Aztarna arkeologikoak topatu dituzte Sopelan, supermerkatua eraiki gura duten lursailean
Erdi edo Goi Paleolitokoak izan daitezkeen silex-zatiak aurkitu dituzte Sopelako arkeologo bik Bareñoko lursailean, joan den uda amaieran azaleko azterketa bat egin ondoren. Bertan, supermerkatu bat egitea aurreikusita dago, baina aurkikuntza horren ondorioz lanotarako lizentzia-obra suspenditu da, behin-behinean, aurkikuntzaren inguruko txosten bat aurkeztu arte, Sopelako udal-iturriek jakinarazi dutenez.
Joan den urteko udaren amaieran, Maitane Larrea eta Ander Ugarte arkeologo sopeloztarrek azaleko azterketa bat egin zuten Bareño sektoreko lursailean; izan ere, gune horretan supermerkatu bat egiteko hasierako obrek hainbat aztarna azaleratu dituztela jakinarazi dute historialariek. Erdi edo Goi Paleolitokoak izan daitezkeen 21 harri-aztarna aurkitu dituzte, eta, ondorioz, eraikuntza-lanok atzeratu behar izan dira, behin-behinean, aurkikuntzaren nondik norakoak aztertu ahal izateko.
Ugartek jakinarazi duenez, "udan egindako lur-mugimenduek hainbat silex-zati lurpetik atera dituzte", eta, horren ondorioz, erraz topatu zituzten aipatutako harri-aztarnak. Horren berri emateko, txosten bat bidali zioten Bizkaiko Foru Aldundiari, eta, orain, aztarnategiaren balizko potentziala aztertu beharko du supermerkatua eraikiko duen enpresak. Horretarako, Suhar arkeologia-taldeak zundaketak egingo ditu aztarnategi arkeologikoa dagoen edo ez ziurtatzeko.
Aurkitutako aztarnak etapa bitan bana daitezkeela zehaztu du Ugartek: alde batetik, Erdi Paleolitoa, Levallois metodoagaz landutako harri-puskak aurkitu dituztelako, Mousteriar kulturako oso karakteristikoak; eta, bestetik, Goi Paleolitoa, zati laminar eta burilak aurkitu dituztelako. Silex-zati horiek guztiak Bilboko Arkeologi Museoaren esku utzi dituzte, eta ezinezkoa zaie oraindino baloraziorik egitea, horiek azalean eta aldatutako testuinguru batean aurkitu dituztelako.
Oraindino ez dago katalogatuta aurkikuntza hori, baina kontutan hartuta Sopelan, eta Uribe Kostan orokorrean, testuinguru arkeologiko aberatsa dagoela, adituek uste dute garrantzi handia izango duela inguruok aztertzea. Izan ere, azaldu dutenez, ez da lehenengo aldia mota horretako aurkikuntzak ematen direla Bareño inguruan: Joseba Rios Garaizar eta Diego Garate arkeologoek 2008an aurkitutako Bareño aztarnategiko partea da orain aztertu beharreko lursaila.
Aranzadi Zientzia Elkarteko Etnografia Sailaren zuzendari berria da Maite Errarte Zurutuza (Beasain, 1995), urrian Fermin Leizaolaren lekukoa hartu ondoren. Kultura materiala aztertzen jarraitzeko beharra azpimarratu du, gizartearen memoria eta bizimodu aldaketak erregistratzeko... [+]
Atapuercako aztarnategian hominido zahar baten aurpegi-hezur zatiak aurkitu dituzte. Homo affinis erectus bezala sailkatu dute giza-espezieen artean, eta gure arbasoek Afrikatik kanpora egindako lehen migrazioei buruzko teoriak irauli ditzake, adituen arabera.
Martxoaren 30erako Iruña-Veleia martxan, SOS Iruña-Veleia eta Euskeraren jatorria elkarteek manifestaziora deitu dute, Aski da! Argitu, ez suntsitu lelopean. Azken bi urteetan "hondeatzaileak sistematikoki eremu arkeologiko oso aberatsak suntsitzeko modu... [+]
Etiopia, 1974ko azaroaren 24a. Lucy-ren hezurdura aurkitu zuten Hadarren, giza arbasoen arrasto zaharrenetakoa. Australopithecus afarensis espezieko hominidoak 3,2 eta 3,5 milioi urteren artean ditu.
Homo espezieen arbasotzat jo zuten orduan, gu guztion amatzat. Mende erdi... [+]
Normandiako erromatar garaiko aztarnategi batean lanean ari zirela, arkeologia ikasle batzuek aurkikuntza bitxia egin dute berriki: buztinezko eltze baten barruan kristalezko flasko txiki bat topatu zuten, XIX. mendean emakumeek lurrina eramateko erabili ohi zuten... [+]
Yamagata unibertsitateko Masato Sakai arkeologo japoniarra buru duen ikerlari talde batek geoglifo ugari aurkitu berri ditu Nazcako basamortuan (Peru). Guztira 303 geoglifo topatu dituzte, orain arte ezagutzen zen geoglifo kopurua ia bikoiztuta. Horretarako adimen artifiziala... [+]
Trebiñu, VI. mendea. Eremita talde bat Las Gobas kobazuloetan bizitzen hasi zen, eta historiaurretik okupatutako Laño ibaiaren haitzarte hartan kobazulo berriak hondeatu zituzten. Hurrengo mendean kobazuloetako bat nekropoli modura erabiltzen hasi zen bertako... [+]
Arkaiako erromatarren eremu termalean San Tomas ibaiari loturiko azpiegitura hidrauliko handi bat aurkitu dute, baita lur azpian 3.000 metro koadroko eraikin bat ere, garai hartako etxalde batenak izan daitezkeen arrastoekin.
Mexikoko Coahuila basamortuan, Bilbaoko dunak izeneko parajean, giza eskeleto baten arrastoak topatu dituzte. Arkeologoek aztertu ondoren, ondorioztatu dute 950-1250 urte artekoak direla eta Candelariako kulturarekin lotuta daudela.
Aurkikuntza berri pozgarria izan da... [+]
Arabako aztarnategi arkeologikoaren ondoan 280 metro luze eta 72 metro zabal dituen egitura ezkutatzen da soroen azpian. Arkikus enpresak drone bidezko kartografia teknika bereziak erabilita egin du aurkikuntza. Euskal Herrian ez da halako besterik eta Tarraco edo Calagurris... [+]
Aurtengo neguan INRAPeko (Ikerketa Arkeologiko Prebentiboen Institutu Nazionala) arkeologoek nekropoli berezia aurkitu dute Auxerreko (Frantziako Estatua) erdigune historikoan: haur jaioberrientzako edo hilda jaiotako haurrentzako erromatar garaiko hilerria. K.o. I. eta... [+]
El Villar aztarnategian 2017an aurkituriko mosaiko erromatar handia zaharberritu eta ikusgai jarri dute Ablitasko kultur etxean. IV. mendeko villa edo etxaldeak 40.000 metro koadro ditu eta oso-osorik dagoela uste dute arkeologoek, nahiz eta zati txiki bat baino ez duten... [+]
