Azterketa arrotzen aurka Bilboko kaleak hartu dituzte ikasleek
Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea galdegin dute.
Pisa, LOMCE eta Heziberri bezalako erreforma eta azterketen aurrean "zorrotz" daudela aldarrikatu dute Ikasleok Zorrotz dinamikako kideek Bilbon egindako protesta jendetsuan. Arriagatik abiatuta egin dute manifestazioa ehunka ikaslek, eta ibilbidean eserialdia egin dute. Ezetz esan diete azterketa arrotzei: "Ezezkoa esaten diegu anti-demokratikoak direlako, Hezkuntza Komunitatearen eta honen parte garrantzitsu garen ikasleon hitza kontuan izan gabe inposatu dizkigutelako. Ezezkoa sexista delako eta genero bereizketan sakontzen duelako; Ezezkoa, española delako, hizkuntzaz zein kulturaz; Ezezkoa, erreabalida eta azterketa ezberdinen bidez, ikasleon arteko lehiakortasuna eta indibidualismoa sustatzen dutelako".
Azterketa arrotzen aurrean "herritik eta herriarentzat" izango den hezkuntza sistema bat eskatu dute. "Hezkuntza ezinbesteko zutabea da herri aske bat amesten dugunontzat. Hezkidetzan oinarrituko den hezkuntza sistema bat nahi dugu, Euskal Herri feminista eraikitzeko; euskalduntzen duen hezkuntza sistema bat nahi dugu, Euskal Herria euskalduna izan dadin; kritikotasuna sustatzen duen hezkuntza bat nahi dugu, errealitatea eraldatzeko tresnak eskuratzeko, elkarlana sustatzen duen hezkuntza bat nahi dugu, herria kolektiboan eraikitzen delako... herritik eta herriarentzako hezkuntza aldarrikatzen dugu, baita eguneroko borrokan eraiki ere!". Hezkuntzatik abiatuz, desobedituz eta eraikiz Euskal Herri burujabea eraikitzeko deia egin dute.
Lanean jarraitzeko deia
Bide horretan, datozen asteetan hezkuntza komunitateko kide ezberdinekin lanean jarraitzeko deia egin dute. Larunbatean izango dute hurrengo hitzordua: ikasle egunean. Halere, datozen asteetan ere lanean jarraitzeko deia egin dute: "Gaurko indar erakustaldiak emandako indarraz, asanbladak deitzea tokatzen zaigu orain ikastetxeetan, herrian eragile ezbedinekin harremanak egitea, planto egiteko protokoloa gure errealitatera egokitu eta ikasleen artean zabaltzea, atxikimenduak jasotzea... jarrai dezagun lanean!".
Albiste hau Topatuk argitaratu du eta Creative Commons lizentziari esker ekarri dugu.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.