Babes egitasmoa Hego Euskal Herriko artistentzat, estreinakoz
Artisten aldizkakotasuna aintzat hartuko da aurrenekoz Espainiako Estatuan. Langabezia prestazioa jasotzeko kotizatu beharreko gutxieneko egun kopurua murriztu egin dute: zehazki, hemezortzi hilabetean 60 egunez lan egin izana egiaztatu beharko dute.
Frantziako Estatuan 1936. urtetik indarrean dira kultura sektoreko langileen baldintzak hobetzeko mota bateko edo besteko neurriak. Aldizkakotasuna aitortzeko gutxieneko lan-jarduera egin behar dute hamabi hilabeteko epean; erregistratu behar dute 507 orduz egin dutela lan, gutxienez. Behin hori lortuta, langileak laguntza ekonomikoak jasotzen ditu kontratu bat amaitu eta bestea hasi bitartean.
Espainiako Estatuan, aurrenekoz, 2023an ezarriko da indarrean Artistaren Estatutua deritzon araudia. Duela lau urte eta erdi adostu zuten alderdi politikoek kulturaren sektoreko lan baldintzak hobetzea, bereziki fokua aldizkakotasunean ezarrita; gobernuak, Ministroen Kontseiluan, joan den urtarrilean onartu zuen lege-dekretua, eta gehiago garatzekotan geratu da, nahiz dagoeneko indarrean egon. Sektoreko langile guztiei zuzendutako estatutua da; besteak beste, artista, kameragile, musikari eta teknikariei.
Frantziakoaren gisako langabezia-prestazioa eskaintzea jaso da lege-dekretuan, aldizkakotasunaren araberakoa: kotizazio-baldintzak malgutu eta egokitu egingo dira erretiro-prestazioa "beste edozein lan-jardueren modukoa" izateko; jabetza intelektualaren eskubideak jasoko dira; eta azkenik, punturik eztabaidatsuena, autonomo diren eta diru-sarrera apalagoak dituztenen kasuak egokitu egingo dira: urtean 3.000 euro baino gutxiagoko sarrerak dituzten artista autonomoek, hilean 161 euroko autonomo-kuota ordaindu beharko dute.
Aldizkakotasunaren araberako langabezia-prestazioa bi ereduren artean erabaki beharko dute: hemezortzi hilabeteko epean 60 egunez kotizatu eta 120 eguneko prestazioa jasotzea; edo epe luzeragora begira, sei urteko epean 180 egun kotizatzea –lehen bikoitza zen–. Argitzeko geratu da, hala ere, artisten Pertsona Fisikoen Errentaren Gaineko Zergarekin zer gertatuko den; 2021eko jarduerak estatuturik gabe gauzatu direnez, datorren urteko udaberrira arte ez da helduko arazoa.
Aurkezpena, Donostian
Askotariko alorretako artista eta sortzaileak elkartu ziren astelehenean Donostiako Koldo Mitxelena kulturgunean, Espainiako Gobernu ordezkarien azalpenak entzuteko aurrenekoz eta aurrez aurre. Sortzaileei "konponbide duin bat" emateko moduko erreminta izango dela adierazi zuen Denis Itxasok; Espainiako Kultura Ministerioko zuzendari nagusi Adriana Moscoso del Pradok, berriz, "artistei aurrenekoz aitortza" emateko modukoa izango dela azaldu zuen. Administrazioaren eta gizarte zibilaren arteko lan eta elkarrizketa dinamikaren bitartez landu delako Espainiako Estatu mailan, eta horietaz harro, artisten ahotsa entzun eta jaso delako.
Berria kazetak jaso duenez, sortzaileen artean sorturiko kezka nagusia sortzaile autonomoen egoera izan zen. Moscoso del Pradok defendatu zuen lege-dekretu berria: "Kuota berezi bat aurreikusten da ordainsari oso txikia jasotzen duten autonomoentzat, eta erabateko bateragarritasuna ezartzen da erretiro-pentsioaren eta jardun artistikoaren artean". Dena den, gobernuko ordezkariek nabarmendu zuten "itxi gabeko arau zerrenda" dela oraindik.
Guggenheimaren patronatuakbi urteko epea jarri dio bere buruari proiektuaren alderdi guztietan lan egiteko, “zalantzarik gabe” hartu behar baita kontuan biosfera erreserba batean kokatuko dela. Pello Otxandianok zalantzan jarri du proiektuari 500 milioi euro... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]
Boga Boga festibala antolatu dute Donostian, eta jaialdiaren bezperatan, EHUko Uda Ikastaroen barnean, bi eguneko jardunaldiak egin dituzte Dabadaba aretoan, Egia auzoan. Hainbat musikari ez ezik, zenbait makrofestibalen antolatzaileak bertaratu dira hizlari gisa, baita... [+]
Gobernu berriak sorkuntza indartzeko asmoa adierazi du, "batez ere emakumeena eta euskaraz eginikoa". Sailburu berriak esan du aurreko gobernuak onartutako Plan Estrategikoa izango dutela ardatz, baina dokumentu horrek "euskarazko eskaintza handitzea"... [+]
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako... [+]