Assaden Baaz alderdiak eta haren aliatuek irabazi dituzte Siriako parlamentuko hauteskundeak
255 eserlekutatik 177 eskuratu ditu al-Assaden “Batasun Nazionala” izeneko hautagaitzak.
Siriako hauteskunde parlamentarioetan eserleku gehienak eskuratu ditu Baxar al-Assaden gidaritzapeko Batasun Nazionalak, 255 aulkitik 177 koalizioarenak izango baitira.
Hauteskunde prozesua siriarrentzat “ahalik eta irisgarriena” izatea bermatu zutela adierazi du Gobernuak, izan bere kontrolpeko lurraldean zein Mendebaldeko potentzien babesa jasotzen duten SDFren eskuetan dauden guneetan, Siriako lurralde subiranoaren %70ean, zehazki. Gerra hasi zenetik Raqqa eta Al-Hasakah probintzietan eta Idliben gobernuaren kontrolpeko zatietan hauteskundeak egin diren lehen aldia izan da.
Aurretik, eremu horiek kontrolatzen zituzten talde armatuek ez zioten Siriako Gobernuari hauteskundeak antolatzen uzten, egun Siriaren lurraldearen gainontzeko %30ean egiten duten bezala. Dena den, SDFk ez du onartu bozak egitea bere araupean dauden guneetan, gerra zibila amaitzeko elkarrizketa eta akordioa erdietsi baino lehen herritarrak botoa ematera deitzea erabaki “goiztiarra” izan dela uste baitute.
Herrialdeko agintariek deialdia “bidezkoa” izan dela adierazi dute, eta hautagaiek, haien ordezkariek eta hedabideek bozketa bera eta botoak zenbatzeko prozesua monitorizatu dituztela diote. Gobernua aitortzen ez duen oposizioak, bere talde armatuekin batera, erabat baztertu zituen hauteskundeak. Parte hartzeari uko egin zionez, agintean den koalizioaren aurrean oposiziorako aukera gutxi izan da hautestontzietan.
Hauteskundeak COVID-19 pandemian zehar egin direnez, boto-emaileen tenperatura egiaztatu zen hauteslekuetara sartzen utzi baino lehen. Hauteskunde-funtzionarioek, berriz, maskarak erabili behar izan zituzten eta boto-emaileen lerroek urruntze soziala betetzen zutela bermatu zuten.
Mehatxupean
Astearte honetan aire erasoa egin zuen Israelgo Aire Armadak Sirian. Sionisten hegazkinek erasoa jaurti zuten Golango Gainetako zerutik –Israelek okupatutako goi-lautada–. Hegazkinen aurkako defentsa siriarraren misilak Damaskoko zeruan ikusi ziren Israelen erasoaren ostean. Siriako hedabide ofizialek jakinarazi dutenez, hainbat misil israeldar atzeman zituzten euren helburuetara iritsi aurretik.
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Hilabete igaro da Turkian lehen lurrikara gertatu zenetik, eta gutxienez 51.000 hildako zenbatu dituzte. Milioika herritarrek beren etxeak utzi behar izan dituzte.
Anatoliako failak Kurdistanen, Turkian eta Sirian eragindako lurrikarak goitik behera jausi ditu milaka etxebizitza, eta agerian geratu da Recep Tayyip Erdoganen gobernuaren eta eraikuntza sektorearen artean dagoen ustelkeria. Baina baita munduan nagusitzen ari den eredu baten... [+]
6,4 gradukoa izan da lurrikara, eta ondoren hainbat erreplika eragin ditu, 5,8 gradukoa handiena. Gutxienez sei pertsona hil ditu dardarak. Tsunami arriskua dela eta, agintariek itsasotik urruntzeko eskatu diete herritarrei.
Ostegun eguerdirako 21.500 dira hildakoak Mesopotamiako lurretako historia modernoan izandako lurrikara gogorrenaren eraginez. Mundu osoko herrialde ugari erreskatean laguntzeko taldeak bidaltzen ari dira. Erdoganek esan du eremu kaltetuak ikustera joango dela, bere aurkako... [+]
Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]
Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.
Urtarrilaren 20an Siriako Ipar eta Ekialdeko Autoadministrazioaren menpe dagoen Hasake hiriko espetxeari eraso diote auto suizidekin, milaka islamista askatzeko. YPGk kontrola berreskuratu arren, tiroketek jarraitzen dute, Daex-eko zenbait kide ezkutatu baita.
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.
Ersin Çelic eta Diyar Hesso dira Askatasunaren alde filmaren zuzendaria eta ekoizlea, hurrenez hurren. Valentziako Mostran Bronze saria jaso ostean, Euskal Herrian proiektatu dute azaroaren hasieran eta politika, gerra eta erresistentzia uztartzen dituen proiektuaren... [+]