteiz eta Zalduondo.
Otsaila 7, 8: Mendiola eta Gasteizen (hirian hiru saio).
Otsailak 14, 15: Agurain, Murgia, Aramaio.
Finalaurrekoak
Hiru finalaurreko egingo dituzte sailkatutako sei taldeek.
Otsailak 29: Agurain.
Martxoak 7: Aramaio.
Martxoak 14: Amurrio
Finala
Martxoak 28, Murgiako Palatu kirol eremuan
Gasteizko Errexala eta Katuko Muinoak taldeak eta Aramaioko Izena Pentsau Bida lehiatuko dira arratsaldean, baina goizetik hasiko dira giroa berotzen.
Arabako bertso Kuadrillarteko lehen finalaurrekoa burutu da Aguraingo Zabalarten. Aramaioko "Izena pentsau bida" eta Gasteizko "Bertxilika" taldeak izan dira lehian bertan. bertan. "Izena pentsau bida" gailendu da saioan, beraz Laudion, martxoaren... [+]
Asteburu osoko egitarauan eta lurra esnatzeko Santa Agedako jai inguruan biribildu da Arabako bertso Kuadrilla arteko lehen faseko bigarren asteburua. Ostiralarekin eman zitzaion hasiera Gasteizen, larunbatean bazkari baten bueltan jarraitu zuen Agurainen, Gorbeialdera salto eta... [+]
Urriaren 10ean Murgiako Palatu kirol eremuan burutu da 2020ko Kuadrillarteko finala. Aramaioko "Izenbakuek", Gasteizko "Sumendiola bete poto" eta Aramaioko "Konde basoko iluek" taldeek kantu dute bertan. Izenbakuek taldekoak Manex Agirre, Danel... [+]
2020ko Kuadrilla Arteko finala hiru finalaurrekoetan irabazitako taldeek jokatuko dute, hau da, Gasteizko “Sumendiola bete poto”-k, Aramaioko “Izenbakuek” eta “Konde basoko iluek”.
Aramaion jokatu zen martxoaren 7an Arabako Bertso Kuadrilla artekoaren bigarren finalaurrekoa. Aramaioko "Izenbakuek" sailkatu ziren Murgian jokatuko den finalera. Gasteizko "Sumendiola bete poto" taldea izango du aurrean, eta hirugarren talde finalista... [+]
Hasierako ligaxkan hamabi taldek hartu dute parte eta hauek dira finalaurrekoetara sailkatutakoak: Sumendiola bete poto (Gasteiz), Kakiturriko gladiodoloreak (Gasteiz), Lautadako ahuntzak (Zalduondo), Konde basoko iluek (Aramaio), Izenbakuek (Aramaio) eta Errexala (Gasteiz)... [+]
Kuadrillarteko 4. asteburuko 3 saioak burututa finalaurrekoak erabakita geratu dira. LPR Lautadako Phoemian Rhapsody (Agurain) eta BertsoLARRIak (Mendialdea) berdinketa egin zuten eta Muinoko Katuak Resurrection (Gasteiz) eta Izenbakuek (Aramaio) taldeak izan dira garaile... [+]
Otsailaren 1ean jokatu zen Kuadrillartekoaren bigarren asteburua. Bi saio egin zituzten Zalduondon eta Gasteizen. Lautadako ahuntzak (Zalduondo) eta Sumendiola bete poto (Gasteiz) taldeak izan dira garaile saioetan. Hona hemen saio bakoitzaren talde antolatzailearen... [+]
Urtarrilaren 24an hasi zen 2020ko Arabako Bertso Kuadrilla Arteko Txapelketa. Lehen faseko hiru saio jokatu ziren Laudio, Korres eta Aramaion. Errexala (Gasteiz), Kakiturriko Gladioloreak (Gasteiz) eta Konde basoko iluek (Aramaio) taldeak izan dira garaile saioetan.
Larunbata, hilak 17, Gasteizko Alde Zaharrean aurtengo Kuadrilla artekoaren finala eta jai eguna ospatu zen. Arabar bertso Kuadrillen eguna ere bai, parte izan diren 14 taldeetako lagunak lanerako, bertsotarako eta gozatzeko prest, talde bakoitzak bere hazitxoa jarri zuen eguna... [+]
Urtarrilean hasiera eman zion 2018ko Kuadrilla artekoak, 14 saio eta 3 finalaurrekoren ostean helmugara heldu zen larunbatean ospatutako finalarekin. Bat bateko 14 talde eta idatzizko modalitatean 16 talde aritu ziren, denera 300 lagun inguru. Bertsozale.eus-ek egunaren ... [+]